HABAKUK 1:12 - Bibəl ta Sar̄

¹² Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

Bible sar

¹² Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ *Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā *Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

HABAKUK 1:12 Referans Kwoze

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

PĀ GƏ̄ 90:2

Kété pá tá kadə̄ mbal̄ gə̄ teēn̄ ō, kété pá tá kadə̄ ī-rāā dɔ nang ō yá̰á̰ malang kə́ tū tə́ ō, ta kəla gír tə́ jóo bátə́ kə̄ no tə́ ō ní, ḭ̄ i Nə́ɓā.

NDŪ NAJƏ̄ 33:27

Nə́ɓā kə́ nge ndi ngándáńg i loo ɓɔ̄ɔ̄ rɔ̄ yāí. Nəkɔ́ ń jóo bátə́ ɓōólaā toó ní, tɔ́gən i ngá̰ý dɔ nang tə́ laā. I ni n tə̄ɓā madə̄ ba̰ā̰í gə̄ noí tə́ ō, mērī tɔ̄l̄də́ kɔ̄ɔ́ ō ní.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

JEREMI 30:11

Mā i naā tə́ seí yā gān̄g dɔí. M-ā m-ādə̄ nápar de gə̄ malang ń m̄-tə̄ndā m̄-tḭ̄ḭ̄sí dandə́ tə́ ní gətóon̄ kɔ̄ɔ́. Ba ḭ̄ tá m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

PĀ GƏ̄ 93:2

Kɔ́ɔ̄ɓē, kōr̄ kāgə̄ mbang yāí əla gír ndi ngan̄g i jóo. Ḭ̄ ə́lá gír ndi i jóó ngá̰ý.

HEBƏRO 13:8

Jeju Kərist to i kum gotən, tagə́bēé ō, ɓōólaā ō, ni a to i kum gotən ngándáńg ō.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

KƏLA RĀĀ 3:14

Sḭḭ̄ ī-mbātíī de kə́ táĺ ō, kə́ súmūú ō, ba ī-dəjeī Pilatə kadə̄ əya̰ de kə́ nge tɔ̄l̄ deē tá dɔɔ́ adə̄sí.

MALASI 3:6

Mā Kɔ́ɔ̄ɓē m̄-tūr̄ alé. Ba sḭḭ̄, ngándáńg ní sḭḭ̄ i ngán Jakob gə̄!

HABAKUK 3:2

Kɔ́ɔ̄ɓē, kəla rāāí kə́ bo bo gə̄ ní, m-ōō gotə. Kɔ́ɔ̄ɓē, dan ń m-ōō ní, m̄-ndew. Ī-rāā yá̰á̰ kə́ tītə̄ ń noō gə̄ dan ndijí kə kumjí tə́ ō, ī-rāā adə̄ de gə̄ gerə̄n̄də́ dan ndijí kə kumjí tə́ ō. Ká ré wōn̄g rāāī gə̄gē anī, ādə̄ əga kemií dɔ tár yāí tə́.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

EJEKIEL 30:25

A̰á̰ā̰, m-ā m̄-rāā mban̄g kə́ Babilon kadə̄ tɔ́gə jīn tɔȳ kə́ kété ɓáý ō, tɔ́gə jī mban̄g kə́ Ejiptə a gətóo adə̄ jīn gə̄ a urə̄n̄ wak kɔ̄ɔ́ ō. M-ā m-ə́la kaskar yāḿ jī mban̄g kə́ Babilon tə́, adə̄ ni a rɔ̄ɔń ɓē kə́ Ejiptə. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

NŌŌ RƆ̄ 5:19

Ḭ̄, Kɔ́ɔ̄ɓē, ī-ndi mban̄g ngándáńg. Ī-ndi dɔ kōr̄ kāgə̄ mbang yāí tə́ i kə dɔ ɓāl̄ gə̄, ɓāl̄ gə̄.

IJAI 43:15

Mā i Kɔ́ɔ̄ɓē ō, Nə́ɓā yāsí kə́ táĺ nge kəndā Israel, mban̄g yāsí.

IJAI 40:28

Tá Kɔ́ɔ̄ɓē i Nə́ɓā, əla gír i jóó ngá̰ý ō, i mbóńg kə̄ non tə́ ō. Ədan̄ nge ń noō adə̄ sḭḭ̄ ōōī aĺ a? Ni-rāā dɔ nang malang kə taá. Tɔ́gən gətóo nja kógə̄ḿ alé, kɔr rāān nja kógə̄ḿ alé. De kə́ asə ger̄ rúu ter kə́ kemən tə́ gətóo.

JEJU TEĒ KUM JA̰A̰ 1:8

Kɔ́ɔ̄ɓē Nə́ɓā əda na ni na i Alpa ō, Omega ō, deē ń ndi ngɔlaā ō, ndi kété ō, a reē ɓáý ō ní. I ni n i Nə́ɓā kə́ bo kə́ tɔ́gən i ngá̰ý ní.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

IJAI 37:26

Ní, ḭ̄ Senakerib ī-ger̄ yá̰á̰ ń toō aĺ i mbée a? Yá̰a̰ gə̄ ń a rāān̄ yá̰a̰ toó i mā n m-ə̄ndā dɔdə́ danaá kété jóó ní. m̄-núm̄ yá̰á̰ ń toō i kété, banī ngɔlaā m̄-rāādə́ adə̄ reē udən̄ gíŕ kə́ rɔ̄ tə́. m̄-gḛy kadə̄ ī-rāā ɓē gə̄ ń ngɔ̄mə̄n̄də́ majə ní kadə̄ télən̄ kɔkərɔ kə́ ra dɔ naā tə́ bing gə̄.

PĀ GƏ̄ 118:17

Adə̄ m-ā m-óy alé, m-ā m̄-ndi kə kumḿ, yā kənī gotə yá̰á̰ ń Kɔ́ɔ̄ɓē rāā ní.

PĀ GƏ̄ 18:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid kə́ nge kəla yā Kɔ́ɔ̄ɓē. Ni-ɔr̄ najə̄ kə Kɔ́ɔ̄ɓēé kə pāá i gō gān̄g ń Kɔ́ɔ̄ɓē gān̄g dɔn jī Saul tə́ ō, jī madə̄ ba̰ā̰n gə̄ tə́ malang ní ō, əda na:

PĀ GƏ̄ 17:13

Kɔ́ɔ̄ɓē, ḭ́ḭ dɔɔ́! Ī-tā̰ madə̄ ba̰ā̰ḿ gə̄ rɔ̄ɔ̄, ə̄sō sedə́ nang tə́, ī-taām̄ jī ngé kem ndul gə̄ tə́ kə kaskar yāí.

2 MBAN̄G 19:25

Senakerib, m̄-nóm̄ rāā yá̰a̰ gə̄ ń noō i kété jóó ngá̰ý ní, ī-ger̄ aĺ a? M-ə́lá gíŕ nóm̄də́ i kem ɓāl̄ gə̄ kə́ jóó ngá̰ý tə́ ní, ī-ger̄ aĺ a? Ngɔlaā ní m̄-rāādə́. M-ə̄ndāī i yā kadə̄ ī-nujə ɓē kə́ ngan̄g gə̄ sák sák kɔ̄ɔ́ kadə̄ télən̄ ndəbā ɓē gə̄.

1 SAMUEL 2:2

De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

JEREMI 5:18

Ba kum mbang ń noō tə́ ní m-ā m̄-tɔ̄l̄sí malang alé. Najə̄ ń Kɔ́ɔ̄ɓē əda ní n noó.

JEREMI 4:27

Najə̄ ń Kɔ́ɔ̄ɓē əda ní n toó: Dɔ nang malang kə taá a téĺ yá̰á̰ kə́ to kum ko̰ ngá̰ý banī m-ā m̄-nujəń malang alé.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

TA KƏLA 21:33

Abəraham əhɔ kāgə̄ tamaris kógə̄ḿ Beer Seba, ba ndɔ̄ȳ kə rī Kɔ́ɔ̄ɓē Nə́ɓā kə́ ndi ngándáńg.

PĀ GƏ̄ 102:24

Ni-ɔr̄ tɔ́gə́ḿ dɔ ngɔ̄də̄ tə́, ni-gān̄g ta ndɔ̄ḿ dɔɔ́.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

HABAKUK 3:6

Dan ń ni dəba anī dɔ nang ndew. Dan ń ni-a̰a̰ gír nápar de gə̄ anī, nin̄ ɓōlə́nən̄ ō. Mbal̄ bo gə̄ ń ran̄ ngándáńg ní, njárə̄n̄ ō, ngán mbal̄ kə́ jóó ngá̰ý gə̄ téē tə̄sōn̄ ō, nin̄ ń kété jóo rāān̄ rɔ̄də́ i kə̄lá róbə yān gə̄ tə́ ní.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

PĀ GƏ̄ 74:12

Nə́ɓā i mban̄g yāḿ kə́ ta kəla gíŕ tə́ jóó ngá̰ý. Tetə rɔ̄ɔ̄ gə̄ kem ɓēé ní i ḭ̄ n i kɔ́ɔ̄n.

PĀ GƏ̄ 90:1

Ndɔ̄ȳ yā Moijə, deē yā Nə́ɓā. Kɔ́ɔ̄ɓē, i ḭ̄ n i loo ɓɔ̄ɔ̄ rɔ̄ yājí kə dɔ ɓāl̄ gə̄ kə dɔ ɓāl̄ gə̄ ní.

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.