GALATƏ 5:3 - Bibəl ta Sar̄

³ M-ə́dásí m-ādə̄ gān̄g, náā nəkɔ́ ń adə̄ əjan̄ mɔtən anī, i gáŕ kadə̄ ni-əndā kumən gíŕ yá̰a̰ gə̄ ń ndū najə̄ ɔjə tə́ ní, yā rāā kə ta njaá malang.

Bible sar

³ M-ə́dásí m-ādə̄ gān̄g, náā nəkɔ́ ń adə̄ əjan̄ mɔtən anī, i gáŕ kadə̄ ni-əndā kumən gíŕ yá̰a̰ gə̄ ń *ndū najə̄ ɔjə tə́ ní, yā rāā kə ta njaá malang.

GALATƏ 5:3 Referans Kwoze

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 2:25

Ré ī-rāā yá̰á̰ ń ndū najə̄ əda ní aĺ anī, kəja motə yāí i tītə̄ kəja mɔtə aĺ beē.

NDŪ NAJƏ̄ 27:26

Deē ń a rāā ndū najə̄ yā Nə́ɓā nja bə̄yā̰ kə́ gogə́ tə́ ō, a ngɔ̄m̄ aĺ ō ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

NDŪ NAJƏ̄ 31:21

Loo ń noō tə́ yá̰á̰ kə́ to kum kaȳ aĺ ngá̰ý gə̄ ō, wur kɔl kə́ ngá̰ý gə̄ ō, a rāān̄də́. Banī pā ń toō a tél najə̄ kə́ kum tə́ kə́ kəda dɔdə́ tə́. Tɔdɔ̄ dɔ ngáńdə́ gə̄ ō, ngán kaadə́ gə̄ ō, a ndígə̄nal pā ń toō alé. Yá̰á̰ ń ndi a nɔ́mə̄n̄ kemdə́ tə́ ɓōólaā ní, m̄-ger̄ majə kɔ̄ɔ́ pá tá kadə̄ m-āw̄ sedə́ dɔ nang ń m-ə̄nī ndūḿ yā kadə̄də́ tə́ ní.

NDŪ NAJƏ̄ 8:19

Ré dɔsí ndígə̄nal dɔ Kɔ́ɔ̄ɓē Nə́ɓā yāsí tə́, adə̄ ə́laī dɔsí gír ɓesə̄ gə̄ tə́ ī-rāāī kəla ādīdə́ ō, ɔ́siī nosí nang tə́ nodə́ tə́ ō anī, m-ə́dásí kə́ ngáā tə́ ɓōólaā m-ādə̄ ōōī, ā ī-gətóoī kɔ̄ɔ́ malang.

MATIYE 23:18

Tá sḭḭ̄ ə́daī ɓáý to̰ na ré deē túbə kə loo tun̄ yá̰á̰ anī, nge ń noō na i yá̰a̰ alé. Ba ré deē túbə na i kə yá̰a̰ ndējə̄ kə́ dɔ tə́ tá na ənī na i ndūn kə́ nja ngár̄ tə́.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

KƏLA RĀĀ 2:40

Piyer ɔr̄ najə̄ kə́ rang gə̄ ngá̰ý sedə́ loo de kə́ kum yá̰á̰ tə́ tə́ ɔjəńdə́ yá̰a̰ kadə̄ gerə̄n̄ ō, mēr̄də́ kəhɔ rɔ̄də́ tɔgə ō ədadə́ na: Ī-ndigiī yá̰á̰ ń i kajə ní ādə̄ ajən̄sí, loo ń noō tə́ ā ī-teēī kɔ̄ɔ́ dan gír de kə́ tadə́ tḭ̄ḭ̄ kɔ̄ɔ́ gə̄ ń toō tə́!

Najə̄ kə́ Majə yā Jeju ń Luk ndang ní 16:28

tɔdɔ̄ m-āw̄ kə ngákó̰ó̰ḿ gə̄ noó i mí ní, ādə̄ tāādə́ ɓang ɓang kadə̄ reēn̄ kem loo rɔ̄ tōr̄ ń toō tə́ ɓáý to̰ alé.

MATIYE 23:16

Sḭḭ̄ ngé kum tɔ̄ɔ̄ kə́ ngé kɔjə de gə̄ ta róbə gə̄, yāsí i rɔ̄ ndoō! Tɔdɔ̄ sḭḭ̄ ə́daī na ré deē túbə kə kújə yā Kɔ́ɔ̄ɓēé anī, nge ń noō na i yá̰a̰ alé. Ba ré deē túbə na i kə lɔ́ŕ kə́ kem kújə yā Kɔ́ɔ̄ɓē tə́ tá na ənī na i ndūn kə́ nja ngár̄ tə́.

NEHEMI 9:34

Mban̄g yājí gə̄ ō, ngār yājí gə̄ ō ngé tun̄ yá̰a̰ yājí gə̄ ō kaají gə̄ ō, rāān̄ yá̰á̰ ń ndū najə̄ yāí əda ní aĺ ō, əndān̄ kumdə́ gír yá̰a̰ gə̄ ń ə́dádə́ kadə̄ rāān̄ ní tə́ aĺ ō, əndān̄ kumdə́ gír tāā gə̄ ń ī-tāādə́ kə̄ nja naā tə́ ní aĺ ō.

KƏLA RĀĀ 15:1

Anī de kə́rēý gə̄ ḭḭn̄ Jerusalem reē ɔjən̄ ngákó̰ó̰jí gə̄ najə̄ A̰tiyos, ədan̄də́ na: Ré ādī əjan̄ mɔtəsí tītə̄ ń najə̄ yā Moijə ədań ní aĺ anī, ā ásiī kadə̄ ajən̄sí alé.

GALATƏ 5:2

Á̰a̰ī, mā Pol m-ə́dásí na ré ādī əjan̄ mɔtəsí anī, Kərist a teē yá̰á̰ tām̄ yāsí tə́ to̰ aĺ bátə́.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.