GALATƏ 4:3 - Bibəl ta Sar̄

³ I tītə̄ ń toō tām̄ yājí tə́ ō. Tām̄ dan ń jḭḭ̄ i ngán gə̄ ɓáý ní, tɔ́gə́ kə́ dɔ nang tə́ gə̄ o̰o̰n̄ ɓē dɔjí tə́.

Bible sar

³ I tītə̄ ń toō tām̄ yājí tə́ ō. Tām̄ dan ń jḭḭ̄ i ngán gə̄ ɓáý ní, tɔ́gə́ kə́ dɔ nang tə́ gə̄ o̰o̰n̄ ɓē dɔjí tə́.

GALATƏ 4:3 Referans Kwoze

KOLOSƏ 2:20

Sḭḭ̄ i kə́ óyiī kɔ̄ɔ́ naā tə́ kə Kərist ō, gāngə̄n̄ dɔsí kɔ̄ɔ́ jī tɔ́gə́ kə́ dɔ nang tə́ gə̄ kə́ ngé ko̰ō̰ ɓē dɔ de gə̄ tə́ ō, anī i tām̄ rí tə́ á ī-rāāī tītə̄ kə́ sḭḭ̄ i de kə́ dɔ nang tə́ gə̄ ní? Tɔdɔ̄ ī-ndigiī kadə̄ əndān̄ najə̄ kə́ beē gə̄ dɔsí tə́:

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

GALATƏ 4:9

Ba ngɔlaā ī-gerī Nə́ɓā, ba kə́ rɔ̄kum tə́ tā anī, i Nə́ɓā n ger̄sí ní. Ní, i ba̰ý á ī-tél ā ī-rāāī kəla yā tɔ́gə́ kə́ dɔ nang tə́ gə̄ ń i nə́ɓā kə́ rɔ̄kum aĺ gə̄ ní? I tām̄ rí tá ī-téliī ɓəlo yādə́ gə̄ ɓáý ní?

GALATƏ 4:31

I beé ní, ngákó̰ó̰ḿ gə̄, jḭḭ̄ i ngán dəyá̰ kə́ ɓəlo alé, banī i ngán dəyá̰ kə́ ni i kɔ́ɔ̄ rɔ̄n.

KƏLA RĀĀ 15:10

Loo ń noō tə́ ní yá̰á̰ kə́ ɔy ń kaají gə̄ ō, jḭḭ̄ kɔ́ gə̄ ō, j-asiī kətō aĺ ní, ə̄ndāī dɔ ngé taā kem gə̄ tə́ ī-nāāīneé Nə́ɓā i tām̄ rí tə́?

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

JA̰A̰ 8:31

Jeju ɔr̄ najə̄ kə Jipə gə̄ ń taān̄ kemən ní, ədadə́ na: Ré ī-ngɔ̄mī najə̄ yāḿ anī, sḭḭ̄ i ngé ndóō yá̰a̰ yāḿ kə́ rɔ̄kum gə̄.

HEBƏRO 7:16

Ni i nge tun̄ yá̰á̰ kə́ kə gō ndū najə̄ yā deē alé. I ndi kə kumuú kə́ ta tɔ̄l̄ tan gətóo n adə̄n tɔ́gə́ á ni-téləń nge tun̄ yá̰á̰ ní.

GALATƏ 4:25

Tɔdɔ̄ Agar i kum gotə mbal̄ kə́ Sinai gō nang kə́ Arabə tə́. Ni i Jerusalem kə́ ngɔlaā ń toō, tɔdɔ̄ ni i ɓəlo naā tə́ kə ngánən gēé.

GALATƏ 3:19

Ré i beé anī, əndān̄ ndū najə̄ i tām̄ rí tə́? Əndān̄ ndū najə̄ dɔ kənī míndə́ tə́ i yā kadə̄ mān̄ dɔ ndū najə̄ ɔjəń rɔ̄n kə̄ ndágá, yā ngóōń ta reē ngōn̄ kaa ń kənī míndə i tām̄ yān tə́ ní. I de kə́ dɔ rā̰ tə́ gə̄ n teēn̄ kə ndū najə̄ ní, kə ta kūl̄ jī nge ra mbənā tə́ kógə̄ḿ.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

Makətūbə̄ ń Pol ndang adə̄ Rom gə̄ ní 7:14

Jə-ger̄ majə kadə̄ ndū najə̄ i yá̰á̰ yā Ndíĺ. Ba mā i de kə́ kə dā̰ rɔ̄ḿ ō, mā i ɓəlo yā majaĺ ō.

2 KORḚNTƏ 11:20

Ré əndān̄ gúu dɔsí tə́ tītə̄ kə́ sḭḭ̄ i ɓəlo gə̄ beé, aláa əsan̄ tətōsí, aláa gólə̄n̄sí, aláa kídə̄n̄sí, aláa əndan̄ dan kumsí anī, sḭḭ̄ ī-tə́gāī tasí dɔ tə́.

GALATƏ 4:2

tɔdɔ̄ ni-ndi i gíŕ tɔ́gə yā de kə́ ngé ngɔ̄mə̄n gə̄ tə́ ō, ngé ngɔ̄m̄ yá̰a̰ yān gə̄ tə́ ō, bátə́ kadə̄ ndɔ̄ ń bɔbə̄n ɔjə ní ugə̄ pá tá.

GALATƏ 4:8

Jóo dan ń ī-gerī Nə́ɓā aĺ ɓáý ní, ī-rāāī kəla ɓəlo yā ngé gə̄ ń i nə́ɓā kə́ rɔ̄kum aĺ gə̄ ní.

GALATƏ 4:24

Yá̰a̰ gə̄ ń toō i kūjə́ najə̄, tɔdɔ̄ dəyá̰ gə̄ ń noō i madə̄ naā kə́ jōó gə̄: Kógə̄ḿ i madə̄ naā kə́ mbal̄ kə́ Sinai tə́, adə̄ i Agar ń i dəyá̰ kə́ ojə deē i tām̄ yā ɓəlo tə́ ní.

HEBƏRO 5:12

Dan i ngá̰ý kɔ̄ɔ́ adə̄ majə kadə̄ sḭḭ̄ i ngé ndóō de gə̄ yá̰a̰ tā, banī ī-sāāī kadə̄ téĺ ndóōn̄sí yá̰á̰ ndóō kə́ ta kəga dɔ gə̄ kə́ tū najə̄ yā Nə́ɓā ɓáý to̰. Āwī bátə́ ī-sāāī mba yā ka̰ȳ, ba i yá̰á̰ kəsa kə́ ngan̄g yā kəsa alé.