GALATƏ 4:26 - Bibəl ta Sar̄

²⁶ Banī Jerusalem kə́ dɔɔ́ i kɔ́ɔ̄ rɔ̄n, adə̄ i ni n i kó̰ó̰jí ní.

Bible sar

²⁶ Banī Jerusalem kə́ dɔɔ́ i kɔ́ɔ̄ rɔ̄n, adə̄ i ni n i kó̰ó̰jí ní.

GALATƏ 4:26 Referans Kwoze

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

PILIPƏ 3:20

Banī jḭḭ̄ ɓáa jḭḭ̄ i de gə̄ kə́ ɓē yājí i dɔ rā̰ tə́, tá jə-ndi j-a jə-ngóōī i mbée ɓee kadə̄ nge kajəjí ń i Kɔ́ɔ̄ɓē Jeju Kərist ní, ḭḭ dɔ rā̰ tə́ reē ō.

JEJU TEĒ KUM JA̰A̰ 21:2

Anī m-á̰a̰ ɓē yā Nə́ɓā ń i Jerusalem kə́ kijə ní, ḭḭ dɔ rā̰ tə́ a risə kə̄ nang tə́. Ni-majə ngá̰ý tītə̄ dəyá̰ kə́ súū rɔ̄n tām̄ yā ngaan tə́ beē.

JEJU TEĒ KUM JA̰A̰ 3:12

Deē ń a tetə rɔ̄ɔ̄ ní, m-ā m̄-rāā kadə̄ ni a tél kāgə̄ nga dan kújə yā Nə́ɓā yāḿ. Ni a teē kɔ̄ɔ́ kemeé aĺ i kə́ bátə́ gə̄ tə́. M-ā m̄-ndang rī Nə́ɓā yāḿ dɔn tə́ ō, rī ɓē yā Nə́ɓā yāḿ ń i Jerusalem kə́ kijə kə́ ḭḭ dɔ rā̰ tə́ rɔ̄ Nə́ɓā yāḿ tə́ a risə kə̄ nang tə́ ní, m-ā m̄-ndang dɔn tə́ ō, m-ā m̄-ndang rīḿ kə́ kijə dɔn tə́ ō.

IJAI 66:10

Sḭḭ̄ ń ī-táriī ɓē kə́ Jerusalem ní, ī-rāāī rɔ̄nel̄ seneé, ādī rɔ̄nel̄ yāsí rə̄ɓā kə̄ ndágá najə̄ yān tə́. Sḭḭ̄ ń kété ə́hɔī najə̄ yá̰á̰ kə́ to kum kaȳ aĺ gə̄ kə́ teēn̄ dɔn tə́ tə́ ní, ādī rɔ̄nel̄ rāāsí kə́ kɔ̄r̄ tə́ seneé!

GALATƏ 4:22

Tɔdɔ̄ i kə́ ndang kem makətūbūú na Abəraham ojə ngáń kə́ dəngam gə̄ jōó, kógə̄ḿ i ngōn̄ dəyá̰ kə́ ɓəlo, ba kógə̄ḿ i ngōn̄ dəyá̰ kə́ kɔ́ɔ̄ rɔ̄n.

Makətūbə̄ ń Pol ndang adə̄ Rom gə̄ ní 6:18

Tá sḭḭ̄ ī-teēī ɓəlo rāā yá̰á̰ kə́ majaĺ tə́ kɔ̄ɔ́, ba ī-téliī ɓəlo rāā yá̰á̰ kə́ gōtə́. Adə̄ yá̰a̰ gə̄ ń toō i yá̰á̰ kə́ kadə̄ jə-ndadī Nə́ɓā tāmən tə́.

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.

JA̰A̰ 8:36

Ré Ngōn̄ Nə́ɓā ɔr̄sí ɓəloó anī, sḭḭ̄ i kɔ́ɔ̄ rɔ̄sí gə̄ rɔ̄kum.

IJAI 65:18

Ādī rɔ̄nel̄ yāsí ɔjə rɔ̄n kə̄ ndágá, ī-rāāī rɔ̄nel̄ kanjə̄ kəya̰ ta najə̄ yā yá̰á̰ ń m-ā m̄-rāā yā rāā tə́ ní. M-ā m̄-rāā Jerusalem kadə̄ a tél i ɓē kə́ rɔ̄nel̄ i ngá̰ý kemeé ō, m-ā m̄-rāā kadə̄ de kə́ kemeé gə̄ a télən̄ i gír de gə̄ kə́ rɔ̄nel̄ yādə́ a ɔjə rɔ̄n kə̄ ndágá.

OJEE 4:5

Ā ī-bḭ́ḭ̄ dɔ róbə́ tə́ dan kadə ndaá ō, ndɔ̄ɔ́ anī, ngé koō ta gə̄ a bḭ́ḭ̄n̄ dɔ róbə́ tə́ tītə̄ yāsí ō. M-ā m̄-rāā kadə̄ kó̰ó̰sí Israel a ndi kə tan kə́ mbóó ō.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

1 PIYER 2:16

Ī-rāāī yá̰á̰ kə́ de kə́ kɔ́ɔ̄ rɔ̄də́ gə̄ tə́. Ɓá tā ba, ī-lōōī rāā kɔ́ɔ̄ rɔ̄ yāsí ní kūbə̄ kutə̄ gidə yá̰á̰ kə́ majaĺ tə́, banī ī-rāāī yá̰á̰ kə́ de kə́ ngé kəla gə̄ yā Nə́ɓā tə́.

GALATƏ 5:1

Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.

IJAI 52:9

Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.

JEJU TEĒ KUM JA̰A̰ 17:5

Ndangən̄ rī kógə̄ḿ nɔtə non tə́. Rī ní i rī kə́ kumən to loo mundə̄ tə́. Rī ní n toó: Babilon kə́ bo ń i kó̰ó̰ ájə́ba gə̄ ō, kó̰ó̰ yá̰á̰ kə́ majaĺ ngá̰ý gə̄ kə́ dɔ nang tə́ ní ō.

GALATƏ 4:25

Tɔdɔ̄ Agar i kum gotə mbal̄ kə́ Sinai gō nang kə́ Arabə tə́. Ni i Jerusalem kə́ ngɔlaā ń toō, tɔdɔ̄ ni i ɓəlo naā tə́ kə ngánən gēé.

JEJU TEĒ KUM JA̰A̰ 12:1

Anī yá̰á̰ kə́ to kɔr kum kógə̄ḿ teē dɔ rā̰ tə́. Yá̰á̰ ní i dəyá̰ kógə̄ḿ kə́ əla mbang rɔ̄n tə́ kūbə̄ tə́, ba nāā i gír njan tə́ ō, jākā mbang kə́ i tə́yō̰ gə̄ kutə gidə i jōó i dɔn tə́ ō.