HABAKUK 3:3 - Bibəl ta Sar̄

³ Nə́ɓā ḭḭ i Teman n reē ní. Nə́ɓā kə́ táĺ ḭḭ i mbal̄ bo gə̄ kə́ Paran tə́. Bo yān taā loo malang dɔ rā̰ tə́ ō, tɔ̄ȳ kə́ de gə̄ tɔ̄ȳnən̄ taā loo malang dɔ nang tə́ ō.

Bible sar

³ Nə́ɓā ḭḭ i Teman n reē ní. Nə́ɓā kə́ *táĺ ḭḭ i mbal̄ bo gə̄ kə́ Paran tə́. Bo yān taā loo malang dɔ rā̰ tə́ ō, tɔ̄ȳ kə́ de gə̄ tɔ̄ȳnən̄ taā loo malang dɔ nang tə́ ō.

HABAKUK 3:3 Referans Kwoze

NDŪ NAJƏ̄ 33:2

Kɔ́ɔ̄ɓē ḭḭ i mbal̄ kə́ Sinai tə́ n reē ní. Ni-əɓa tītə̄ mbang beé dām̄ kə́ Seir tə́. Ni-ra i mbal̄ kə́ Paran tə́ n unjə̄ń kow dɔ gír deē yān gə̄ tə́ ní. Ni-reē rɔ̄ ngéén gə̄ tə́ kə dūbə̄ ngé kəla kə́ dɔ rā̰ tə́ gēé gōn tə́. Ni-əhɔ ndū najə̄ yān ń unjə̄ tītə̄ hor ní jīn tə́.

ABƏDIAS 1:9

Ḭ̄ ɓē bo kə́ Teman, ɓōĺ a tɔ̄l̄ ngé rɔ̄ɔ̄ yāí gə̄ kɔ̄ɔ́. Loo ń noō tə́ a tɔ̄lə̄n̄ de kə́ kem ɓēé gə̄ malang kɔ̄ɔ́.

AMOS 1:12

M-ā m-ə́la hor dɔ ɓē yādə́ kə́ Teman tə́ tə́, adə̄ a o̰o̰ kújə yādə́ kə́ majə gə̄ kə́ kem ɓē kə́ Bosra tə́ kɔ̄ɔ́.

PĀ GƏ̄ 4:4

Yá̰á̰ ń kadə̄ ī-gerī ní n toó: Kɔ́ɔ̄ɓē ɔr̄ kam̄ deē yān tayā, dan ń m̄-ɓārə́n kadə̄ dḭḭ̄m̄ anī ni ndigəm̄.

JEREMI 49:7

Kə́ tām̄ yā Edom tə́ ní, najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Gír kum kedə̄ gān̄g kɔ̄ɔ́ Teman tə́ i mbée a? Gír̄ yá̰a̰ reē dɔ nge ger̄ kum najə̄ láẃ tə́ to̰ aĺ i mbée a? Kum kedə̄ yādə́ majə aĺ i mbée kɔ̄ɔ́ a?

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

PĀ GƏ̄ 68:17

i tām̄ rí tə́ á sḭḭ̄ mbal̄ gə̄ ń jamsí gə̄ i ngá̰ý ní ə̄ndāī ni mbal̄ ń Nə́ɓā gərā yā ndi tū tə́ ní? A̰á̰ā̰, Kɔ́ɔ̄ɓē a ndi tū tə́ ngándáńg.

NDŪ NAJƏ̄ 5:24

ba ədamə̄n̄ najə̄ ń ə̄ndāī tadə́ tə́ ní, ədan̄ na: Kɔ́ɔ̄ɓē Nə́ɓā yājí ɔjəjí kadə̄ ni i de kə́ bo ngá̰ý ō, ɔjəjí yá̰á̰ kə́ to kɔsə gɔn yān ō, adə̄ j-a̰a̰ kə kumjí ō, j-oō ndūn kum hor tə́ ō. Ɓōólaā ní jə-ger̄ kadə̄ Nə́ɓā asə kɔr̄ najə̄ kə de gēé ba kəya̰də́ kadə̄ ndin̄ kə kumdə́.

IJAI 64:3

Nə́ɓā kə́ rang kə́ rāā yá̰a̰ tītə̄ ń toō tām̄ yā ngé gə̄ ń ənīn̄ kemdə́ adə̄nən̄ tə́ ní gətóo, i ḭ̄ ngó̰y. Á̰a̰, de kə́ oō najə̄n nja kógə̄ḿ gətóo, de kə́ oō nja kógə̄ḿ gətóo.

PĀ GƏ̄ 48:10

Nə́ɓā dan ń jḭḭ i kem kújə yāí tə́ ní, jə-tél jə-gír̄ dɔ kem majə yāí ń ī-rāā sejí tə́ ní.

PĀ GƏ̄ 9:20

Kɔ́ɔ̄ɓē, ḭ́ḭ dɔɔ́! Ādə̄ tɔ́gə deē ndul tɔȳ yāí alé! Āw̄ kə gíŕ nápar de kə́ rang gēé ta loo gān̄g sarya yāí tə́!

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

PĀ GƏ̄ 3:4

Banī Kɔ́ɔ̄ɓē, ḭ̄ i der yāḿ. Ḭ̄ i kɔsə gɔn yāḿ, nge kun dɔḿ dɔɔ́.

PĀ GƏ̄ 3:2

Kɔ́ɔ̄ɓē, madə̄ ba̰ā̰ḿ gə̄ i ngá̰ý! Ngé kḭḭ seḿ kə rɔ̄ɔ́ gə̄ i ngá̰ý!

1 SAMUEL 25:1

Samuel oy. Ngán Israel gə̄ malang kánə̄n̄ naā ba nōōnən̄ ō rāān̄ yon ō. Dubə̄nən̄ i ɓē yān tə́ Rama. Gō tə́ anī Dabid aw̄ kem dəla loo kə́ Paran tə́.

TƏ́DA 10:12

Ngán Israel gə̄ ḭḭn̄ dəla loo kə́ Sinai tə́ kə gō naā aw̄n̄. Ba kil̄ man̄ aw̄ əhɔ loo dəla loo kə́ Paran tə́.

Teē Ngán Israel gə̄ 20:18

Ngán Israel gə̄ malang oōn̄ kōō man̄ ń ndang ní ō, oōn̄ kōō tōw̄ ní ō, a̰a̰n̄ man̄ ń tel̄ ní ō, a̰a̰n̄ sa hor ń əɓa dɔ mbal̄ tə́ ní ō. Anī ɓōĺ rāādə́ adə̄ ndewn̄ yakə yakə ō, ran̄ sa̰y ō.

TA KƏLA 36:11

Ngán Elipaj gə̄ i Teman ō, Omar ō, Sepo ō, Gatam ō, Kenas ō.

PĀ GƏ̄ 113:4

Kɔ́ɔ̄ɓē o̰o̰ ɓē dɔ nápar de gə̄ tə́ malang ō, kɔsə gɔn yān i dɔ dɔ rā̰ tə́ dɔɔ́ ō.

PĀ GƏ̄ 148:13

Ī-tɔ̄yī rī Kɔ́ɔ̄ɓē, tɔdɔ̄ i rīn ni ngóy kə kérneé n bo ní. Kɔsə gɔn yān taā loo dɔ nang tə́ ō dɔ rā̰ tə́ ō.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

1 MBAN̄G GƏ̄ 11:18

Nin̄ ḭḭn̄ Madian aw̄ ugə̄n̄ Paran. Ɔyn̄ de kə́ Paran gə̄ dɔdə́ tə́ ba aw̄n̄ Ejiptə rɔ̄ mban̄g Parao̰ tə́. Mban̄g Parao̰ adə̄ Hadad kújə ō, yá̰a̰ kəsa ō, adə̄n dɔ nang ō.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

HABAKUK 2:14

A̰á̰ā̰, de gə̄ malang a gerə̄n̄ kɔsə gɔn yā Kɔ́ɔ̄ɓē. Kɔsə gɔn ní a taā loo malang dɔ nang tə́, tītə̄ ń man̄ rosəń kem kār̄ bā bo gə̄ tə́ ní.