GALATƏ 6:1 - Bibəl ta Sar̄

¹ Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō.

Bible sar

¹ Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń *Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō.

GALATƏ 6:1 Referans Kwoze

Makətūbə̄ ń Pol ndang adə̄ Rom gə̄ ní 15:1

Jḭḭ̄ ń jə-raī ngan̄g dɔ taā kem yājí tə́ ní, majə kadə̄ jə-rāāī kə ngé gə̄ ń tɔ́gə́də́ gətóo ní, bā jə-lōōī sāā rāā yá̰á̰ kə́ kadə̄ nel̄jí jḭḭ̄ kɔ́ gə̄.

2 TESALONIK 3:15

Á̰a̰in̄ tītə̄ madə̄ ba̰ā̰sí alé, banī ī-gɔŕyɔ̄niī kə́ ngōkó̰ó̰sí tə́.

2 TIMOTE 2:25

Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō.

1 JA̰A̰ 5:16

Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.

2 KORḚNTƏ 2:7

I beé ní majə kadə̄ ngɔlaā ī-mā̰yī rɔ̄sí dɔn tə́ ō, ī-sɔlī kemən ō, na sōgə́ rɔ̄nel̄ aĺ kə́ ngá̰ý al̄ naā ń kemən tə́ ní taā tɔ́gən kɔ̄ɔ́.

HEBƏRO 12:13

Ī-njə̄rāī dɔ róbə́ kə́ súmūú tə́, yā kadə̄ njasí kə́ motə ḭḭ ta naā alé, ba kadə̄ aw̄ ta naā tə́ majə.

1 PIYER 3:15

Banī Kərist ń i Kɔ́ɔ̄ɓē ní, ɔ̄rī kamə̄n tayā ngarān̄g kemsí tə́. Ī-ndiī dɔ rɔ̄sí tə́ kə dɔ ndɔ̄ gə̄, yā kadə̄ ɔ́jiī gíŕ yá̰á̰ ń ə̄ndāī kemsí dɔ tə́ ní kə̄ no ngé gə̄ ń a dəjen̄sí gíŕ tə́ ní.

Makətūbə̄ ń Pol ndang adə̄ Rom gə̄ ní 14:1

Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

1 KORḚNTƏ 10:12

I beé ní, deē ń gír̄ kadə̄ ni i de kə́ ra dɔɔ́ anī, ādə̄ a̰a̰ rɔ̄n majə na sōgə́ əsō.

1 KORḚNTƏ 4:21

Yá̰á̰ ń sḭḭ̄ i ndigiī ní i rí? I kadə̄ m-āw̄ rɔ̄sí tə́ i kə ndéyé aké i kə tárá ō, i kə ndíĺ kə́ sɔl̄ lɔ́ lɔ́mɔ́ ō ḿ?

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

2 KORḚNTƏ 10:1

Mə̄kɔ́ Pol m̄-rāāsí ɓɔ́, mā ń de gə̄ ədan̄ dɔḿ tə́ na ré jə-ndi ta kum naā tə́ anī najə̄ḿ na gətóo, ba ré mā i sa̰y anī na m̄-ɓōĺsí aĺ bátə́ ní. m̄-rāāsí ɓɔ́, kə ta kūl̄ háĺ kə́ sɔl̄ lɔm yā Kərist ō, kə ta kūl̄ kem majə yān ō.

MATIYE 9:13

Āw̄ ī-ndóōī kum najə̄ yā Nə́ɓā ń na, yá̰á̰ ń m̄-gḛy ní i rāā kem majə ba i-tɔ̄l̄ dā̰ tun̄ kadə̄m̄ alé ní. Tɔdɔ̄ m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́.

1 KORḚNTƏ 14:37

Ré de kə́rēý taā kem kadə̄ ni i nge koō ta, aláa ni i de kə́ nge rāā yá̰a̰ gō yā Ndíl tə́ anī, majə kadə̄ ni-ger̄ kadə̄ yá̰á̰ ń m̄-ndang m-ādə̄sí ní i gō míndə́ Kɔ́ɔ̄ɓē.

1 KORḚNTƏ 7:5

Ɔ̄gī naā rɔ̄sí alé. Ba ré ōōī i naā tām̄ yā kum mbang kə́ sḛ́ý beē kə́ yā kəndāń rɔ̄sí ta ndɔ̄ȳ Nə́ɓā tə́ tá. Gō tə́ anī ī-tél āwī naā tə́, na sōgə́ dum̄ ta ngur dā̰ rɔ̄ aĺ yāsí teē ta róbə adə̄ Sətan, yā kadə̄ ni-nāāsí kə yá̰á̰ gól̄ yānneé.

1 KORḚNTƏ 2:15

De kə́ nge Ndíl Nə́ɓā asə kəda najə̄ dɔ yá̰a̰ gə̄ tə́ malang, banī deē kógə̄ḿ kə́ a asə kəda najə̄ dɔn ni tə́ gətóo.

Makətūbə̄ ń Pol ndang adə̄ Rom gə̄ ní 8:6

Yá̰á̰ ń dā̰ rɔ̄ ndigə ní a ojə i yo, ba yá̰á̰ ń Ndíĺ kə́ Táĺ ndigə ní, a ojə i ndi kə kumuú ō, kem sɔl̄ lɔm ō.

MATIYE 11:29

Úniī njúkə yāḿ ə̄nīī kɔ́ɔ́sí tə́ ba ī-téliī ngé ndóō yá̰a̰ yāḿ gə̄. Tɔdɔ̄ mā i de kə́ sɔl̄ lɔ́ḿ ō, m-ɔ́jə rɔ̄ḿ aĺ ō, loo ń noō tə́ ā ɔ̄rī koō.

JAKƏ 3:13

I náa n i de kə́ kumən edə̄ ō, kə́ ger̄ yá̰a̰ ō, dɔ dáńsí tə́ ní? Ādə̄ ni-ɔjə hál dɔ sɔl̄ ō, kum kedə̄ yān ní ō kə̄ ndágá.

HEBƏRO 13:3

Ādī əga kemsí dɔ ngé gə̄ ń i kújə dəngáyá ní, tītə̄ kə́ sḭḭ̄ i dəngáyá sedə́ beé ō. Ādī əga kemsí dɔ ngé gə̄ ń rāān̄də́ yá̰á̰ kə́ tōr̄ gə̄ tə́ ní ō, tām̄ sḭḭ̄ kɔ́ gə̄, i kə dā̰ rɔ̄sí ō.

GALATƏ 5:23

dɔ sɔl̄ ō, kəhɔ rɔ̄ ō. Ndū najə̄ mbātə́ yá̰a̰ gə̄ ń noō alé.

2 SAMUEL 11:2

Ndɔ̄ kógə̄ḿ tə́ loo sɔlí dan ń Dabid ɔr̄ koō oy anī, ḭḭ dɔ tə̄rá yān tə́ ba aw̄ njə̄rā dɔ kújə́ dúŕ dur yā mban̄g tə́. Ni-ra dɔ kújə́ ní tə́, anī a̰a̰ dəyá̰ kógə̄ḿ loo ndogə̄ man̄ tə́. Dəyá̰ ní mandə ngá̰ý.

1 KORḚNTƏ 3:1

Ngákó̰ó̰ḿ gə̄ tām̄ yāḿ mā tə́ ɓáa, najə̄ ń m-ɔ̄r̄ sesí kété ní, i najə̄ kə́ m-ɔ̄r̄ i kə de gə̄ kə́ Ndíl yā Nə́ɓā i kemdə́ tə́ alé, ba i kə de kə́ dɔ nang tə́ laā gēé, i tītə̄ kə́ m-ɔ̄r̄ i kə ngáń kə́ dūú gə̄ kə́ kem Kərist tə́ ɓáý beē.

MATIYE 26:75

Anī kə́ra kə̄njá nōō kə̄ ta jī tə́ noō. Loo ń noō tə́ əga kem Piyer dɔ najə̄ ń Jeju ədan kété tə́ ní, ədan na: Ḭ̄ ā ī-nējə̄ najə̄, ā ə́da na ī-gerə̄m̄ aĺ nja mətá pá tá kə́ra kə̄njá a nōō ɓáý. Loo ń noō tə́ Piyer teē ndágá, ba nōō wuk wuk kə wur katāá.

MATIYE 26:69

Piyer ndi ndágá kem ndogə̄ yā ngol ngé tun̄ yá̰a̰ gə̄ tə́. Anī nge kəla kə́ dəyá̰ kógə̄ḿ reē rɔ̄n tə́ ba ədan na: Ḭ̄ i kə Jeju kə́ Galile ō!

PĀ GƏ̄ 141:5

Ādə̄ de kə́ súmūú əndam̄ ō, kɔ̄l̄ seḿ ō, najə̄ yā kem majə yāí tə́! Ādə̄ yibə̄ kə́ kotə majə yā ngé kem ndul gə̄ ɔdə dɔḿ alé, ba ādə̄ m̄-ndɔ̄ȳ ngá̰ý m̄-dumə̄ń ta yá̰a̰ gə̄ ń ngé kem ndul gə̄ a rāān̄ ní.

GALATƏ 6:18

Ngákó̰ó̰ḿ gə̄, ādə̄ Kɔ́ɔ̄ɓē yājí Jeju Kərist rāā kem majə sesí. Adə̄ i tītə̄ ń noō.

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

2 KORḚNTƏ 2:8

Adə̄ m̄-dəjesí kadə̄ ɔ́jin̄ kadə̄ ni-ger̄ na ī-tárniī.