GALATƏ 4:19 - Bibəl ta Sar̄

¹⁹ Ngánə́ḿ kə́ dūú gə̄, tápə̄ ń m-ə́ngé ní, i tītə̄ yā dəyá̰ ń rāā loo kojə ngōn̄ ní, bátə́ kadə̄ Kərist əndāń rɔ̄n kemsí tə́.

Bible sar

¹⁹ Ngánə́ḿ kə́ dūú gə̄, tápə̄ ń m-ə́ngé ní, i tītə̄ yā dəyá̰ ń rāā loo kojə ngōn̄ ní, bátə́ kadə̄ *Kərist əndāń rɔ̄n kemsí tə́.

GALATƏ 4:19 Referans Kwoze

Makətūbə̄ ń Pol ndang adə̄ Rom gə̄ ní 8:29

Tɔdɔ̄ ngé gə̄ ń Nə́ɓā gə̄rādə́ kété ní, ni-gḛy rāādə́ kadə̄ a ton̄ tītə̄ Ngōnən i kété ō, yā kadə̄ Ngōnən i ngatɔ́gə́ ngákó̰o̰n kə́ ngá̰ý gə̄ ō.

EPEJƏ 4:13

bátə́ kadə̄ jḭḭ̄ malang ní taā kem yājí i kógə̄ḿ beē ō, ger̄ Ngōn̄ Nə́ɓā yājí i kógə̄ḿ beē ō. Loo ń noō tə́ ní, j-a jə-téliī de gə̄ kə́ jə-tɔgiī j-asiī naā kə Kərist ō, jə-majə j-ɔtī kə taá tītə̄n ō.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

EPEJƏ 4:24

Úniī gō hál de kə́ kijə ń Nə́ɓā əndān kadə̄ teēn ní: I de kə́ gōtə́ ō, kə́ táĺ ō, kə́ kə ta kūl̄ najə̄ kə́ rɔ̄kum.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

KOLOSƏ 3:10

Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.

PILIPƏ 2:5

Ādī háĺsí i háĺ Jeju Kərist.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

PILEMO̰ 1:10

m̄-rāāī ɓɔ́ tām̄ yā ngōnə̄ḿ Onejim ń m-ójən kə súlú jīḿ tə́ ní.

KOLOSƏ 1:27

Tɔdɔ̄ Nə́ɓā gḛy kɔjədə́ najə̄ yā yá̰á̰ kə́ to kɔsə gɔn kə́ to loo mundə̄ tə́ ń ni-rāā kə ta kūl̄ Kərist tām̄ yājí tə́ ní, kadə̄ gerə̄n̄. Dan de gə̄ ń nin̄ i Jipə aĺ gə̄ tə́ ní, yá̰á̰ kə́ to loo mundə̄ tə́ ngeé ń toō i Kərist. J-əndāī kemjí dɔ kɔsə gɔn yā Nə́ɓā tə́ i kə ta kūl̄neé.

KOLOSƏ 2:1

Tɔdɔ̄ m̄-gḛy kadə̄ ī-gerī gō rɔ̄ɔ̄ kə́ ngan̄g ngá̰ý ń m̄-ra ta tə́ m-ā m̄-rɔ̄ɔ̄ tām̄ yāsí tə́ ō, tām̄ yā de kə́ rang gə̄ ń a̰a̰mə̄n̄ aĺ tə́ ō ní.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

PILIPƏ 1:8

m̄-táŕsí malang kə ta kūl̄ tár yā Jeju Kərist. Nge ń noō ní Nə́ɓā i de kə́ kum tə́ yāḿ loon tə́.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

1 JA̰A̰ 5:21

Ngánə́ḿ kə́ dūú gə̄, ī-ngɔ̄mī rɔ̄sí najə̄ yā ɓesə̄ gə̄ tə́.

1 JA̰A̰ 2:12

Ngánə́ḿ gə̄, m̄-ndang makətūbə̄ m-ādə̄sí yā kədańsí na majaĺ yāsí gə̄ i kə́ mā̰ȳ rɔ̄ dɔ tə́ kɔ̄ɔ́ kə ta kūl̄ rī Jeju ń ī-taāī kemən ní.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

TITƏ 1:4

m̄-ndang makətūbə̄ ń toō m-ə́lań m-ādə̄ i ḭ̄ Titə, ngōnə̄ḿ kə́ rɔ̄kum sɔɔ̄ń taā kem kə́ kógə̄ḿ beē kə́ j-əga naā dɔ tə́. Ādə̄ Bɔbə̄jí Nə́ɓā nin̄ kə Jeju Kərist nge kajəjí, rāān̄ kem majə seí ō, sɔlə̄n̄ kemií ō.

PILEMO̰ 1:19

Mā Pol m̄-ndang najə̄ ń toō kə jīḿ mə̄kɔ́ na m-ā m-ə̄gā kə̄rā ní. M-ə́da i najə̄ kə̄rā yāḿ mā kə́ dɔí tə́ alé.

1 TIMOTE 1:2

n m-ə́la kə makətūbə̄ ń toō m-ādī ḭ̄ Timote ní. Ḭ̄ i ngōnə̄ḿ kə́ rɔ̄kum, tɔdɔ̄ i mā n m̄-rāā adə̄ ī-taā kem ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Kərist Jeju rāān̄ kem majə seí ō, a̰a̰n̄ kum tō ndoō yāí ō, sɔlə̄n̄ kemií ō.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

2 KORḚNTƏ 12:14

m̄-ndi dɔ rɔ̄ḿ tə́ kɔ̄ɔ́ yā kadə̄ m-āw̄ loosí nja kə́ nge ko̰ mətá, banī m-ā m-ɔ̄ȳsí alé. Tām̄ yá̰á̰ ń m̄-sāā ní, i yá̰a̰ kənge yāsí alé, ba i ngarān̄g kumsí sḭḭ̄ kɔ́ gə̄. Tɔdɔ̄ i ngán gə̄ n a kánə̄n̄ yá̰a̰ kənge kə̄ dɔ naā tə́ tām̄ yā ngé kojədə́ gə̄ tə́ ní alé, banī i ngé kojə ngán gə̄ n a kánə̄n̄ yá̰a̰ kənge kə̄ dɔ naā tə́ tām̄ yā ngáńdə́ gə̄ tə́ ní.

1 TESALONIK 2:7

Mandang ɓáa j-asə kɔȳsí kə́ loo ngámbang kəla yā Kərist gə̄ tə́ tā, banī dan ń jə-ndi sesí ní, háĺjí sɔl̄ lɔm tītə̄ kó̰ó̰ ngán gə̄ kə́ a̰a̰ gō ngánən gə̄ majə beé.

3 JA̰A̰ 1:4

Rɔ̄nel̄ yāḿ kə́ ngá̰ý i kadə̄ m-ōō na ngánə́ḿ gə̄ na njə̄rān̄ gō najə̄ kə́ rɔ̄kum tə́.