GALATƏ 5:13 - Bibəl ta Sar̄

¹³ Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

Bible sar

¹³ Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

GALATƏ 5:13 Referans Kwoze

1 PIYER 2:16

Ī-rāāī yá̰á̰ kə́ de kə́ kɔ́ɔ̄ rɔ̄də́ gə̄ tə́. Ɓá tā ba, ī-lōōī rāā kɔ́ɔ̄ rɔ̄ yāsí ní kūbə̄ kutə̄ gidə yá̰á̰ kə́ majaĺ tə́, banī ī-rāāī yá̰á̰ kə́ de kə́ ngé kəla gə̄ yā Nə́ɓā tə́.

1 KORḚNTƏ 9:19

Mā i kɔ́ɔ̄ rɔ̄ḿ, adə̄ mā i ɓəlo yā deē kógə̄ḿ alé, banī m̄-tél ɓəlo yā de gə̄ malang yā kəngeń de gə̄ ngá̰ý.

1 KORḚNTƏ 8:9

Ɓá tā ba á̰a̰ī majə na sōgə́ rāā yá̰á̰ kə́ kɔ́ɔ̄ rɔ̄ tə́ yāsí tél bə̄dē kə́ kadə̄ əga nja ngé kə́ tɔ́gə́də́ gətóo gə̄ kadə̄ əsōn̄ kum majaĺ tə́.

GALATƏ 5:14

Tɔdɔ̄ ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.

EPEJƏ 5:21

Ōōī ta naā sɔɔ̄ń ɓōĺ ń ī-ɓōlíī Ndíĺ Kərist ní.

GALATƏ 6:2

Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń ndū najə̄ yā Kərist əda ní.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

2 PIYER 2:19

Nin̄-ənīn̄ ndūdə́ adə̄n̄də́, ədan̄də́ na a teēn̄ ɓəloó, banī nin̄ kɔ́ gə̄ i ɓəlo gə̄ yā háĺ gə̄ kə́ a aw̄n̄ kə deé a əlanən̄ ta yo tə́. Tām̄ deē i ɓəlo yā yá̰á̰ kə́ dum̄ tɔ́gən.

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

KƏLA RĀĀ 20:35

M-ɔ́jə́sí ngándáńg kadə̄ j-a̰a̰ī tápə̄ beé tá jə-rāāīneé kə ngé gə̄ ń tɔ́gə́də́ gətóó ní ō, kadə̄ əga kemjí dɔ najə̄ ń Kɔ́ɔ̄ɓē Jeju nəkɔ́ əda tə́ ní ō, əda na: Deē ń adə̄ yá̰á̰ ní kemən nelə̄n tɔȳ yā nge taā yá̰a̰.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

GALATƏ 4:22

Tɔdɔ̄ i kə́ ndang kem makətūbūú na Abəraham ojə ngáń kə́ dəngam gə̄ jōó, kógə̄ḿ i ngōn̄ dəyá̰ kə́ ɓəlo, ba kógə̄ḿ i ngōn̄ dəyá̰ kə́ kɔ́ɔ̄ rɔ̄n.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

2 KORḚNTƏ 12:15

m̄-ndigə ngá̰ý kadə̄ m-ādə̄ yá̰a̰ yāḿ malang ō, m-ādə̄ rɔ̄ḿ mə̄kɔ́ ō, yā rāań sesí. Ré m̄-táŕsí asə naā beé anī, ā ī-tármī sḛ́ý beē a?

2 KORḚNTƏ 3:17

Tá laā ní, najə̄ ń ədan̄ na i Kɔ́ɔ̄ɓē ní, kumən na i Ndíl. Ba loo ń Ndíĺ Kɔ́ɔ̄ɓē i tū tə́ ní, deē i kɔ́ɔ̄ rɔ̄n tū tə́ ō.

GALATƏ 5:1

Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.

2 KORḚNTƏ 2:8

Adə̄ m̄-dəjesí kadə̄ ɔ́jin̄ kadə̄ ni-ger̄ na ī-tárniī.