GALATƏ 6:7 - Bibəl ta Sar̄

⁷ Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní.

Bible sar

⁷ Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní.

GALATƏ 6:7 Referans Kwoze

2 KORḚNTƏ 9:6

Ādə̄ əga kemsí dɔ najə̄ ń toō tə́: Nge ń ənda i sḛ́ý beē anī a əja i sḛ́ý beē ō, nge ń ənda i ngá̰ý anī a əja i ngá̰ý ō!

OJEE 10:12

Ré yá̰á̰ ń ī-dubī ní i yá̰á̰ kə́ gōtə́ anī, yá̰á̰ ń ā ə́jaī ní, i kem majə. Ī-tə́gāī loo ndɔr̄ kə́ kijə tām̄ yāsí tə́. I kum mbang sāāḿ mā Kɔ́ɔ̄ɓē n toó, tá yā ngóoń kadə̄ m̄-reē m̄-rāā man̄ yá̰á̰ kə́ gōtə́ kadə̄ edə dɔsí tə́.

Makətūbə̄ yā Job 4:8

Yá̰á̰ ń m-ə̄ndā ma̰ȳ m-á̰a̰ā̰ majə ní n toó: I ngé ndɔr̄ yá̰á̰ kə́ gōtə́ aĺ gə̄ ō, i ngé dubə̄ yá̰á̰ kə́ tōr̄ gə̄ ō n a əjan̄ yá̰á̰ kə́ gōtə́ aĺ gə̄ ō, yá̰á̰ kə́ tōr̄ gə̄ ō ní.

1 KORḚNTƏ 15:33

Ādī síndə̄sí alé: De kə́ háĺdə́ majaĺ gə̄ ń deē njə̄rā sedə́ ní a nujən̄ háĺ kə́ majə yā deē.

Gōsə̄ najə̄ gə̄ 11:18

Nge kem ndul ənge yá̰a̰ kənda nja kə́ gólə̄n banī yá̰a̰ kəndā nja kə́ rɔ̄kum to tām̄ yā nge dubə̄ kum háĺ kə́ gōtə́ tə́.

Gōsə̄ najə̄ gə̄ 1:31

i beé ní, háĺdə́ a ənī najə̄ dɔdə́ tə́ ō, gír̄ kə́ majaĺ kə́ kemdə́ nin̄ kɔ́ gə̄ tə́ a ndān̄də́ kə́ kəsa tə́ ō.

EPEJƏ 5:6

Ādī deē kógə̄ḿ gól̄sí kə mbóo najá alé. Ī-tām̄ yá̰á̰ kə́ tītə̄ ń noō gə̄ tə́ n wōn̄g yā Nə́ɓā a reēń dɔ ngé gə̄ ń mbātə́n̄ koō najə̄ tan tə́ ní.

OJEE 8:7

Dan ń sḭḭ̄ ī-rāāī yá̰á̰ kə́ majaĺ ní, ā ī-ndíbī horən. Gémē kə́ ɔr̄ dɔn aĺ a teē ndujə̄ alé. Ba ré teē ndujə̄ anī, tə̄rā gə̄ a əsan̄ kɔ̄ɔ́.

1 KORḚNTƏ 6:9

De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,

Gōsə̄ najə̄ gə̄ 6:14

Kemən majə alé, adə̄ kə kum mban̄g gə̄ malang ni ni a əndā i dɔ yá̰á̰ kə́ majaĺ gə̄ naā tə́ yā rāā, ni i nge rāā kadə̄ de gə̄ kɔ̄lə̄n̄ naā.

Makətūbə̄ yā Job 15:31

Ādə̄ ni-əndā kemən dɔ gól̄ loo tə́ alé, na sōgə́ ndúm̄ ta róbə. Tɔdɔ̄ gól̄ loo a téĺ yá̰a̰ kəndā nja yān.

Najə̄ kə́ Majə yā Jeju ń Luk ndang ní 16:25

Anī Abəraham tél ədan na: Ngōnə̄ḿ, ādə̄ əga kemií na, dan ń ḭ̄ ī-ndi dɔ nang tə́ ɓáý ní, ḭ̄ ə́ngé yá̰á̰ kə́ majə yāí gə̄ ō, Lajar ní ənge i yá̰á̰ kə́ majaĺ gə̄ ō. Ngɔlaā ní ni-ənge kem sɔl̄ banī yāí i kadə̄ ə́ngé yá̰á̰ kə́ tōr̄.

JAKƏ 1:22

Ī-rāāī yá̰a̰ kə gō najə̄ ní, ba ī-lōōī koō kə mbīsí ngóy. Tɔdɔ̄ ré ā ī-rāāī i beé anī, ā ī-gólī i rɔ̄sí sḭḭ̄ kɔ́ gə̄.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

ABƏDIAS 1:3

Kɔjə rɔ̄ yāí kə́ ngá̰ý gólī! Ḭ̄ ī-ndi i bəlo mbal̄ gə̄ tə́, ī-rāā kújə yāí gə̄ i loo kə́ kḭḭ kə̄ dɔɔ́ gə̄ tə́. Ḭ̄ ə́da rɔ̄í na: I náā n asə rāām̄ kadə̄ m̄-risə nang tə́ ní.

GALATƏ 6:3

Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́.

JAKƏ 1:26

Ré deē kógə̄ḿ gír̄ kadə̄ ni i nge rɔȳ Nə́ɓā, ba ger̄ loo kəhɔ ta ndo̰n kə jámá aĺ anī, ni a gól̄ i rɔ̄n nəkɔ́: Rɔȳ Nə́ɓā yān i rɔȳ Nə́ɓā kə́ ndāńg karī.

1 KORḚNTƏ 3:18

Ādə̄ deē kógə̄ḿ gól̄ rɔ̄n nəkɔ́ alé. Ré de kə́rēý dɔ dansí tə́ gír̄ kadə̄ ni i de kə́ nge kum kedə̄ tītə̄ de kə́ dɔ nang tə́ laā gə̄ anī, ādə̄ ni-tél de kə́ mbóo yā télən̄ de kə́ nge kum kedə̄.

1 JA̰A̰ 1:8

Ré j-ədaī na majaĺ yājí na gətóo anī, jə-gólī i rɔ̄jí jḭḭ̄ kɔ́ gə̄, adə̄ najə̄ kə́ rɔ̄kum gətóo kemjí tə́.

Najə̄ kə́ Majə yā Jeju ń Luk ndang ní 21:8

Ni ədadə́ na: Ādə̄ kumsí ngan̄g, ba ə̄ndāī kum kedə̄ dɔ rɔ̄sí tə́, na ngá̰ý gə̄ a unən̄ rīḿ yā reēń, ba a ədan̄ na i mā ō, na ndɔ̄ na i ngɔr ō, ī-lōōī kun gōdə́.

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.

2 TESALONIK 2:3

Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá.

JEREMI 37:9

Mā Kɔ́ɔ̄ɓē, Nə́ɓā yā Israel m-ɔ̄r̄ najə̄ i tītə̄ ń toō beé: Ī-lōōī gól̄ rɔ̄sí ba gír̄ kəda na Kalde gə̄ na teēn̄ kem ɓē yāsí tə́ kɔ̄ɔ́ ō, na aw̄n̄ na i kə́ njɔ́ḿ gə̄ tə́ ō. Nin̄ aw̄n̄ loo alé.

OJEE 10:13

Banī sḭḭ̄ ī-ndɔrī i kem ndul, yá̰á̰ ń ə́jaī ní, i yá̰á̰ kə́ majaĺ ō, ə́saī i kan̄ sor̄ ō. Israel, ḭ̄ ə̄ndā kemií i dɔ tɔ́gí īkɔ́ tə́, i dɔ ngé rɔ̄ɔ̄ yāí gə̄ kə́ nin̄ i ngá̰ý tə́.

EJEKIEL 14:5

I tītə̄ ń noō n najə̄ yāḿ a əsōń kem ngán Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.