HABAKUK 1:7 - Bibəl ta Sar̄

⁷ I de gə̄ kə́ majən̄ aĺ ngá̰ý ō, ton̄ ɓōĺ ngá̰ý ō. I nin̄ kɔ́ gə̄ ngóy n i ngé kɔjə yá̰á̰ kə́ gōtə́ yādə́ gə̄ ō, ngé kɔjə yá̰á̰ ń tɔ́gə́də́ asə rāā ní ō.

Bible sar

⁷ I de gə̄ kə́ majən̄ aĺ ngá̰ý ō, ton̄ ɓōĺ ngá̰ý ō. I nin̄ kɔ́ gə̄ ngóy n i ngé kɔjə yá̰á̰ kə́ gōtə́ yādə́ gə̄ ō, ngé kɔjə yá̰á̰ ń tɔ́gə́də́ asə rāā ní ō.

HABAKUK 1:7 Referans Kwoze

IJAI 18:7

Loo ń noō tə́ a reēn̄ kə yá̰a̰ ndējə̄ gə̄ yā kadə̄ Kɔ́ɔ̄ɓē kə́ bo kə́ tɔ́gən i ngá̰ý. Yá̰a̰ ndējə̄ gə̄ ní, i yā nápar de gə̄ kə́ ngāl̄ gə̄ ń toō, ń i nápar de gə̄ kə́ ndāŕdə́ ndə́lē ō, de gə̄ ɓōlə́n̄də́ laā ō, kə̄ loo gə̄ tə́ ō, tɔ́gə́də́ i ngá̰ý adə̄ nin̄ rējə̄n̄ madə̄ ba̰ā̰də́ gə̄ ō, ndin̄ i kem ɓē kə́ bā gə̄ əndan̄ dan gāngə̄n̄ tə́ ō ní. A reēn̄ kə yá̰a̰ ndējə̄ gə̄ ní i dɔ mbal̄ bo kə́ Siyo̰ tə́, loo ń Kɔ́ɔ̄ɓē kə́ bo kə́ tɔ́gən i ngá̰ý ndi tū tə́ ní tə́.

NDŪ NAJƏ̄ 5:27

Adə̄ ḭ̄ Moijə, ī-ndɔ́tə̄ kə̄ rɔ̄ Kɔ́ɔ̄ɓē Nə́ɓā yājí tə́, ōō najə̄ malang ń a ɔr̄ seí ní, ba ī-reē ə̄nījí gotə. Na j-a j-oō ō, j-a jə-rāā yá̰á̰ ń ni-əda ní ō.

NDŪ NAJƏ̄ 5:19

Ā ī-ɓogə alé.

IJAI 18:2

Ni-əla ngé njə̄rā mbā dɔ bā Nil tə́ kə too tə̄ɓāá gə̄! Sḭḭ̄ ngé kaw̄ kəla láẃ gə̄, ī-tél āwī gogə́ ɓēé loosí. Nápar de gə̄ yāsí gə̄ ń i de kə́ ngāl̄ gə̄ ō, ndāŕdə́ ndə́lē ō, əlan̄ ɓōĺ kem de gə̄ tə́ laā ō, kə̄ loo gə̄ tə́ malang ō ní, madə̄ ba̰ā̰də́ gə̄ ní, ī-tél āwī gogə́ kemeé.

DANIEL 2:31

Kɔ́ɔ̄ ɓē gə̄, yá̰á̰ ń á̰a̰ā̰ ní n toó, i yá̰á̰ kə́ tɔ́sə̄ adə̄ to tītə̄ deē, ba yá̰á̰ ní bo ngá̰ý ō ndə́lē to ɓōĺ ngá̰ý ō. Yá̰á̰ ní ra i noí tə́ ō, to ɓōĺ ngá̰ý ō.

IJAI 14:17

Ni ń kété rāā dɔ nang adə̄ tél dəla loo ō, nujə ɓē bo gə̄ ō, mbātə́ kəya̰ dəngáy gə̄ dɔɔ́ ō ní.

IJAI 47:8

Ngɔlaā ní, ḭ̄ ń ī-gḛy rɔ̄nel̄ ngá̰ý ní, ōō yá̰á̰ ń toō: Ḭ̄ ī-ndi nang tə́ jəke ī-gírəń najə̄ ń toō ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo. M-ā m̄-tél dəyá̰ kə́ ngaa koy aĺ i kə́ bátə́ gə̄ tə́ ō, m-ā m̄-tḭ̄ḭ̄ ta ngánə́ḿ gə̄ aĺ ō!

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.