GALATƏ 5:10 - Bibəl ta Sar̄

¹⁰ Mā m̄-taā kemsí mámák sɔɔ̄ń Kɔ́ɔ̄ɓē, kadə̄ gír̄ yāsí a to tayā alé, ba i tītə̄ yāḿ mā. Ba nge ń tə́la najə̄ kemsí tə́ ní, ká i náā gə̄gē anī, a ənge yá̰á̰ kə́ tōr̄ tām̄ yā yá̰á̰ kə́ gō tə́ aĺ ń ni-rāā tə́ ní.

Bible sar

¹⁰ Mā m̄-taā kemsí mámák sɔɔ̄ń Kɔ́ɔ̄ɓē, kadə̄ gír̄ yāsí a to tayā alé, ba i tītə̄ yāḿ mā. Ba nge ń tə́la najə̄ kemsí tə́ ní, ká i náā gə̄gē anī, a ənge yá̰á̰ kə́ tōr̄ tām̄ yā yá̰á̰ kə́ gō tə́ aĺ ń ni-rāā tə́ ní.

GALATƏ 5:10 Referans Kwoze

GALATƏ 5:12

Ādə̄ ngé tə́la najə̄ kemsí tə́ gə̄ ɔrə̄n̄ gum̄də́ nin̄ kɔ́ gə̄ kɔ̄ɔ́ ɗer.

PILIPƏ 3:15

Jḭḭ̄ malang ń i de kə́ majə ɔtə̄ kə taá gə̄ ní, ādī gír̄ yājí i tītə̄ ń noō. Ba ré gír̄ yāsí i tītə̄ ń noō aĺ anī, Nə́ɓā nəkɔ́ a teē kumsí dɔ tə́.

GALATƏ 1:7

Kə́ rɔ̄kum tə́ tā anī Najə̄ kə́ Majə kə́ rang gətóo, ba m-ɔ̄r̄ najə̄ sesí tītə̄ ń noō i tām̄ yā de kə́ ngé tə́la najə̄ kemsí gə̄ tə́. Nin̄-gḛyn̄ i tūr̄ gidə Najə̄ kə́ Majə yā Kərist kɔ̄ɔ́.

2 KORḚNTƏ 2:3

I tām̄ najə̄ ń noō tə́ n m̄-ndangəń makətūbə̄ m-ə́lań kété m-ādə̄sí ní, i yā kadə̄ ré m-ūgə̄ anī ī-rāāmə̄n̄neé kadə̄ kemḿ nelə̄m̄ aĺ alé. Tɔdɔ̄ ngé gə̄ ń majə kadə̄ rāāmə̄n̄ kadə̄ kemḿ nelə̄m̄ ní i sḭḭ̄. Tɔdɔ̄ m̄-ger̄ majə kadə̄ sḭḭ̄ ní ré rɔ̄ḿ mā nelə̄m̄ anī, rɔ̄sí sḭḭ̄ malang a nel̄sí ō.

1 TIMOTE 1:20

Himene ō, Alekjandər ō, i dan de gə̄ ngeé ń noō tə́. M-ādə̄də́ kə Sətan kadə̄ ndóōn̄ loo ndájə̄ najə̄ dɔ Nə́ɓā tə́ alé.

GALATƏ 6:17

Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.

GALATƏ 4:17

Ko̰o̰ ń o̰o̰ de kə́rēý gə̄ tɔdɔ̄sí ní, i ko̰o̰ tɔdɔ̄ kə́ gō tə́ alé. Nin̄-gḛyn̄ kɔr̄sí rɔ̄ḿ tə́ kɔ̄ɔ́ i yā kadə̄ o̰o̰sí tɔdɔ̄də́.

GALATƏ 3:1

Galatə gə̄, sḭḭ̄ i de kə́ kur̄ dɔsí gətóo. Sḭḭ̄ ń ɔjən̄sí najə̄ yā Jeju Kərist kə́ əndanən̄ kə máyá̰ tū kāgə̄ kə́ dēsə́ tə́ adə̄ unjə̄ ta kumsí tə́ ní, i náā n tūr̄ kumsí kɔ̄ɔ́ ní?

GALATƏ 2:6

Ba ngé gə̄ ń i ngé kɔr no de gə̄ ní, ɔjəmə̄n̄ yá̰a̰ kə́ kijə gə̄ kadə̄ m̄-rāādə́ dɔ gúú tə́ alé. Kə́ rɔ̄kum tə́, ká ré nin̄ i ngé kɔr no de gə̄ kété gə̄gē anī usəm̄ mā alé, tɔdɔ̄ Nə́ɓā a gān̄g sarya i tām̄ ta kum deē alé.

2 KORḚNTƏ 10:6

Ba jə-ndi dɔ rɔ̄jí tə́ kɔ̄ɔ́ ɓá, yā kadə̄ ré sḭḭ̄ ɔ́jiī kə̄ ndágá kadə̄ sɔl̄ dɔ yāsí i kə́ majə ɔtə̄ kə taá anī, deē ń a ḭḭ yā rāā dɔ ngan̄g ní, j-a jə-rāān yá̰á̰ kə́ tōr̄, tām̄ yā yá̰á̰ kə́ majaĺ ń ni-rāā tə́ ní.

1 KORḚNTƏ 5:5

Loo ń noō tə́ majə kadə̄ ə́laī deē ní jī Sətan tə́, kadə̄ dā̰ rɔ̄n nujə ba ndílən ajə ndɔ̄ yā Kɔ́ɔ̄ɓē tə́.

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

PILEMO̰ 1:21

I tām̄ ger̄ kə́ m̄-ger̄ majə kadə̄ ā ōō najə̄ taḿ tə́ n m̄-ndangəń najə̄ ń toō ní. m̄-ger̄ kadə̄ yá̰á̰ ń m̄-dəjeī ní, ā ī-rāā kadə̄ mān̄ dɔ.

2 TESALONIK 3:4

Tá Kɔ́ɔ̄ɓē rāā adə̄ j-ənī kemjí mámák najə̄ yāsí tə́. Tɔdɔ̄ yá̰á̰ ń j-əda kadə̄ ī-rāāī ní ī-rāāī ō, ā ī-rāāī kə̄ nosí tə́ ō.

GALATƏ 4:20

Kum mbang ń toō tə́ ní, m̄-ndə̄ngā ngá̰ý kadə̄ mā i dansí tə́, kadə̄ m-ɔ̄r̄ najə̄ kə gōó kadə̄ udə dɔsí tə́, tɔdɔ̄ kemḿ rāām̄ najə̄ yāsí tə́.

GALATƏ 4:11

Kəla ń m̄-rāā tām̄ yāsí tə́ ní, m̄-ɓōĺ najə̄ kadə̄ i kəla kə́ ndāńg karī.

2 KORḚNTƏ 13:10

I tām̄ najə̄ ń noō tə́ n m̄-ndangəń najə̄ gə̄ ń toō malang m-ādə̄sí dan ń mā i sa̰y rɔ̄sí tə́ ní. I yā kadə̄ loo ń mā i dansí tə́ anī, m-ə̄ndā tɔ́gə́ ń Kɔ́ɔ̄ɓē adə̄m̄ ní kə ngangāá dɔsí tə́ alé. Tɔdɔ̄ tɔ́gə́ ń Kɔ́ɔ̄ɓē adə̄m̄ ní, i yā kadə̄ m̄-mbūsəń deē, banī i yā kadə̄ m̄-nujəń deē alé.

2 KORḚNTƏ 10:2

Ī-lōōī ra seḿ ta kɔr̄ najə̄ sesí kanjə̄ ɓōĺ dan ń m-ā m̄-ndi sesí ní. Tām̄ de gə̄ ń ədan̄ na jə-rāā yá̰a̰ na i gō gír̄ yā deē ndul gə̄ tə́ ní, m̄-sāā kɔjədə́ kadə̄ gerə̄n̄ na m̄-ɓōĺdə́ alé.

2 KORḚNTƏ 8:22

Ngōkó̰ó̰jí ń jə-nāān tū yá̰a̰ gə̄ tə́ nja i ngá̰ý ba ɔjə kə̄ ndágá kadə̄ o̰o̰n tɔdɔ̄ kəla ngá̰ý ní, j-əlan kadə̄ aw̄ sedə́. Ngɔlaā o̰o̰n tɔdɔ̄ kəla ngá̰ý tɔȳ kə́ kété ɓáý, tɔdɔ̄ ni-ənī kemən mámák adə̄sí.

2 KORḚNTƏ 7:16

Rɔ̄ḿ nelə̄m̄ ngá̰ý tɔdɔ̄ m-ásə kəndā kemḿ dɔsí tə́ tū yá̰a̰ gə̄ tə́ malang.

2 KORḚNTƏ 5:16

Adə̄ jḭḭ jə-ger̄ deē i kə gō yā dā̰ rɔ̄ɔ́ to̰ alé. Ká ré kété jóo jə-ger̄ Kərist i kə gō yā dā̰ rɔ̄ɔ́ gə̄gē anī, ngɔlaā jə-gerə̄n tītə̄ ń noō to̰ alé.

2 KORḚNTƏ 2:6

Tām̄ yā de kə́ beé tə́ ní, mbātə́ ń kósə de gə̄ malang mbātə́n̄ najə̄ gōn tə́ ní asə.

2 KORḚNTƏ 1:15

Dan ń m̄-taā kem mámák kadə̄ a to i beé ní, ta kəga dɔ m̄-gír̄ i kaw̄ loosí kadə̄ ə́ngeī yá̰á̰ kə́ majə kə́ nge ko̰ jōó.

GALATƏ 5:7

Ī-ngɔ̄dī kété majə, ba i náā n tél ɔgə̄sí kun gō najə̄ kə́ rɔ̄kum ní?