GALATƏ 6:10 - Bibəl ta Sar̄

¹⁰ I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.

Bible sar

¹⁰ I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.

GALATƏ 6:10 Referans Kwoze

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

Gōsə̄ najə̄ gə̄ 3:27

Deē ń yá̰a̰ tōr̄ rɔ̄n ní, ré ásə rāā majə seneé ɓáa ī-lōō mbātə́ rāā seneé.

1 TESALONIK 5:15

Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

EPEJƏ 2:19

Adə̄ sḭḭ̄ i tə̄rā gə̄ to̰ aĺ ō, mbā gə̄ to̰ aĺ ō, banī sḭḭ̄ i de kə́ kem ɓē kə́ kógə̄ḿ beē tə́ gə̄ naā tə́ kə ngé yā Nə́ɓā gēé. Sḭḭ̄ i gír kojə yā Nə́ɓā ō, kújə yān ō.

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

JA̰A̰ 9:4

Dan ń loo kə́ kadaá to ɓáý ní, majə kadə̄ jə-rāāī kəla yā nge ń əlam̄ ní. Loo kə́ ndɔ̄ɔ́ a reē noó, yā kadə̄ deē a asə rāā kəla alé.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

PILIPƏ 4:10

M-ə́nge rɔ̄nel̄ kə́ ngá̰ý gō ɓoo naā yāḿ kə Kɔ́ɔ̄ɓēé tə́, tɔdɔ̄ ngɔlaā ə́ngeī ta róbə kɔjə kə̄ ndágá kadə̄ ī-gírī dɔḿ tə́ ɓáý to̰. A̰á̰ā̰ ī-gírī dɔḿ tə́ rɔ̄kum, banī i ta róbə kɔjən kə̄ ndágá n əngeī aĺ i mbée.

MATIYE 12:50

Tɔdɔ̄ deē ń rāā yá̰a̰ kə gō kem ndigə yā Bɔbə́ḿ kə́ ndi dɔ rā̰ tə́ ní, kɔ́ɔ̄ i ngōkó̰ó̰ḿ kə́ dəngam ō, kə́ dəyá̰ ō, i kó̰ó̰ḿ ō.

3 JA̰A̰ 1:11

Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

KOLOSƏ 4:5

Kadə̄ hál njə̄rāsí kə́ dan de kə́ ndágá gə̄ tə́ i kə kum kedēé. Dan ń ə́ngeī loo rāā yá̰á̰ kógə̄ḿ anī, ī-rāāī.

EPEJƏ 5:16

Dan ń ə́ngeī kum mbang anī, úniī ī-rāāiń yá̰á̰ kə́ majə, tɔdɔ̄ ndɔ̄ gə̄ ń jə-ndiī kemeé ngɔlaā ní majən̄ alé.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

PĀ GƏ̄ 37:27

Ī-gōn̄g yá̰á̰ kə́ majaĺ ba ī-rāā yá̰á̰ kə́ majə, anī ā ə́nge loo yā ndiń ngándáńg.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

MARK 3:4

Ni dəjedə́ na ké ndū najə̄ yā Nə́ɓā ndigə kadə̄ ndɔ̄ sabat tə́ ní, jə-rāāī yá̰á̰ kə́ majə aké i yá̰á̰ kə́ majaĺ wa, kadə̄ j-ajiī de gə̄ aké jə-tɔ̄līdə́ wa. Ba nin̄-ndin̄ kə tadə́ kə́ mbóó.

EPEJƏ 3:15

i Bɔbə̄ de gə̄ malang kə́ dɔ rā̰ tə́ ō, dɔ nang tə́ ō ní.

MATIYE 5:43

Ōōī kadə̄ ədan̄ na kə deē kə tár madə̄n ba kə im̄ madə̄ ba̰ā̰n.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

MATIYE 10:25

Ré nge ndóō yá̰a̰ reē to tītə̄ nge kɔjən yá̰a̰ ō, nge kəla reē to tītə̄ kɔ́ɔ̄n ō ɓáa asə beé. Dan ń ɓārə́n̄ kɔ́ɔ̄ kújə na i Beljebul ní, a ədan̄ najə̄ kə́ tōr̄ ngá̰ý tɔȳ nge n noō ɓáý dɔ de gə̄ kə́ kem kújə yān tə́.

KOHELET 3:12

Mā m̄-ger̄ kadə̄ yá̰á̰ kə́ majə tām̄ yā deē tə́, dan ń ni ndiń kə kumneé ní, i kadə̄ rɔ̄n nelə̄n ō, ndi majə ō ngóy.

KƏLA RĀĀ 6:7

Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ Jerusalem tə́ ō, ngé tun̄ yá̰a̰ gə̄ ngá̰ý taān̄ kem ō.

GALATƏ 1:23

I najə̄ ń de kə́ rang gə̄ a ədan̄ dɔḿ tə́ ní ngóy n nin̄-gerə̄n ní, de gə̄ ədan̄ na: Deē ń kété a rāā kumjí ndoō tə́ ní, ngɔlaā a ɔjə i najə̄ taā kem ń ni sāā nujəń kɔ̄ɔ́ ní.

EPEJƏ 4:28

Kadə̄ de kə́ ɓogə kété ɓogə to̰ alé, ba rāā kəla kə́ majə kə jīneé, yā kadə̄ ni-əngeń yá̰á̰ kə́ yā kadə̄ ngé gə̄ ń ndoō rāādə́ ní.

1 TESALONIK 5:21

Ə̄ndāī ma̰ȳ najə̄ gə̄ malang, ba ī-ndigiī ngé kə́ majə gə̄.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

3 JA̰A̰ 1:3

Ngákó̰ó̰jí gə̄ ń reēn̄ ní ədan̄ na ḭ̄ na ī-ra dɔ najə̄ kə́ rɔ̄kum tə́ ō, na yá̰a̰ rāāí na i yá̰á̰ kə́ rɔ̄kum ō, adə̄ dan ń m-ōō ní nelə̄m̄ ngá̰ý.

3 JA̰A̰ 1:10

Adə̄ ré m-ā m-āw̄ anī, m-ā m̄-ter̄ kemən dɔ kəla rāān gə̄ tə́. Ni-ɔr̄ najə̄ kə́ majaĺ ngá̰ý gə̄ dɔjí tə́, banī nge ń noō asən aĺ ɓáý, adə̄ əhɔ ngákó̰ó̰jí gə̄ kə̄ rɔ̄n tə́ aĺ ō, de gə̄ ń gḛyn̄ kəhɔdə́ kə̄ rɔ̄də́ tə́ ni a, ni ɔgə̄də́ kɔ̄ɔ́ ō, tə̄ɓādə́ kɔ̄ɔ́ Egəlijə tə́ ō.

2 KORḚNTƏ 2:8

Adə̄ m̄-dəjesí kadə̄ ɔ́jin̄ kadə̄ ni-ger̄ na ī-tárniī.