HABAKUK 1:10 - Bibəl ta Sar̄

¹⁰ De gə̄ ngeé ń noō ní, i ngé mbóo kə ngār gēé. Nin̄ kídə̄n̄ ngé ko̰o̰ ɓē gə̄ ō, ɓōlə́n̄ ɓē gə̄ kə́ de gə̄ ngɔ̄mə̄n̄ majə ngá̰ý gə̄ aĺ ō, nin̄ ɔsən̄ nán̄g kə̄ dɔ naā tə́ yā taāń ɓē gə̄ ní malang.

Bible sar

¹⁰ De gə̄ ngeé ń noō ní, i ngé mbóo kə ngār gēé. Nin̄ kídə̄n̄ ngé ko̰o̰ ɓē gə̄ ō, ɓōlə́n̄ ɓē gə̄ kə́ de gə̄ ngɔ̄mə̄n̄ majə ngá̰ý gə̄ aĺ ō, nin̄ ɔsən̄ nán̄g kə̄ dɔ naā tə́ yā taāń ɓē gə̄ ní malang.

HABAKUK 1:10 Referans Kwoze

2 YÁ̰A̰ GƏ̄ 36:6

Nabukodonosor mban̄g kə́ Babilon reē ənīn rɔ̄ɔ̄. Do̰ō̰n kə súĺ gində̄ nə̄ngá kasə kə́ kəga gidə naā tə́ jōó ba aw̄ seneé Babilon.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

IJAI 14:16

Ngé ka̰a̰í gə̄ əndān̄ kumdə́ dɔí tə́ a̰a̰īń ngá̰ý. Nin̄ dəjen̄ rɔ̄də́ najə̄ ədan̄ na ké i nəkɔ́ wa, dəngam ń kété rāā dɔ nang adə̄ ndew ní, ni ń kété yéȳ ko̰o̰ ɓē gə̄ ní nəkɔ́ a?

2 YÁ̰A̰ GƏ̄ 36:10

Dan ń ɓāl̄ kə́ kijə ugə̄ anī mban̄g Nabukodonosor əla de gə̄ adə̄ reēn̄ kə Joakin ō, yá̰a̰ gə̄ kə́ kem kújə yā Kɔ́ɔ̄ɓē tə́ kə́ gātə̄də́ i ngá̰ý gə̄ ō, Babilon. Ba əndā Sedekias kə́ ngōkó̰o̰ Joakim mban̄g dɔ ɓē kə́ Jerusalem tə́ ō, Juda tə́ ō.

JEREMI 33:4

Rɔ̄kum, Kɔ́ɔ̄ɓē Nə́ɓā yā Israel ɔr̄ najə̄ kə́ dɔ kújə gə̄ kə́ kem ɓē ń toō tə́ ō, kə́ dɔ kújə gə̄ yā mban̄g gə̄ kə́ Juda tə́ ō ń a nujən̄də́ kɔ̄ɔ́ kə ta kūl̄ nán̄g kə́ kɔsə dɔ naā tə́ ō, kaskar ō ní.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

IJAI 10:9

Yá̰á̰ ń m̄-rāā kə ɓē kə́ Kalne ní, to tītə̄ yá̰á̰ ń m̄-rāā kə ɓē kə́ Karkemis ní waḿ? Yá̰á̰ m̄-rāā kə ɓē kə́ Hamat ní, to tītə̄ yá̰á̰ ń m̄-rāā kə ɓē kə́ Arpad ní ō, yá̰á̰ ń m̄-rāā kə ɓē kə́ Samari ní, to tītə̄ yá̰á̰ ń m̄-rāā kə ɓē kə́ Damas ní ō.

IJAI 37:13

Mban̄g gə̄ kə́ Hamat ō, Arpad ō, Lair ō, Separbaim ō, Hena ō, Aba ō ní, nin̄ i rá?

EJEKIEL 21:31

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: A taān̄ ta kūbə̄ kənda dɔ yāí kɔ̄ɔ́ ō, a taān̄ jākā mbang yāí kɔ̄ɔ́ ō. Yá̰a̰ gə̄ a tūrə̄n̄! A ɔsən̄ de kə́ najə̄də́ gətóo gə̄ kə̄ dɔɔ́, ba a télən̄ kə de kə́ bo gə̄ kə̄ nang tə́.

EJEKIEL 26:8

Ni a nujə ɓē kə́ kadií tə́ gə̄ ń ndin̄ kə gō kadə bāá ní. Gō tə́ anī, Babilon gə̄ a ndērə̄n̄ bəlo gə̄ ō, a əndān̄ ndogə̄ mbal̄ gə̄ kə́ yā kənīń rɔ̄ɔ̄ ō. Nin̄ a əndān̄ ndogə̄ der yā rɔ̄ɔ̄iń ḭ̄ ɓē kə́ Tir.

SOPONI 1:8

Kɔ́ɔ̄ɓē əda na: Ndɔ̄ tun̄ yá̰á̰ tə́ anī, m-ā m̄-rāā yá̰á̰ kógə̄ḿ kə de kə́ bo gə̄ ō, kə ngār gə̄ ō, kə de gə̄ malang ń a o̰ō̰n̄ kūbə̄ tītə̄ tə̄rā gə̄ ní ō.

JEREMI 30:5

Najə̄ ń Kɔ́ɔ̄ɓē əda ní n toó: De gə̄ oōn̄ kōō kɔŕ kə́ to ɓōĺ ngá̰ý. I ɓōĺ kə́ al̄ naā, lɔm gətóo.