GALATƏ 5:18 - Bibəl ta Sar̄

¹⁸ Ba ré Ndíl ɔjəsí yá̰a̰ adə̄ ī-rāāī anī, sḭḭ̄ i gír ndū najə̄ tə́ to̰ alé.

Bible sar

¹⁸ Ba ré Ndíl ɔjəsí yá̰a̰ adə̄ ī-rāāī anī, sḭḭ̄ i gír *ndū najə̄ tə́ to̰ alé.

GALATƏ 5:18 Referans Kwoze

Makətūbə̄ ń Pol ndang adə̄ Rom gə̄ ní 8:14

De gə̄ malang ń i Ndíĺ Nə́ɓā n ɔjədə́ yá̰a̰ adə̄ rāān̄ ní, nin̄ i ngán Nə́ɓā gə̄.

GALATƏ 5:25

Ré jə-ndiī kə kumjí i kə ta kūl̄ Ndíl anī, ādə̄ jə-rāāī yá̰a̰ i gō yā Ndíĺ tə́ ō.

Gōsə̄ najə̄ gə̄ 8:20

Mā m-ún i róbə́ yá̰á̰ kə́ gōtə́, róbə́ kə́ a rāān̄ yá̰a̰ tū tə́ i kə gōó.

EJEKIEL 36:27

M-ā m-ə̄ndā ndílə́ḿ kemsí tə́. I tītə̄ ń noō n m-ā m̄-rāań kadə̄ sḭḭ̄ ásiī koō taḿ ba rāā yá̰a̰ gə̄ ń ndū najə̄ yāḿ gə̄ ədan̄ ní ō, ɓōĺ gidə yá̰á̰ m-ə́dásí kadə̄ ī-rāāī ní ō, rāā yá̰á̰ m-ə́dásí kadə̄ ī-rāāī ní ō.

GALATƏ 5:16

M-ə́dásí ɓáý to̰, ə́ya̰ī ādī i Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní.

Makətūbə̄ ń Pol ndang adə̄ Rom gə̄ ní 7:4

Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

JA̰A̰ 16:13

Loo ń Ndíl najə̄ kə́ rɔ̄kum a ugə̄ anī, a rāā kadə̄ ā ī-gerī najə̄ kə́ rɔ̄kum kə taá malang. Tɔdɔ̄ ni a ɔr̄ najə̄ i kə dɔneé alé, banī a əda i yá̰a̰ malang ń ni a oō ní ō, yá̰á̰ ń a rāā yā reē ɓáý ní, ni a ədasí kété ō.

2 TIMOTE 1:7

Tɔdɔ̄ Nə́ɓā adə̄jí i ndíĺ kə́ yā kadə̄ jə-ɓōlíīneé kum deē alé, ba i kadə̄ j-awīneé kə tɔ́gɔ́ ō, jə-táriīneé de gə̄ ō, jə-gerīneé kəhɔ rɔ̄jí dɔ yá̰á̰ tə́ ō.

1 TIMOTE 1:9

Yá̰á̰ ń kadə̄ jə-gerī majə ní n toó: Ngé gə̄ ń əndān̄ ndū najə̄ tām̄ yādə́ tə́ ní, i de kə́ súmūú gə̄ alé, ba i de kə́ ngé rāā yá̰á̰ kə́ gō tə́ aĺ gə̄ ō, ngé dum̄ naā gə̄ ō, ngé mbātə́ rāā yá̰a̰ kə gō yā Nə́ɓāá ō, ngé rāā majaĺ gə̄ ō, ngé nujə yá̰á̰ kə́ kɔr̄ kam̄ gə̄, aláa rāā yá̰á̰ kə́ kɔr̄ kam̄ gə̄ yá̰á̰ kə́ karī tə́ ō, ngé tɔ̄l̄ bɔbə̄də́ kə kó̰ó̰də́ gə̄ ō, ngé tɔ̄l̄ de gə̄ ō,

Makətūbə̄ ń Pol ndang adə̄ Rom gə̄ ní 8:12

Tītə̄ ń toō ní ngákó̰ó̰ḿ gə̄, i gáŕ kadə̄ jə-rāāī yá̰a̰ gə̄ ń Nə́ɓā ndigə ní, ba i gáŕ kadə̄ jə-rāāī yá̰a̰ gə̄ ń dā̰ rɔ̄jí kə́ nge rāā majaĺ ń toō ndigə ní to̰ alé.

GALATƏ 5:23

dɔ sɔl̄ ō, kəhɔ rɔ̄ ō. Ndū najə̄ mbātə́ yá̰a̰ gə̄ ń noō alé.