GALATƏ 5:21 - Bibəl ta Sar̄

²¹ ndə̄ngā yá̰a̰ tə́ ō, ka̰ȳ kasə ngá̰ý tə́ ō, kəsa wa tə́ ō, yá̰á̰ kə́ rang kə́ tītə̄ ń noō gə̄ tə́ ō. Sḭḭ̄ ngé rāā yá̰á̰ gə̄ ń noō ní, ādə̄ m̄-tāāsí tītə̄ ń m-ə́dańsí kɔ̄ɔ́ ɓá ní, a údiī kem Ɓē ko̰o̰ yā Nə́ɓā tə́ alé.

Bible sar

²¹ ndə̄ngā yá̰a̰ tə́ ō, ka̰ȳ kasə ngá̰ý tə́ ō, kəsa wa tə́ ō, yá̰á̰ kə́ rang kə́ tītə̄ ń noō gə̄ tə́ ō. Sḭḭ̄ ngé rāā yá̰á̰ gə̄ ń noō ní, ādə̄ m̄-tāāsí tītə̄ ń m-ə́dańsí kɔ̄ɔ́ ɓá ní, a údiī kem *Ɓē ko̰o̰ yā Nə́ɓā tə́ alé.

GALATƏ 5:21 Referans Kwoze

Makətūbə̄ ń Pol ndang adə̄ Rom gə̄ ní 13:13

Ādə̄ háĺjí i háĺ kə́ unjə̄ yā ngé njə̄rā dan kadaá gə̄: Jə-lōōī kəsa wa ō, ka̰ȳ kasə ngá̰ý ō, sāā naā loo kaya tə́ ō, jə-lōōī kɔ̄l̄ naā ō, kəndā naā nii ō.

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

EPEJƏ 5:18

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī Ndíĺ kə́ Táĺ rosə kemsí.

1 KORḚNTƏ 5:11

Najə̄ ń m̄-ndang m-ādə̄sí ní, i kadə̄ ī-lōōī ɓoo naā kə de kə́ ā ī-ɓāŕniī na i ngōkó̰ó̰sí, tá ni i de kə́ nge sāā naā loo kaya tə́, aláa ni i de kə́ nge ndə̄ngā yá̰a̰, aláa i nge rāā ɓesə̄, aláa i nge tetə najə̄, aláa i nge kasə rāā, aláa i nge ɓogə. De kə́ beē ní, yá̰a̰ kəsa gə̄gē ī-lōōī kəsa seneé.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

KOLOSƏ 3:6

I yá̰a̰ gə̄ ń toō n a ndɔ́rə̄n̄ wōn̄g yā Nə́ɓā yā reēń ní.

1 TESALONIK 5:7

Tɔdɔ̄ ngé ɓīī gə̄ a ɓīīn̄ i ndɔ̄ɔ́ ō, ngé kasə rāā gə̄ kasə a rāādə́ i ndɔ̄ɔ́ ō.

1 KORḚNTƏ 15:50

Ngákó̰ó̰ḿ gə̄, yá̰á̰ ń m̄-gḛy kəda ní n toó: Dā̰ rɔ̄ ō mósə ō asən̄ kənge Ɓē ko̰o̰ yā Nə́ɓā aĺ ō, yá̰á̰ kə́ ndum asə kənge yá̰á̰ kə́ a ndum aĺ aĺ ō.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

NDŪ NAJƏ̄ 21:20

ba a ədan̄də́ na: Ngōn̄jí ń toō dɔn oō loo aĺ ō, dum̄ naā ngá̰ý ō, usən dɔ najə̄ kɔr̄jí tə́ aĺ ō, əsa wa ngá̰ý ō, a̰ȳ kasə ngá̰ý ō.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

2 TESALONIK 2:5

Ādī əga kemsí dɔ tə́ na m-ə́dásí yá̰a̰ gə̄ ń toō malang dan ń m̄-ndiń sesí ní.