GALATƏ 5:14 - Bibəl ta Sar̄

¹⁴ Tɔdɔ̄ ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.

Bible sar

¹⁴ Tɔdɔ̄ *ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.

GALATƏ 5:14 Referans Kwoze

MATIYE 7:12

Yá̰a̰ malang ń ī-gḛyiī kadə̄ de gə̄ rāān̄ sesí ní, ī-rāāī tītə̄ ń noō sedə́ ō. I yá̰á̰ ń toō bang n ndū najə̄ yā Moijə ō, ngé koō ta gə̄ ō, ɔjən̄sí kadə̄ ī-rāāī ní.

LEBI GƏ̄ 19:18

Ə̄ndā ba̰ā̰ aĺ ō, ə́hɔ́ ngáń nge ɓē madí gə̄ kemií tə́ aĺ ō. Ī-tár madí tītə̄ rɔ̄í īkɔ́. Mā i Kɔ́ɔ̄ɓē.

GALATƏ 6:2

Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń ndū najə̄ yā Kərist əda ní.

JA̰A̰ 13:34

M-ādə̄sí gō míndə́ kə́ kijə: Ī-táriī naā. Tītə̄ ń m̄-tárəńsí ní, ī-táriī naā dɔ dáńsí tə́ ō.

MARK 12:31

Ba kə́ nge ko̰ jōó n toó: Ā ī-tár deē madí tītə̄ ngarān̄g kum rɔ̄í īkɔ́ beē. Gō míndə́ kə́ rang kə́ bo tɔȳ ngé ń toō gətóo.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

LEBI GƏ̄ 19:34

Tə̄rā ń ndi dɔ dáńsí tə́ ní, ā ī-rāāiń i ngōn̄ nge ɓē tə́. Ā ī-táriī i tītə̄ ń ā ī-táriń rɔ̄sí sḭḭ̄ kɔ́ gə̄ ní. Tɔdɔ̄ kété ní, sḭḭ̄ i tə̄rā gə̄ dɔ nang kə́ Ejiptə tə́. Mā i Kɔ́ɔ̄ɓē Nə́ɓā yāsí.

MARK 12:33

Ba kadə̄ deē tárən kə kemənneé malang ō, kə gír kə́ kemən tə́ malang ō, kə tɔ́gəneé malang ō, kadə̄ ni-tár madə̄n tītə̄ ngarān̄g kum rɔ̄n nəkɔ́ ō, ń toō tɔȳ yá̰a̰ tun̄ kə́ róōn̄ horó kə yá̰a̰ tun̄ gə̄ malang.

GALATƏ 1:6

Ɔr kumḿ sesí tɔdɔ̄ ī-téliī láẃ kɔ̄ɔ́ gō Nə́ɓā ń ɓāŕsí ba rajəsí kə ta kūl̄ Kərist ní, yā kunəń gō Najə̄ kə́ Majə kə́ rang.