GALATƏ 5:15 - Bibəl ta Sar̄

¹⁵ Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.

Bible sar

¹⁵ Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.

GALATƏ 5:15 Referans Kwoze

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

GALATƏ 5:26

Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.

JAKƏ 3:14

Ba ré ə̄ndāī naā nii adə̄ wursí atə̄sí kárárá kə naá ō, ā ī-rɔ̄ɔ̄ī naā dɔ yá̰á̰ tə́ ō anī, ī-lōōī hítə̄ rɔ̄sí ō, nujə najə̄ kə́ rɔ̄kum kə sor̄ yāsí ō.

2 KORḚNTƏ 11:20

Ré əndān̄ gúu dɔsí tə́ tītə̄ kə́ sḭḭ̄ i ɓəlo gə̄ beé, aláa əsan̄ tətōsí, aláa gólə̄n̄sí, aláa kídə̄n̄sí, aláa əndan̄ dan kumsí anī, sḭḭ̄ ī-tə́gāī tasí dɔ tə́.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

IJAI 11:13

Loo ń noō tə́ Epəraim a ənda Juda to̰ alé. A nujən̄ ngé rɔ̄ɔ̄ Juda gə̄ kɔ̄ɔ́ ō, madə̄ ba̰ā̰ Epəraim i Juda to̰ aĺ ō.

PILIPƏ 3:2

Ə̄ndāī kum kedə̄ dɔ rɔ̄sí tə́ najə̄ yā ngé rāā kəla kə́ majaĺ gə̄ tə́, bísə gə̄ ń noō ń nin̄ i ngé kəja mɔtə kə́ rɔ̄kum aĺ gə̄ ní!

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

NGÉ SARYA 9:44

Abimelek nin̄ kə ɓūtə̄ de kə́ seneé gēé aw̄n̄ láẃ rákə̄n̄ rɔ̄də́ ta róbə́ kə́ kem ɓēé tə́. Ba gír ɓūtə̄ kə́ jōó gə̄ tá udən̄ dɔ de gə̄ tə́ a tɔ̄lə̄n̄də́ ta ndɔr̄ tə́.

MARK 3:25

Ré kem gír kojə kógə̄ḿ tə́ de kə́ kemeé gə̄ mbātə́n̄ naā anī, loo kadə̄ nge naā to mbənādə́ tə́ kum kə̄ kété a gətóo.