GALATƏ 4:5 - Bibəl ta Sar̄

⁵ yā kadə̄ ni-gāngəń dɔ ngé gə̄ ń ndin̄ i gíŕ tɔ́gə yā ndū najə̄ tə́ ní ō, rāāńjí kadə̄ jə-téliī ngáń Nə́ɓā gə̄ ō.

Bible sar

⁵ yā kadə̄ ni-gāngəń dɔ ngé gə̄ ń ndin̄ i gíŕ tɔ́gə yā *ndū najə̄ tə́ ní ō, rāāńjí kadə̄ jə-téliī ngáń Nə́ɓā gə̄ ō.

GALATƏ 4:5 Referans Kwoze

HEBƏRO 9:15

I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.

EPEJƏ 1:5

Sɔɔ̄ń táŕ kə́ kemən tə́ ní, nəkɔ́ əndā dɔjí danaá kété kadə̄ jə-téliī ngánən gə̄ kə ta kūl̄ Jeju Kərist. Ni-gḛy kadə̄ i tītə̄ ń noō, tɔdɔ̄ nelə̄n.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

HEBƏRO 9:12

Kərist udə kem loo kə́ táĺ ngá̰ý tə́ nja i kógə̄ḿ beē yā kadə̄ gír gāngəń. Mósə́ ń ni-ndējə̄ ní, i mósə bal bə̄yā̰ gə̄ aĺ ō, duĺ man̄g aĺ ō, banī i mósən nəkɔ́. I tītə̄ noō n ni-gāngəń dɔjí kə́ njɔ́ḿ gə̄ tə́ tām̄ majaĺ yājí gə̄ tə́ ní.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 8:23

Banī i nin̄ ngóy alé, tɔdɔ̄ jḭḭ kɔ́ gə̄ ń j-əngeī Ndíĺ kə́ i yá̰á̰ kə́ ta kəga dɔ kə́ Nə́ɓā adə̄jí ní, jə-to̰ō̰ī kemjí tə́ loo ngóō ta Nə́ɓā tə́ kadə̄ gān̄g dɔ dā̰ rɔ̄jí ō.

GALATƏ 4:7

Adə̄ ń toō ḭ̄ i ɓəlo to̰ aĺ tā, ba ḭ̄ i ngōn̄ Nə́ɓā. Ré ḭ̄ i ngōnən anī, ḭ̄ i nge kənge yá̰á̰ ndəbā ō.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

Makətūbə̄ ń Pol ndang adə̄ Rom gə̄ ní 9:4

Tām̄ nin̄ i ngán Israel gə̄: Nə́ɓā rāādə́ i ngánən gə̄ tə́ ō, adə̄də́ kɔsə gɔn yān ō, rāā madə̄ naā sedə́ ō, adə̄də́ ndū najə̄ yān gə̄ ō, ɔjədə́ loo rāā kəla kadə̄n ō, ənī míndən yā kadə̄də́ yá̰a̰ gə̄ ō.

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

Makətūbə̄ ń Pol ndang adə̄ Rom gə̄ ní 8:19

Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

GALATƏ 4:21

Sḭḭ̄ ń ī-gḛyiī kəla dɔsí gír ndū najə̄ tə́ ní, najə̄ ń ndū najə̄ əda ní ōōī aĺ a ə́damī.

Najə̄ kə́ Majə yā Jeju ń Luk ndang ní 1:68

Kɔ́ɔ̄ɓē ń i Nə́ɓā yā ngán Israel gə̄ ní, asə kadə̄ de gə̄ tɔ̄ȳnən̄! Tām̄ ni-əndā kumən gō gír deē yān gə̄ tə́ ba ajədə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

JEJU TEĒ KUM JA̰A̰ 14:3

Dūbūú de gə̄ ní ran̄ ta kōr̄ kāgə̄ mbang tə́ ō, no yá̰á̰ kə́ kə kumuú kə́ sɔ́ gə̄ tə́ ō, no kum kɔɔ̄ gə̄ tə́ ō, ənīnəń pā kə́ kijə. De kə́ rang kə́ asə ndóō pā ní gətóo, ba i de gə̄ kə́ 144 000 gə̄ ń gāngə̄n̄ dɔdə́ dan de kə́ dɔ nang tə́ gə̄ tə́ ní tá ngóy.

Makətūbə̄ ń Pol ndang adə̄ Rom gə̄ ní 8:14

De gə̄ malang ń i Ndíĺ Nə́ɓā n ɔjədə́ yá̰a̰ adə̄ rāān̄ ní, nin̄ i ngán Nə́ɓā gə̄.

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

Makətūbə̄ ń Pol ndang adə̄ Rom gə̄ ní 10:4

Tɔdɔ̄ loo ń ndū najə̄ a aw̄ kə de gēé kə̄ tū tə́ ní i Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.