GALATƏ 5:19 - Bibəl ta Sar̄

¹⁹ Ī-gerī loo kɔjə ń dā̰ rɔ̄jí a ɔjə kəla rāān gə̄ kə̄ ndágá ní mbak: I tū rāā kaya tə́ ō, rāā yá̰á̰ kə́ yḛr gə̄ tə́ ō, rāȳ tə́ ō,

Bible sar

¹⁹ Ī-gerī loo kɔjə ń dā̰ rɔ̄jí a ɔjə kəla rāān gə̄ kə̄ ndágá ní mbak: I tū rāā kaya tə́ ō, rāā yá̰á̰ kə́ yḛr gə̄ tə́ ō, rāȳ tə́ ō,

GALATƏ 5:19 Referans Kwoze

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

GALATƏ 6:8

Ré yá̰á̰ ń ī-dubə̄ ní, i yá̰á̰ kə́ tām̄ yā dā̰ rɔ̄ tə́ anī, yá̰á̰ ń ā ə́já ní, i yá̰á̰ ń dā̰ rɔ̄ adə̄ ní, adə̄ i yá̰á̰ kə́ ndum. Ré yá̰á̰ ń ī-dubə̄ ní, i yá̰á̰ kə́ kə gō kem ndigə yā Ndíl anī, yá̰á̰ ń ā ə́ja kə ta kūl̄ Ndílí ní, i ndi kə kumuú kə́ ngándáńg.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

Makətūbə̄ ń Pol ndang adə̄ Rom gə̄ ní 8:5

Tɔdɔ̄ ngé gə̄ ń njə̄rān̄ i kə tɔ́gə yā dā̰ rɔ̄ɔ́ ní, gírə̄n̄ i dɔ yá̰a̰ yā dā̰ rɔ̄ tə́, ba ngé gə̄ ń njə̄rān̄ i kə tɔ́gə yā Ndíĺ ní, gírə̄n̄ i dɔ yá̰a̰ yā Ndíĺ tə́.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

1 KORḚNTƏ 6:18

Yá̰á̰ ń i sāā naā loo kaya tə́ ní ā̰ȳniī kɔ̄ɔ́! Majaĺ kə́ rang gə̄ malang ń deē rāā ní, i gidə rɔ̄ deē tə́ ndágá. Banī deē ń sāā naā loo kaya tə́ ní, rāā majaĺ i kə dā̰ rɔ̄n nəkɔ́.

GALATƏ 5:17

Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

Makətūbə̄ ń Pol ndang adə̄ Rom gə̄ ní 7:18

Dan ń mā i ɓəlo yā yá̰á̰ kə́ majaĺ kɔ̄ɔ́ ɓá ní, tɔ́gə́ḿ sḛ́ý kə́ kadə̄ m̄-rāań yá̰á̰ kə́ majə gətóo. m̄-gḛy rāā yá̰á̰ kə́ majə ngá̰ý ɓá tā, ba loo rāān dumə̄m̄ kɔ̄ɔ́.

Makətūbə̄ ń Pol ndang adə̄ Rom gə̄ ní 7:5

Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.

JA̰A̰ 3:6

Nge ń i deē n ojən ní i deē ō, nge ń i Ndíl n ojə ní i Ndíl ō.

PĀ GƏ̄ 17:4

M-á̰á̰ yá̰a̰ rāā de gə̄ anī, m̄-rā dɔ najə̄ yāí tə́, m̄-ngɔ̄m̄ rɔ̄ḿ najə̄ róbə yā ngé dɔ́nɔ gə̄ tə́.

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

Makətūbə̄ ń Pol ndang adə̄ Rom gə̄ ní 7:25

m̄-ndadə̄ Nə́ɓā kə ta kūl̄ Jeju Kərist, tɔdɔ̄ ni-taām̄ jī rɔ̄ḿ ngeé ń toō tə́. Adə̄ mā i ɓəlo yā Nə́ɓā kə gír̄ yāḿ ō, ɓəlo yā majaĺ kə dā̰ rɔ̄ḿ ō.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.