Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.
I tām̄ najə̄ ń noō tə́ n ɔjən̄neé de kə́ koy gə̄ Najə̄ kə́ Majə ō ní. Kété ní gāngə̄n̄ sarya dɔdə́ tə́ i tītə̄ yā gotə de gə̄ malang. Ba ɔjən̄də́ Najə̄ kə́ Majə ní i yā kadə̄ kə ta kūl̄ Ndíl kə́ Táĺ ní, nin̄-asən̄neé ndi kə kumdə́ tītə̄ ń Nə́ɓā ndiń kə kumneé ní.
Ba ré Kərist i kemsí tə́ anī, rɔ̄sí i yá̰a̰ yā yo najə̄ yā majaĺ tə́ ɓá tā, banī Ndíĺ Nə́ɓā ndi kə kumneé kemsí tə́, tɔdɔ̄ rāān̄sí adə̄ ī-téliī de kə́ gōtə́ gə̄ kɔ̄ɔ́.
I beé n ndangən̄ kem makətūbə̄ yā Nə́ɓā tə́ na: De kə́ ta kəga dɔ ń i Adam ní, téĺ yá̰á̰ kə́ ndi kə kumneé. Banī Adam kə́ gogə́ i Ndíl kə́ nge rāā kadə̄ deē ndi kə kumneé.
Ba gō ndɔ̄ kə́ mətá kə núsə́ ní tə́ anī, koō kógə̄ḿ kə́ a rāā deē kadə̄ ndi kə kumneé, ḭḭ rɔ̄ Nə́ɓā tə́ udə kemdə́ tə́, adə̄ ḭḭ ran̄ kə njadə́ dɔɔ́. Loo ń noō tə́ ɓōĺ rāā de gə̄ ń a̰a̰n̄də́ ní ngá̰ý.
I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.