GALATƏ 5:1 - Bibəl ta Sar̄

¹ Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.

Bible sar

¹ *Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.

GALATƏ 5:1 Referans Kwoze

2 KORḚNTƏ 3:17

Tá laā ní, najə̄ ń ədan̄ na i Kɔ́ɔ̄ɓē ní, kumən na i Ndíl. Ba loo ń Ndíĺ Kɔ́ɔ̄ɓē i tū tə́ ní, deē i kɔ́ɔ̄ rɔ̄n tū tə́ ō.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

1 PIYER 2:16

Ī-rāāī yá̰á̰ kə́ de kə́ kɔ́ɔ̄ rɔ̄də́ gə̄ tə́. Ɓá tā ba, ī-lōōī rāā kɔ́ɔ̄ rɔ̄ yāsí ní kūbə̄ kutə̄ gidə yá̰á̰ kə́ majaĺ tə́, banī ī-rāāī yá̰á̰ kə́ de kə́ ngé kəla gə̄ yā Nə́ɓā tə́.

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

GALATƏ 4:9

Ba ngɔlaā ī-gerī Nə́ɓā, ba kə́ rɔ̄kum tə́ tā anī, i Nə́ɓā n ger̄sí ní. Ní, i ba̰ý á ī-tél ā ī-rāāī kəla yā tɔ́gə́ kə́ dɔ nang tə́ gə̄ ń i nə́ɓā kə́ rɔ̄kum aĺ gə̄ ní? I tām̄ rí tá ī-téliī ɓəlo yādə́ gə̄ ɓáý ní?

HEBƏRO 10:23

Jə-ngɔ̄mī yá̰á̰ ń j-əndāī kemjí dɔ tə́ á j-ədaī najə̄n ní. Tɔdɔ̄ Nə́ɓā ń ənī míndən adə̄jí ní i nge ra dɔ ndūn tə́.

GALATƏ 4:31

I beé ní, ngákó̰ó̰ḿ gə̄, jḭḭ̄ i ngán dəyá̰ kə́ ɓəlo alé, banī i ngán dəyá̰ kə́ ni i kɔ́ɔ̄ rɔ̄n.

JEJU TEĒ KUM JA̰A̰ 3:3

Loo koō najə̄ ń ōō ō, loo taā ń ī-taā ō ní, ādə̄ əga kemií dɔ tə́. Ī-ngɔ̄m̄ najə̄ ní ba ī-tūr̄ hálí. Ré ī-ndi dɔ rɔ̄í tə́ aĺ anī, m-ā m̄-reē tītə̄ nge ɓogə beé, kanjə̄ kadə̄ ā ī-ger̄ kum mbang ń m-ā m̄-reē yā kəhɔīneé dɔ jīí tə́ ní.

2 PIYER 2:19

Nin̄-ənīn̄ ndūdə́ adə̄n̄də́, ədan̄də́ na a teēn̄ ɓəloó, banī nin̄ kɔ́ gə̄ i ɓəlo gə̄ yā háĺ gə̄ kə́ a aw̄n̄ kə deé a əlanən̄ ta yo tə́. Tām̄ deē i ɓəlo yā yá̰á̰ kə́ dum̄ tɔ́gən.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

Makətūbə̄ ń Pol ndang adə̄ Rom gə̄ ní 7:6

Ba ngɔlaā ní yá̰a̰ gə̄ ń i dɔjí tə́ tītə̄ ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.

Makətūbə̄ ń Pol ndang adə̄ Rom gə̄ ní 6:18

Tá sḭḭ̄ ī-teēī ɓəlo rāā yá̰á̰ kə́ majaĺ tə́ kɔ̄ɔ́, ba ī-téliī ɓəlo rāā yá̰á̰ kə́ gōtə́. Adə̄ yá̰a̰ gə̄ ń toō i yá̰á̰ kə́ kadə̄ jə-ndadī Nə́ɓā tāmən tə́.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

KƏLA RĀĀ 15:10

Loo ń noō tə́ ní yá̰á̰ kə́ ɔy ń kaají gə̄ ō, jḭḭ̄ kɔ́ gə̄ ō, j-asiī kətō aĺ ní, ə̄ndāī dɔ ngé taā kem gə̄ tə́ ī-nāāīneé Nə́ɓā i tām̄ rí tə́?

1 KORḚNTƏ 7:22

Tɔdɔ̄ ɓəlo ń Kɔ́ɔ̄ɓē ɓārə́n ní, i de kə́ Kɔ́ɔ̄ɓē gān̄g dɔn kɔ̄ɔ́. Tītə̄ ń toō ɓáý to̰ ní, deē ń i kɔ́ɔ̄ rɔ̄n tá kadə̄ Kərist ɓārə́n ní, ni-tél i ɓəlo yā Kərist.

PĀ GƏ̄ 51:12

Nə́ɓā, ī-rāā ādə̄ kemḿ unjə̄ njáý njáý. Ī-tūr̄ ndílə́ḿ ādə̄ téĺ kə́ kijə ō, ī-rāān ādə̄ ra ngan̄g ō.

Gōsə̄ najə̄ gə̄ 23:23

Ī-sāā háĺ kə́ sew kadə̄ ə́nge ba ī-lōō kigəń ō, ī-rāā tītə̄ ń noō tām̄ yā kum kedə̄ tə́ ō, kɔjə̄ tə́ ō, ger̄ kum najə̄ tə́ ō.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

EPEJƏ 6:14

I beé ní, ī-ndiī dɔ rɔ̄sí tə́. Kadə̄ ndāŕ do̰ō̰ ɓōdə̄sí i najə̄ kə́ rɔ̄kum ō, kūbə̄ gində̄ yāsí i yá̰á̰ kə́ gōtə́ ō,

JEJU TEĒ KUM JA̰A̰ 2:25

Ba yá̰á̰ ń sḭḭ̄ āwīneé ɓá ní, ə́hɔī sásáp bátə́ kadə̄ m-ūgəń.

HEBƏRO 4:14

I beé ní, adə̄ j-əhɔī taā kem ń j-ɔjiī najə̄n ní adə̄ ngan̄g, tɔdɔ̄ j-awī kə ngol ngé tun̄ yá̰a̰ gə̄ kə́ tɔ́gən i ngá̰ý, kə́ aw̄ bátə́ ugə̄ rɔ̄ Nə́ɓā tə́, adə̄ i Jeju, ni i Ngōn̄ Nə́ɓā.

HEBƏRO 3:14

Tɔdɔ̄ jḭḭ̄ i madə̄ Kərist gə̄, ba i loo ń ré jə-ngɔ̄mī yá̰á̰ ń j-əndāī kemjí dɔ tə́ ní kə ngangāá ta kəla gíŕ tə́ bátə́ ta ngóý tə́ tá.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

2 TESALONIK 2:15

Adə̄, ngákó̰ó̰jí gə̄, ə́hɔī rɔ̄sí tɔgə ō, jī bēl̄ loo rāā yá̰a̰ gə̄ ń jə-ndóōsí kə tají, aláa jə-ndang j-adə̄sí ní, ə́hɔī gō ādī ngan̄g ō.

1 TESALONIK 3:8

Adə̄ ngɔlaā ní jə-tél jə-ndi kə kumjí gogə́, tɔdɔ̄ ī-raī ngan̄g loo ɓoo naā yāsí kə Kɔ́ɔ̄ɓēé.

GALATƏ 4:26

Banī Jerusalem kə́ dɔɔ́ i kɔ́ɔ̄ rɔ̄n, adə̄ i ni n i kó̰ó̰jí ní.

GALATƏ 3:25

Ba dan ń taā kem reē ugə̄ anī, jḭḭ̄ i gír nge kəndā kumən gíŕjí tə́ to̰ alé.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

MATIYE 23:4

Nin̄-tó̰ō̰n̄ yá̰a̰ kətō kə́ kɔȳ gə̄ tə́ndān̄ dɔ de gə̄ tə́, banī mbātə́n̄ kəla ta ngōn̄ jīdə́ nāań yá̰a̰ kətō gə̄ ní.

Makətūbə̄ ń Pol ndang adə̄ Rom gə̄ ní 7:3

Adə̄ ré taā dəngam kə́ rang dan ń ngaan ndiń kə kumneé ɓáý ní anī, ni-rāȳ i mbée, ba ré dəngam oy kɔ̄ɔ́ anī, ndū najə̄ ní i dɔn tə́ to̰ alé. Adə̄ ré taā dəngam kə́ rang anī, rāȳ i mbée alé.

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

2 KORḚNTƏ 11:20

Ré əndān̄ gúu dɔsí tə́ tītə̄ kə́ sḭḭ̄ i ɓəlo gə̄ beé, aláa əsan̄ tətōsí, aláa gólə̄n̄sí, aláa kídə̄n̄sí, aláa əndan̄ dan kumsí anī, sḭḭ̄ ī-tə́gāī tasí dɔ tə́.

Najə̄ kə́ Majə yā Jeju ń Luk ndang ní 5:38

Banī a tūrə̄n̄ kasə kə́ tām̄ ngōn̄ i kem sɔl kə́ kijə gə̄ tə́.