HABAKUK 3:4 - Bibəl ta Sar̄

⁴ Ni ndə́lē tītə̄ loo kə́ unjə̄ kow beé. Yá̰á̰ kə́ ndə́lē pipir gə̄ teēn̄ kem jīn tə́, loo ń tɔ́gən a ɓɔ̄ɔ̄ rɔ̄n tū ní tə́.

Bible sar

⁴ Ni ndə́lē tītə̄ loo kə́ unjə̄ kow beé. Yá̰á̰ kə́ ndə́lē pipir gə̄ teēn̄ kem jīn tə́, loo ń tɔ́gən a ɓɔ̄ɔ̄ rɔ̄n tū ní tə́.

HABAKUK 3:4 Referans Kwoze

MATIYE 17:2

Anī ta kumən tél tūr̄ kə́ rang kɔ̄ɔ́ kə̄ ta kumdə́ tə́ noō. Ta kumən ní ndə́lē tītə̄ mbang beé ō, kūbə̄ yān gə̄ ndaan̄ tītə̄ loo kə́ unjə̄ kow beé ō.

Makətūbə̄ yā Job 26:14

Kəla rāān gə̄ ní ré i núsən kə́ sḛ́ý beē ngóy n noó, i kōōn kə́ sḛ́ý beē ngóy n j-ōōī noó anī, kəla rāān kə́ bo gə̄ ń kōōdə́ ɓār̄ tītə̄ ndán̄g man̄ beé ní, i náā n a ger̄ kum ní?

Teē Ngán Israel gə̄ 14:20

Kil̄ man̄ ní ra dɔ dáń ngán Israel gə̄ kə de kə́ Ejiptə gēé tə́. Kil̄ man̄ ní risə til dām̄ kə́rēý tə́ ba ndɔ̄ɔ́ anī dāmə̄n yā ngán Israel gə̄ unjə̄. Adə̄ ndɔ̄ɔ́ bátə́ kadə̄ loo tīiń ní, de kə́ Ejiptə gə̄ asən̄ kaw̄ rɔ̄ ngán Israel gə̄ tə́ aĺ ō, ngán Israel gə̄ asən̄ kaw̄ rɔ̄ de kə́ Ejiptə gə̄ tə́ aĺ ō.

JEJU TEĒ KUM JA̰A̰ 22:5

Loo kə́ ndɔ̄ɔ́ a gətóo ō, a sāān̄ i hor lámbá tá yā ka̰a̰ń loo aĺ ō, a sāān̄ i mbang tá yā ka̰a̰ń loo aĺ ō. Tām̄ i Kɔ́ɔ̄ɓē Nə́ɓā n i loo kə́ unjə̄ kow dɔdə́ tə́ kadə̄ a̰a̰n̄neé loo ō, nin̄ a o̰o̰n̄ ɓē i kə dɔ ɓāl̄ gə̄ ɓāl̄ gə̄ ō.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.

NEHEMI 9:12

Ɔ́r no gír deē yāí gə̄ kadaá i kə kil̄ man̄ kə́ ra kə ngālāá ɓururu ō, ndɔ̄ɔ́ anī i kə hor kə́ ra kə ngālāá ɓururu kadə̄ a̰a̰n̄neé loo dɔ róbə́ n njə̄rādə́ tū tə́ ní tə́ ō.

Teē Ngán Israel gə̄ 13:21

Kɔ́ɔ̄ɓē nəkɔ́ i kété nodə́ tə́: Kadaá anī ni i dan kil̄ man̄ kə́ ra kə ngālāá ɓururu kə́ a ɔjədə́ ta róbə́ tə́ ō, ndɔ̄ɔ́ anī ni i tū hor kə́ ra kə ngālāá ɓururu kə́ kadə̄ a̰a̰n̄neé loo tə́ ō, adə̄ nin̄-asən̄ njə̄rā kadaá ō, ndɔ̄ɔ́ ō.

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

PĀ GƏ̄ 18:12

Ni ɓɔ̄ɔ̄ rɔ̄n dan kil̄ man̄ kə́ ndul ndḭ́ ndḭ̄ tə́, utə̄ gidə rɔ̄n kə kil̄ man̄ kə́ risə til ndingií. Kil̄ man̄ gə̄ ní ndulən̄ tītə̄ kum man̄ kə́ rúu ngá̰ý beē.

EJEKIEL 1:27

Yá̰á̰ kə́ to tītə̄ deē ní, m-á̰a̰n ndə́lē tītə̄ gində̄ beé ō, to tītə̄ kə́ hor gīr̄ gidən beé ō. Yá̰á̰ kógə̄ḿ kə́ to tītə̄ hor beé i gír kāgə̄ rɔ̄ deē ní tə́ nang tə́ ō, i dɔn tə́ dɔɔ́ ō. Hor ní unjə̄ kow dɔn tə́ kə̄ loo gə̄ tə́ malang

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.