GALATƏ 5:24 - Bibəl ta Sar̄

²⁴ De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

Bible sar

²⁴ De gə̄ ń nin̄ i yā *Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

GALATƏ 5:24 Referans Kwoze

Makətūbə̄ ń Pol ndang adə̄ Rom gə̄ ní 6:6

Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

1 KORḚNTƏ 3:23

ba sḭḭ̄ i yā Kərist ō, Kərist i yā Nə́ɓā ō.

2 KORḚNTƏ 10:7

Sḭḭ̄ ā á̰a̰ī i gidə yá̰á̰ kə́ ndágá! Adə̄ ré de kə́rēý gír̄ kemən tə́ kadə̄ ni i deē yā Kərist anī, ādə̄ kɔ́ɔ̄ tél gír̄ rang ɓáý to̰ na ré ni i yā Kərist anī, jḭḭ i yān ō.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

1 KORḚNTƏ 15:23

Banī nin̄ a ndólə̄n̄ i kə gō naá: Kərist i kə́ kété yādə́ malang. Kutə gō anī i deē yān gə̄, ndɔ̄ ń ni a tél yā reēń tə́ ní.

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

1 KORḚNTƏ 6:13

Sḭḭ̄ ə́daī ɓáý to̰ na yá̰a̰ kəsa i tām̄ yā kem deē tə́ ō, kem deē i tām̄ yā yá̰a̰ kəsa tə́ ō. I rɔ̄kum, ba Nə́ɓā a nujə kemií ō, yá̰a̰ kəsa ní ō. Ba rɔ̄jí i yā kadə̄ jə-sāāīneé naā loo kaya tə́ alé. Rɔ̄jí i tām̄ yā Kɔ́ɔ̄ɓē tə́ ō, Kɔ́ɔ̄ɓē i tām̄ yā rɔ̄jí tə́ ō.

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

EPEJƏ 3:1

Adə̄ mā Pol ń əhɔmə̄n̄ dəngáy najə̄ yā Kərist tə́, tām̄ yāsí sḭḭ̄ de gə̄ ń i Jipə aĺ gə̄ tə́ ní, i tām̄ najə̄ ń noō tə́ n m̄-ndɔ̄yń Nə́ɓā ní.

EPEJƏ 3:6

Yá̰á̰ kə́ to loo mundə̄ tə́ ni n toō: De gə̄ ń nin̄ i Jipə aĺ gə̄ ní, a əngen̄ yá̰á̰ ń Nə́ɓā ngɔ̄m̄ tām̄ yā deē yān gə̄ tə́ ní, naā tə́ kə Jipə gēé, i kə ta kūl̄ Najə̄ kə́ Majaá. Nin̄-rāān̄ rɔ̄də́ i rɔ̄ Kərist tə́ ō, míndə́ Nə́ɓā ń ənī najə̄ yā Kərist Jeju tə́ ní, i tām̄ yādə́ nin̄ tə́ ō.

EPEJƏ 3:11

Yá̰á̰ ń Nə́ɓā rāā ngɔlaā kə ta kūl̄ Kɔ́ɔ̄ɓē yājí Jeju Kərist ní, ni-núm̄ i jóó ngá̰ý no yá̰a̰ gə̄ tə́ malang.

KOLOSƏ 2:11

Ɓoo ń ī-ɓooī naā seneé ní, ɔjə kadə̄ sḭḭ̄ ə́jaī mɔtəsí kɔ̄ɔ́. I jī deē n əja alé, i kəja mɔtə yā Kərist. Ba kəja mɔtə yā Kərist ngeé ń toō i ngḭ̄ḭ̄ kə́ ngḭ̄ḭ̄n̄ dā̰ rɔ̄jí kə́ nge rāā yá̰a̰ majaĺ kɔ̄ɔ́ rɔ̄jí tə́.