HABAKUK 1:16 - Bibəl ta Sar̄

¹⁶ Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

Bible sar

¹⁶ Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

HABAKUK 1:16 Referans Kwoze

HABAKUK 1:11

Nin̄ mānə̄n̄ tītə̄ nél man̄ kə́ əla kə tɔ́gɔ́ ō, aw̄n̄ loo yādə́ ō. Tām̄ yādə́ nin̄ tə́ ɓáa, yá̰á̰ kə́ ngá̰ý yādə́ i tɔ́gə́də́. Tɔ́gə́də́ i nə́ɓā yādə́.

DANIEL 5:23

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

EJEKIEL 28:3

Ḭ̄ ɔ́jəń na kum kedə̄ yāí na mān̄ yā Danel. Ḭ̄ ī-gír̄ ə́da na ásə ger̄ yá̰á̰ kə́ to loo mundə̄ tə́ gə̄.

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

IJAI 37:24

Mā ń i Kɔ́ɔ̄ɓē ní, ī-tájə̄m̄ kə ta kūl̄ najə̄ kə́ ə̄ndā ta ngé kəla yāí gə̄ tə́. Ḭ̄ ə́da na: Mā Senakerib, m-āl̄ dɔ mbal̄ bo gə̄ tə́ dɔɔ́ kə púsə rɔ̄ɔ̄ yāḿ gə̄ kə́ ngá̰ý, m-āw̄ bátə́ m-ūgə̄ dɔ mbal̄ Liban tə́ dɔɔ́. Kāgə̄ sédər yān gə̄ kə́ majən̄ tɔȳ madə̄ gə̄ ní m̄-tə́gādə́ kɔ̄ɔ́ ō, kāgə̄ sipəres yān gə̄ kə́ majən̄ tɔȳ madə̄ gə̄ ní m̄-tə́gādə́ ō. Mbal̄ bo yān kə́ ngāl̄ tɔȳ madə̄ gə̄ ní, m-āw̄ m-ūgə̄ tū tə́ ō, ku kāgə̄ yān kə́ majə tɔȳ madə̄ gə̄ ní, m-āw̄ m-ūgə̄ tū tə́ ō.

PĀ GƏ̄ 22:29

Kɔ́ɔ̄ɓē i mban̄g, ni-o̰o̰ ɓē dɔ nápar de gə̄ tə́.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

JEREMI 44:17

J-a jə-rāā yá̰a̰ malang ń j-ənī ndūjí yā rāā ní, adə̄ i róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.