GALATƏ 6:2 - Bibəl ta Sar̄

² Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń ndū najə̄ yā Kərist əda ní.

Bible sar

² Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń *ndū najə̄ yā *Kərist əda ní.

GALATƏ 6:2 Referans Kwoze

Makətūbə̄ ń Pol ndang adə̄ Rom gə̄ ní 15:1

Jḭḭ̄ ń jə-raī ngan̄g dɔ taā kem yājí tə́ ní, majə kadə̄ jə-rāāī kə ngé gə̄ ń tɔ́gə́də́ gətóo ní, bā jə-lōōī sāā rāā yá̰á̰ kə́ kadə̄ nel̄jí jḭḭ̄ kɔ́ gə̄.

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

JA̰A̰ 13:34

M-ādə̄sí gō míndə́ kə́ kijə: Ī-táriī naā. Tītə̄ ń m̄-tárəńsí ní, ī-táriī naā dɔ dáńsí tə́ ō.

1 JA̰A̰ 4:21

Adə̄ gō míndə Kərist ń adə̄jí ní n toó: Deē ń táŕ Nə́ɓā ní, majə kadə̄ tár ngōkó̰o̰n ō.

JAKƏ 2:8

Rɔ̄kum, ré ī-ngɔ̄mī ndū najə̄ kə́ majə tɔȳ gotə ndū najə̄ gə̄ malang ń na kə ī-tár madí tītə̄ dā̰ rɔ̄í īkɔ́ ní anī, ī-rāāī i yá̰á̰ kə́ majə.

JA̰A̰ 15:12

Gō míndə́ḿ n toó: I kadə̄ ī-táriī naā tītə̄ ń m̄-tárəńsí ní.

Teē Ngán Israel gə̄ 23:5

Ré á̰a̰ kərō yān əsō kə yá̰á̰ gidən tə́ anī, ī-lōō tīl̄ ba āw̄ únən seneé kə̄ dɔɔ́.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

MATIYE 8:17

Ni-rāā yá̰á̰ ní i yā kadə̄ najə̄ ń Ijai nge koō ta əda ní reē udəń gírí, əda na: Ni un nujə yājí gə̄ ō, ɔy mo̰y yājí gə̄ ō dɔn tə́.

GALATƏ 6:5

Tɔdɔ̄ náā nəkɔ́ a ətō yá̰á̰ kə́ kɔȳ yān nəkɔ́.

1 KORḚNTƏ 9:21

Ré mā i dan de kə́ kanjə̄ ndū najə̄ gə̄ tə́ anī, mā ń i de kə́ kanjə̄ ndū najə̄ yā Nə́ɓā alé, tɔdɔ̄ ndū najə̄ yāḿ i Kərist ní, m̄-ndi tītə̄ kə́ mā i kanjə̄ ndū najə̄ dɔḿ tə́, kadə̄ m-ə́ngeń ngé gə̄ ń ndin̄ kanjə̄ ndū najə̄ ní.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

Najə̄ kə́ Majə yā Jeju ń Luk ndang ní 11:46

Jeju tūr̄ ədan na: Sḭḭ̄ ngé ndóō de gə̄ ndū najə̄ gə̄, rɔ̄ ndoō i yāsí ō! Tām̄ ī-tə́ndāī yá̰á̰ kə́ kɔȳ kə́ nel̄ kətō aĺ gə̄ dɔ de gə̄ tə́, ba sḭḭ̄ kɔ́ gə̄ ɔ́diī yá̰a̰ gə̄ ní kə ta ngōn̄ jīsí kógə̄ḿ sḛ́ý aĺ bátə́.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

NDŪ NAJƏ̄ 1:12

Ba loo kadə̄ mə̄kɔ́ kə kérə́ḿ m-ōō ɓur̄ yāsí gə̄ ō, nōō yāsí gə̄ ō, mbātə́ najə̄ ta naā tə́ yāsí gə̄ ō, ba kə m-ə́da najə̄ kə́ dɔ tə́ majə ní i ba̰ý?

JAKƏ 1:25

Ba ré deē kógə̄ḿ əndā kumən gír ndū Najə̄ kə́ Majə ɔtə̄ kə taá mámák tə́ adə̄ i ndū najə̄ kə́ a rāā kə deé kadə̄ deē tél kəhɔ rɔ̄n ō, əndā rɔ̄n ta ndū najə̄ ní tə́ ō, ba i kə́ nge koō kadə̄ mān̄ kə nélé tə́ alé ba i nge rāā anī, deē ń noō a ənge rɔ̄nel̄ tū kəla rāān tə́.

JAKƏ 2:12

Ɔ̄rī najə̄ ō, ī-rāāī yá̰a̰ ō, tītə̄ de gə̄ kə́ i ndū najə̄ kə́ dɔ téĺ kɔ́ɔ̄ rɔ̄ tə́ n a gān̄g sarya dɔdə́ tə́ beē.

2 PIYER 2:21

Kə́ só tə́ yādə́ i kadə̄ gerə̄n̄ róbə rāā yá̰á̰ kə́ gōtə́ alé, tɔȳ kadə̄ gerə̄n̄ pá tá tūrə̄n̄ gidədə́ kɔ̄ɔ́ ta gō míndə́ Nə́ɓā ń adə̄n̄də́ tə́ ní.

2 PIYER 3:2

Ādə̄ əga kemsí dɔ najə̄ gə̄ ń ngé koō ta kə́ táĺ gə̄ ədan̄ kété ní tə́ ō, dɔ gō míndə́ Kɔ́ɔ̄ɓē ō nge kajə de gə̄ ō ń ngámbang kəla yāsí gə̄ ndóōn̄sí ní tə́ ō.

1 YÁ̰A̰ GƏ̄ 19:12

Gō tə́ anī Joab əda ngōkó̰o̰n na ré tɔ́gə Aram gə̄ tɔȳ yān anī kə reē kə dḭḭ̄n. Ba ré tɔ́gə Amon gə̄ tɔȳ yā ngokó̰o̰n anī i ni n na n-aw̄ yā dḭḭ̄n ní.