GALATƏ 5:11 - Bibəl ta Sar̄

¹¹ Ba mā tā a ngákó̰ó̰ḿ gə̄, ré m-ə̄nā i mbēr̄ kəja mɔtə ɓáý anī, i ba̰ý á a rāān̄ kumḿ ndoō tə́ ɓáý ní? Ré m̄-rāā i tītə̄ ń noō anī, kāgə̄ kə́ dēsə́ i yá̰á̰ kə́ əga de gə̄ bə̄dē tə́ to̰ alé.

Bible sar

¹¹ Ba mā tā a ngákó̰ó̰ḿ gə̄, ré m-ə̄nā i mbēr̄ *kəja mɔtə ɓáý anī, i ba̰ý á a rāān̄ kumḿ ndoō tə́ ɓáý ní? Ré m̄-rāā i tītə̄ ń noō anī, kāgə̄ kə́ dēsə́ i yá̰á̰ kə́ əga de gə̄ bə̄dē tə́ to̰ alé.

GALATƏ 5:11 Referans Kwoze

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

GALATƏ 6:12

Ngé gə̄ ń ɔsən̄ sesí ta kəja mɔtəsí ní, i de gə̄ kə́ gḛyn̄ kadə̄ a̰a̰n̄də́ i de kə́ majə gə̄ tə́, kə gō yā deē ndul gēé. Nin̄-rāān̄ tītə̄ ń noō i yā kadə̄ rāān̄neédə́ ndoō tə́ najə̄ kāgə̄ kə́ dēsə́ yā Kərist tə́ aĺ ngóy.

GALATƏ 4:29

Ba tītə̄ ń kété jóo ngōn̄ ń ojənən̄ kə gō yā dā̰ rɔ̄ɔ́ rāā nge ń ojənən̄ kə gō yā Ndílí ndoō tə́ ní, ngɔlaā a to i tītə̄ ń noō ō.

GALATƏ 2:3

Ngákó̰ó̰jí kə́ rɔ̄kum aĺ gə̄ túdə̄n̄ danjí tə́ ɓá tā, ba Titə ń i seḿ á ni i Gərek ní, ɔsən̄ seneé ta kəja mɔtən alé. Ngákó̰ó̰jí kə́ rɔ̄kum aĺ gə̄ ngé ń toō a umə̄n̄ i háĺ rāājí yá̰á̰ kə́ loo kɔ́ɔ̄ rɔ̄jí ń Jeju Kərist adə̄jí ní, yā rāān̄jí ɓəlo tə́.

1 KORḚNTƏ 15:30

Ba jḭḭ̄ kɔ́ gə̄, i tām̄ rí tə́ á jḭḭ̄ i ta yo tə́ kə kum mbang gə̄ malang ní?

KƏLA RĀĀ 21:21

Ədan̄də́ na yá̰á̰ ń ḭ̄ ī-ndóō de gə̄ ní, na a rāā kadə̄ Jipə gə̄ malang ń ndin̄ dan nápar de kə́ rang gə̄ tə́ ní tūrə̄n̄ gidədə́ kɔ̄ɔ́ ta ndū najə̄ yā Moijə tə́ ō, lōōn̄ gír kəja mɔtə ngáńdə́ gə̄ tə́ ō, lōōn̄ gír kun gō yá̰a̰ kāgə̄ ɓē yā Jipə gə̄ tə́ ō.

GALATƏ 6:17

Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.

1 KORḚNTƏ 1:18

Tɔdɔ̄ najə̄ kə́ dɔ koy ń Jeju oy tū kāgə̄ kə́ dēsə́ tə́ ní, i najə̄ kə́ to mbóo tām̄ yā ngé gə̄ ń a udən̄ kɔ̄ɔ́ tə́ ní, banī i tɔ́gə yā Nə́ɓā tām̄ yājí jḭḭ̄ ń j-a j-ajiī tə́ ní.

KƏLA RĀĀ 21:28

Nin̄-əgan̄ kɔŕ ədan̄ na: Israel gə̄ ī-dḭḭ̄jí tə́! Á̰a̰ī deē ń a aw̄ kə̄ loo gə̄ tə́ malang a ndóoń de gə̄ malang kadə̄ mbātə́n̄ gír deē yājí gə̄ ō, ndū najə̄ yā Moijə ō, kújə yā Kɔ́ɔ̄ɓē ń toō ō ní, ni n toó! Ba kə́ kal̄ naā ní ni udə kə de gə̄ kə́ nin̄ i Jipə aĺ gə̄ kem kújə yā Kɔ́ɔ̄ɓē tə́ rāań adə̄ loo kə́ táĺ ń toō tél kə́ yḛr kɔ̄ɔ́.

KƏLA RĀĀ 16:3

Pol gḛy kadə̄ aw̄ seneé. Adə̄ ni unən ba əja mɔtən najə̄ yā Jipə gə̄ ń ndin̄ gō nang ngeé ń noō tə́ ní. Tām̄ nin̄ malang ní gerə̄n̄ kadə̄ bɔbə̄n i Gərek.

IJAI 8:14

Tām̄ yā ɓē ko̰o̰ kə́ jōó gə̄ yā Israel tə́ ní, ni i loo kə́ táĺ, ni i mbal̄ kə́ nge kəga deē, mbal̄ kə́ nge rāā deē kadə̄ əsō. Ndɔ̄ń tə́ ni i gūmbə̄ tām̄ yā de kə́ Jerusalem gə̄ tə́.

GALATƏ 3:1

Galatə gə̄, sḭḭ̄ i de kə́ kur̄ dɔsí gətóo. Sḭḭ̄ ń ɔjən̄sí najə̄ yā Jeju Kərist kə́ əndanən̄ kə máyá̰ tū kāgə̄ kə́ dēsə́ tə́ adə̄ unjə̄ ta kumsí tə́ ní, i náā n tūr̄ kumsí kɔ̄ɔ́ ní?