GALATƏ 6:6 - Bibəl ta Sar̄

⁶ Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.

Bible sar

⁶ Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.

GALATƏ 6:6 Referans Kwoze

Makətūbə̄ ń Pol ndang adə̄ Rom gə̄ ní 15:27

I nin̄ kɔ́ gə̄ n ndigən̄ rāā tītə̄ ń noō kə gō kemdə́ ní, ba mandang ɓáa i yá̰á̰ kə́ sɔɔ̄ kadə̄ nin̄-rāān̄. Tɔdɔ̄ Jipə kə́ ngé taā kem Kərist gə̄, kēgə̄n̄ yá̰á̰ yādə́ kə́ gō róbə yā ndíĺ tə́ adə̄n̄ ngé gə̄ ń nin̄ i Jipə aĺ gə̄ ní. Adə̄ majə kadə̄ ngé gə̄ ń nin̄ i Jipə aĺ gə̄ ní, rāān̄ sedə́ kə yá̰á̰ kə́ jīdə́ tə́ ō.

NDŪ NAJƏ̄ 12:19

Ī-lōōī rāā ngán Lebi gə̄ nja bə̄yā̰ kə́ gogə́ tə́ kə dɔ ndɔ̄ gə̄ malang ń ā ī-ndiīneé dɔ nang yāsí tə́ ní.

MATIYE 10:10

Ī-lōōī kun ngong mbā jīsí tə́ ō, kɔy kūbə̄ gə̄ jōó dɔ naā tə́ ō, kɔy sākə̄rā gə̄ ō, kun kāgə̄ tɔ́sə̄ ō, tɔdɔ̄ i gōtə́ kadə̄ nge rāā kəla ənge yá̰a̰ kəsa yān.

Najə̄ kə́ Majə yā Jeju ń Luk ndang ní 1:4

I beé tá ā ī-gerə̄ń kadə̄ yá̰a̰ gə̄ ń ndóōnī ní i yá̰á̰ kə́ rɔ̄kum gə̄.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

TƏ́DA 18:31

Loo kə́ rāā gə̄gē ā ə́saī yá̰a̰ gə̄ ní tū tə́ kə ngéésí gēé karī, tɔdɔ̄ i kəgā yāsí kə́ tām̄ yā kəla ń ī-rāāī kem kújə kənge naā tə́ ní.

NEHEMI 10:36

Kan̄ yá̰á̰ kə́ dɔ nang yājí tə́ kə́ ta kəga dɔ ō, kan̄ kāgə̄ yājí kə́ ta kəga dɔ gə̄ ō ní, i gáŕ kadə̄ jə-reēń kem kújə yā Kɔ́ɔ̄ɓē tə́ kə dɔ ɓāl̄ gə̄.