HABAKUK 2:3 - Bibəl ta Sar̄

³ Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

Bible sar

³ Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

HABAKUK 2:3 Referans Kwoze

PĀ GƏ̄ 27:14

Ī-ngóō ta Kɔ́ɔ̄ɓē. Ə́hɔ rɔ̄í tɔgə ō, ə́hɔ kemií ngan̄g ō! Ī-ngóō ta Kɔ́ɔ̄ɓē.

EJEKIEL 12:25

Tɔdɔ̄ i mā Kɔ́ɔ̄ɓē n m-ɔ̄r̄ najə̄ ní ō, yá̰á̰ ń m-ə́dá ní a rāā yá̰a̰ kanjə̄ kɔr bā̰ā̰ ō. A̰á̰ā̰, i dan ń sḭḭ̄ ngé mbātə́ najə̄ gə̄ ī-ndiīneé kə kumsí ɓáý ní n m-ā m̄-rāań yá̰á̰ m-ə́dá ní. Yá̰á̰ ń Kɔ́ɔ̄ɓē Nə́ɓā əda ní n noó.

PĀ GƏ̄ 102:13

Banī Kɔ́ɔ̄ɓē, ḭ̄ i mban̄g ngándáńg, ḭ̄ i Nə́ɓā kə dɔ ɓāl̄ gə̄ ɓāl̄ gə̄.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

MISE 7:7

Banī mā m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́, m̄-ngóō Nə́ɓā ń a ajəm̄ ní. Ni Nə́ɓā yāḿ, a oōm̄.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

KƏLA RĀĀ 1:7

Jeju tél tūr̄ ədadə́ na: I Bɔbə́ḿ n i nge rāā kadə̄ yá̰a̰ gə̄ rāān̄ yá̰a̰ kə ɓāl̄ yādə́ gēé ō, kə kum mbang yādə́ gēé ō, kə ndū ko̰o̰ ɓē yānneé ō ní. Ger̄ ɓāl̄ gə̄, aké kum mbang gə̄ ń yá̰a̰ gə̄ a rāān̄neé yá̰á̰ ní ndetəsí alé.

DANIEL 8:19

Gō tə́ anī ədam̄ na: Yá̰á̰ ń a reē dan ń gír wōn̄g a gān̄g ní, m-ā m-ɔ́jiī kadə̄ ī-ger̄. Tɔdɔ̄ ndɔ̄ ń kadə̄ gír gāngəń ní i kə́ ɔjən̄ kɔ̄ɔ́.

GALATƏ 4:2

tɔdɔ̄ ni-ndi i gíŕ tɔ́gə yā de kə́ ngé ngɔ̄mə̄n gə̄ tə́ ō, ngé ngɔ̄m̄ yá̰a̰ yān gə̄ tə́ ō, bátə́ kadə̄ ndɔ̄ ń bɔbə̄n ɔjə ní ugə̄ pá tá.

Najə̄ kə́ Majə yā Jeju ń Luk ndang ní 2:25

Dan ngeé ń noō tə́ ní dəngam kógə̄ḿ ndi Jerusalem noó, rīn na i Simeo̰. Ni i de kə́ súmūú ō, i de kə́ ɓōĺ ndíĺ Nə́ɓā ō. Ni a ngóō i ta ndɔ̄ ń Israel gə̄ a əngen̄neé kem sɔl̄ ní ō, Ndíĺ kə́ Táĺ i dɔn tə́ ō.

DANIEL 11:35

Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

KƏLA RĀĀ 17:26

Ni-əndā gíŕ nápar de gə̄ malang i kə de kə́ kal kógə̄ḿ beē ō, əndādə́ dɔ nang tə́ malang ō. Ni-rāā ɓar ō ɓāl̄ ō tām̄ yādə́ tə́ ō, ɔjə dɔ nin̄ loo gə̄ ń kadə̄ ndin̄ tū tə́ ní ō.

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.

Teē Ngán Israel gə̄ 12:41

Dan ń ɓāl̄ kə́ ɓú sɔ́ kə kutə mətá gə̄ ní mānə̄n̄ anī, asə dɔ ndɔ̄ ń ngán Israel gə̄ teēn̄neé kem ɓē kə́ Ejiptə tə́ kɔ̄ɔ́ ní.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

DANIEL 11:27

Mban̄g kə́ jōó gə̄ a əngen̄ naā ta kār̄ kəsa kə́ kógə̄ḿ beē tə́, banī kemdə́ a ndul ngá̰ý kə naá, adə̄ najə̄ gə̄ ń a ɔrə̄n̄ kə naá ní i najə̄ kə́ rɔ̄kum aĺ gə̄. Banī nge ń noō a teē yá̰a̰ alé. Tɔdɔ̄ ré ndɔ̄ ń ɔjən̄ ní ugə̄ anī, i gáŕ kadə̄ gír a gān̄g.

2 MBAN̄G 6:33

Ni a ɔr̄ najə̄ sedə́ kə̄ tan tə́ ɓáý anī mban̄g nəkɔ́ reē ugə̄ ba əda na: I Kɔ́ɔ̄ɓē n reē kə yá̰á̰ kə́ to kum kaȳ aĺ ń toō dɔjí tə́ ní! Ní i yá̰á̰ rí n kə m-ə̄ndā kemḿ dɔ kənge tə́ jī Kɔ́ɔ̄ɓē tə́ ní?

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

IJAI 8:17

m̄-ndi m̄-ngóō Kɔ́ɔ̄ɓē. Kə́ ngɔr ń toō tə́ ɓáa ni-əndā kumən gír kojə yā Jakob tə́ to̰ alé, banī m-ə̄ndā kemḿ dɔn tə́.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

IJAI 7:4

Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.

EJEKIEL 30:9

Ndɔ̄ ń noō tə́ ní, ngé kaw̄ kəla gə̄ a aw̄n̄ i kə too boó. M-ā m-ə́ládə́ i yā kadə̄ nin̄ aw̄ rāān̄ ɓē kə́ Etiopi kadə̄ ndew, ni ń gír̄ kadə̄ na n-ndi na i kanjə̄ sōl̄ yá̰á̰ kógə̄ḿ ní. Ba ndɔ̄ ń m-ā m̄-nujəń ɓē kə́ Ejiptə ní, ɓōĺ a rāā de kə́ kemeé gə̄ kadə̄ a ndewn̄. Ndɔ̄ ní dɔ to ngɔr!