GALATƏ 6:12 - Bibəl ta Sar̄

¹² Ngé gə̄ ń ɔsən̄ sesí ta kəja mɔtəsí ní, i de gə̄ kə́ gḛyn̄ kadə̄ a̰a̰n̄də́ i de kə́ majə gə̄ tə́, kə gō yā deē ndul gēé. Nin̄-rāān̄ tītə̄ ń noō i yā kadə̄ rāān̄neédə́ ndoō tə́ najə̄ kāgə̄ kə́ dēsə́ yā Kərist tə́ aĺ ngóy.

Bible sar

¹² Ngé gə̄ ń ɔsən̄ sesí ta *kəja mɔtəsí ní, i de gə̄ kə́ gḛyn̄ kadə̄ a̰a̰n̄də́ i de kə́ majə gə̄ tə́, kə gō yā deē ndul gēé. Nin̄-rāān̄ tītə̄ ń noō i yā kadə̄ rāān̄neédə́ ndoō tə́ najə̄ kāgə̄ kə́ dēsə́ yā *Kərist tə́ aĺ ngóy.

GALATƏ 6:12 Referans Kwoze

GALATƏ 5:11

Ba mā tā a ngákó̰ó̰ḿ gə̄, ré m-ə̄nā i mbēr̄ kəja mɔtə ɓáý anī, i ba̰ý á a rāān̄ kumḿ ndoō tə́ ɓáý ní? Ré m̄-rāā i tītə̄ ń noō anī, kāgə̄ kə́ dēsə́ i yá̰á̰ kə́ əga de gə̄ bə̄dē tə́ to̰ alé.

KOLOSƏ 2:23

Najə̄ gə̄ ní ton̄ tītə̄ kə́ kum kedə̄ i tū tə́ beē, tɔdɔ̄ ɔjən̄jí loo rɔȳ Nə́ɓā kə́ kə gō kem ndigə yājí jḭḭ̄ kɔ́gɔ̄ɔ́ ō, loo tél kə rɔ̄jí kə̄ nang tə́ ō, loo kəhɔ rɔ̄jí dɔ rāā yá̰a̰ gə̄ tə́ ō, ba a teēn̄ yá̰a̰ alé. Nin̄ a rāān̄ i yá̰á̰ kə́ nel̄ dā̰ rɔ̄jí ngóy.

2 KORḚNTƏ 11:13

De gə̄ ń noō i ngámbang kəla kə́ rɔ̄kum aĺ gə̄. Najə̄ kə́ dɔ kəla yādə́ gə̄ ń a rāān̄ tə́ ní, nin̄ a gólə̄n̄ i loo, ba tūrə̄n̄ rɔ̄də́ adə̄ de gə̄ a̰a̰n̄də́ i ngámbang kəla yā Kərist gə̄ tə́.

KƏLA RĀĀ 15:1

Anī de kə́rēý gə̄ ḭḭn̄ Jerusalem reē ɔjən̄ ngákó̰ó̰jí gə̄ najə̄ A̰tiyos, ədan̄də́ na: Ré ādī əjan̄ mɔtəsí tītə̄ ń najə̄ yā Moijə ədań ní aĺ anī, ā ásiī kadə̄ ajən̄sí alé.

GALATƏ 2:3

Ngákó̰ó̰jí kə́ rɔ̄kum aĺ gə̄ túdə̄n̄ danjí tə́ ɓá tā, ba Titə ń i seḿ á ni i Gərek ní, ɔsən̄ seneé ta kəja mɔtən alé. Ngákó̰ó̰jí kə́ rɔ̄kum aĺ gə̄ ngé ń toō a umə̄n̄ i háĺ rāājí yá̰á̰ kə́ loo kɔ́ɔ̄ rɔ̄jí ń Jeju Kərist adə̄jí ní, yā rāān̄jí ɓəlo tə́.

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

PILIPƏ 3:18

Najə̄ ń toō m-ə́dásí kété kɔ̄ɔ́ kə̄ nja naā tə́, ba m̄-téĺ m-ə́dásí ngɔlaā ɓáý kə man̄ nōó kumḿ tə́: Ngá̰ý gə̄ ní, háĺdə́ i háĺ ngé mbātə́ kāgə̄ kə́ dēsə́ yā Kərist.

PILIPƏ 2:4

Ādə̄ deē sāā i yá̰á̰ kə́ yā kadə̄ a rāā majə kə rɔ̄n nəkɔ́ ngóy alé, banī sḭḭ̄ kógə̄ḿ kógə̄ḿ ní ī-gírī dɔ yá̰á̰ kə́ a rāā majə kə madə̄sí gēé tə́ ō.

PILIPƏ 1:15

Kə́ rɔ̄kum tə́ tā anī ngé kə́rēý gə̄ dandə́ tə́ ní, i ngur kɔjə najə̄ ō, i nii kə́ kemdə́ tə́ ō n ɔsə sedə́ ta kɔjə najə̄ ní. Banī kə́ madə̄ gə̄ ɔjən̄ najə̄ yā Kərist i kə gír̄ kə́ majaá kemdə́ tə́.

GALATƏ 6:13

Tɔdɔ̄ ngé gə̄ ń əjan̄ mɔtədə́ ní nin̄ kɔ́ gə̄ ngɔ̄mə̄n̄ ndū najə̄ alé, ba gḛyn̄ kadə̄ əjan̄ mɔtəsí, i yā kadə̄ nin̄-ɔrnə̄ń ta rɔ̄də́.

GALATƏ 2:14

Ba dan ń m-á̰a̰ kadə̄ háĺdə́ i súmūú aĺ ō, ndetə yá̰á̰ kə́ rɔ̄kum yā Najə̄ kə́ Majə aĺ ō anī, m-ə́da Piyer ta kum de gə̄ tə́ malang na: Ḭ̄ ń i Jipə ní, ī-rāā hál deē ń ni i Jipə aĺ ní anī, loo kadə̄ ɔ́sə kə de gə̄ ń nin̄ i Jipə aĺ gə̄ ní ta rāā háĺ yā Jipə gə̄ i ba̰ý?

2 KORḚNTƏ 10:12

Kə́ rɔ̄kum tə́ tā anī, jḭḭ j-a jə-nāā kəndā rɔ̄jí kadə yā ngé gə̄ ń ədan̄ najə̄ kə́ majə dɔ rɔ̄də́ nin̄ kɔ́ gə̄ tə́ ní alé. Nin̄-gerə̄n̄ yá̰a̰ alé, tām̄ unən̄ i kāgə̄ rɔ̄də́ nin̄ kógə̄ n ɔjən̄neé ngāl̄ rɔ̄də́ ní. Nin̄-əndān̄ kāgə̄ rɔ̄də́ ní kadə rɔ̄də́ nin̄ kɔ́ gə̄ tə́, yā ka̰a̰ń ké n-ton̄ tītə̄ kāgə̄ rɔ̄də́ ní wa.

KƏLA RĀĀ 15:5

Banī ngé taā kem kə́rēý gə̄ kə́ teēn̄ i dan ngé ndóō yá̰a̰ yā Parijiyḛ gə̄ tə́ ḭḭn̄ dɔɔ́ ba ədan̄ na, i gáŕ kadə̄ əjan̄ mɔtə de gə̄ ń i Jipə aĺ gə̄ ní ō, kadə̄ ədan̄də́ kadə̄ ngɔ̄mə̄n̄ ndū najə̄ yā Moijə ō.

JA̰A̰ 7:18

Deē ń ɔr̄ najə̄ kə dɔneé ní, sāā i kɔsə gɔn yān nəkɔ́. Ba deē ń sāā i kɔsə gɔn yā nge ń əlan ní, ni i de kə́ rɔ̄kum, adə̄ yá̰á̰ kə́ gōtə́ aĺ gətóo kemən tə́.

Najə̄ kə́ Majə yā Jeju ń Luk ndang ní 20:47

A əsan̄ jī dəyá̰ kə́ ngaa koy gə̄ yā təgā ō. Nin̄ ní, sarya kə́ bo ngá̰ý a əsō dɔdə́ tə́.

MATIYE 23:28

Sḭḭ̄ ī-toī i beé ō, gidəsí kə́ ndágá i kə́ majə ta kum de gə̄ tə́, banī kemsí rosə kə gól̄ looó ō, kə yá̰á̰ kə́ majaĺ ō.

MATIYE 23:5

Yá̰a̰ rāādə́ gə̄ malang ní, i yā kadə̄ de gə̄ a̰a̰n̄neédə́ ngóy. Nin̄-rāān̄ ngong kə́ dūú gə̄ ń najə̄ gə̄ yā Nə́ɓā i kemeé á do̰ō̰n̄ nodə́ tə́ aláa do̰ō̰n̄ jīdə́ tə́ ní adə̄ lan̄ popəlo o, rāān̄ ta kəlā ro̰ kūbə̄ yādə́ gə̄ adə̄ ngālə̄n̄ tilili ō.

MATIYE 6:16

Dan ń ā ī-*ndiī ɓō tām̄ yā Nə́ɓā tə́ anī, ī-lōōī rāā dɔ kumsí kadə̄ síndə̄rī tītə̄ ń ngé gól̄ loo gə̄ a rāān̄neé ní. Nin̄-əhɔn̄ ndoō ngá̰ý kadə̄ de gə̄ gerə̄n̄neé kadə̄ na n-ndin̄ ɓō tām̄ yā Nə́ɓā tə́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 6:2

Adə̄ ré ā ādə̄ de kə́ nge ndoō yá̰a̰ anī, ī-lōō kadə̄ kɔ̄rə́n̄ bərúnjə́ kété noí tə́ najə̄n tə́, tītə̄ ń ngé gól̄ loo gə̄ a rāān̄neé kem kújə́ kán̄ naā gə̄ tə́ ō, kum róbə kɔsə gə̄ tə́ ō, kadə̄ de gə̄ ɔsən̄neé gɔndə́ ní. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 6:5

Dan ń ā ī-ndɔ̄yī ní a, ī-rāāī tītə̄ yā ngé gól̄ loo gə̄ alé. Nel̄də́ ra kə njadə́ kə̄ dɔɔ́ kem kújə́ kán̄ naā gə̄ tə́ ō, ta gajə róbə gə̄ tə́ ō, yā ndɔ̄yń, kadə̄ de gə̄ a̰a̰n̄də́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 5:10

Rɔ̄nel̄ i kə ngé gə̄ ń a rāān̄də́ ndoō tə́ tām̄ yá̰á̰ kə́ gōtə́ tə́ ní, tɔdɔ̄ Ɓē ko̰o̰ kə́ dɔ rā̰ tə́ i yādə́.

MATIYE 23:27

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-toī i tītə̄ dɔ ɓádə gə̄ kə́ rāān hō̰rō̰ tū tə́ beē. Adə̄ ré deē a̰a̰ gidə kə́ ndágá ɓáa majə, banī kemdə́ rosə kə kə̄ngā de kə́ koy gə̄ ō, kə yá̰á̰ kə́ yḛr kə́ tayā tayā gə̄ ō.