GALATƏ 6:5 - Bibəl ta Sar̄

⁵ Tɔdɔ̄ náā nəkɔ́ a ətō yá̰á̰ kə́ kɔȳ yān nəkɔ́.

Bible sar

⁵ Tɔdɔ̄ náā nəkɔ́ a ətō yá̰á̰ kə́ kɔȳ yān nəkɔ́.

GALATƏ 6:5 Referans Kwoze

JEREMI 32:19

Nə́ɓā kə́ nge ger̄ kadə̄ kɔjə ngá̰ý ō, nge ger̄ rāā yá̰á̰ ngá̰ý ō, ə̄ndā kumií gíŕ hál de gə̄ tə́ malang ō, ə̄ndā njadə́ kógə̄ḿ kógə̄ḿ kə gō hál rāādə́ gēé ō, yá̰a̰ rāādə́ gēé ō.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

1 KORḚNTƏ 3:8

Nge kənda kāgə̄ ō, nge rāā man̄ dɔ tə́ ō ní, asən̄ naā. Nə́ɓā a adə̄də́ yá̰a̰ kəndā nja yādə́ kadə̄ asə kə gō kəla yādə́.

JEJU TEĒ KUM JA̰A̰ 22:12

Á̰a̰ā̰, m-ā m̄-reē ngɔr. Yá̰á̰ ń kadə̄ m-ə̄ndań nja de gə̄ kógə̄ḿ kógə̄ḿ sɔɔ̄ń kəla rāādə́ gə̄ ní, m-ā m̄-reēń jīḿ tə́.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

Gōsə̄ najə̄ gə̄ 9:12

Ré ḭ̄ i de kə́ nge kum kedə̄ anī, kum kedə̄ a rāā majə i seí īkɔ́ ō, ré ḭ̄ i de kə́ nge kɔjə rɔ̄í anī, yá̰a̰ kɔjə rɔ̄ a rāāī i īkɔ́ ō.