GALATƏ 6:17 - Bibəl ta Sar̄

¹⁷ Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.

Bible sar

¹⁷ Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.

GALATƏ 6:17 Referans Kwoze

2 KORḚNTƏ 1:5

Tītə̄ ń yá̰á̰ kə́ tōr̄ gə̄ yā Kərist rāān̄jí ngá̰ý ní, i tītə̄ ń toō n jḭḭ̄ j-əngeīneé kem sɔl̄ ngá̰ý kə ta kūl̄ Kərist ō ní.

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

2 KORḚNTƏ 4:10

J-ətō Jeju kem dā̰ rɔ̄jí tə́ ngándáńg, yā kadə̄ ndi kə kumuú yā Jeju ɔjəń rɔ̄n kə̄ ndágá dā̰ rɔ̄jí tə́ ō.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

JOJUE 7:25

Jojue əda Akan na: Ī-rāā ādə̄ yá̰á̰ kə́ to kum kaȳ aĺ reē dɔjí tə́ i tām̄ rí tə́? Ādə̄ Kɔ́ɔ̄ɓē reē kə yá̰á̰ kə́ to kum kaȳ aĺ dɔí tə́ ɓōólaā. Loo ń nuū tə́ ngán Israel gə̄ malang tə́nīnən̄ kə mbalá tə̄nā tɔ̄lnən̄. Tɔ̄lə̄n̄ deē yān gə̄ i tītə̄ ń nuū ō, ba əlan̄ hor dɔdə́ tə́. Əlan̄ hor dɔ yá̰a̰ kənge yān gə̄ tə́ malang ō.

GALATƏ 1:7

Kə́ rɔ̄kum tə́ tā anī Najə̄ kə́ Majə kə́ rang gətóo, ba m-ɔ̄r̄ najə̄ sesí tītə̄ ń noō i tām̄ yā de kə́ ngé tə́la najə̄ kemsí gə̄ tə́. Nin̄-gḛyn̄ i tūr̄ gidə Najə̄ kə́ Majə yā Kərist kɔ̄ɔ́.

IJAI 44:5

Nge kə́rēý a əda na: Mā i deē yā Kɔ́ɔ̄ɓē, nge kə́ rang a əda na: Mā i de kə́ kem kojə yā Jakob tə́. Nge kə́ rang ɓáý to̰ a ndang gidə jīn tə́ na: Mā i yá̰a̰ yā Kɔ́ɔ̄ɓē, ō ni a əndā rī Israel dɔn tə́ ō.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

PILIPƏ 3:10

Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

JEJU TEĒ KUM JA̰A̰ 13:16

Dā̰ kə́ nge ko̰ jōó ní ra kə de gēé malang, adə̄ i de kə́ dūú gə̄gē, kə́ tɔgə gə̄gē, de kə́ ngé kənge yá̰a̰ gə̄gē, kə́ ngé ndoō gə̄gē, de kə́ kɔ́ɔ̄ rɔ̄də́ gə̄gē, ɓəlo gə̄gē, kadə̄ əndān̄ tə́ré yá̰a̰ jī ko̰də́ tə́ ō, nɔtə nodə́ tə́ ō dɔ gúú tə́.

JEJU TEĒ KUM JA̰A̰ 13:17

Deē ń tə́ré yá̰á̰ ní i jī ko̰n tə́ aĺ ō, non tə́ aĺ ō ní, asə mang yá̰a̰ aĺ ō, kigə yá̰a̰ aĺ ō.