GALATƏ 4:17 - Bibəl ta Sar̄

¹⁷ Ko̰o̰ ń o̰o̰ de kə́rēý gə̄ tɔdɔ̄sí ní, i ko̰o̰ tɔdɔ̄ kə́ gō tə́ alé. Nin̄-gḛyn̄ kɔr̄sí rɔ̄ḿ tə́ kɔ̄ɔ́ i yā kadə̄ o̰o̰sí tɔdɔ̄də́.

Bible sar

¹⁷ Ko̰o̰ ń o̰o̰ de kə́rēý gə̄ tɔdɔ̄sí ní, i ko̰o̰ tɔdɔ̄ kə́ gō tə́ alé. Nin̄-gḛyn̄ kɔr̄sí rɔ̄ḿ tə́ kɔ̄ɔ́ i yā kadə̄ o̰o̰sí tɔdɔ̄də́.

GALATƏ 4:17 Referans Kwoze

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

1 KORḚNTƏ 4:8

Sḭḭ̄ ī-ndānī kɔ̄ɔ́ ɓá ō, ə́ngeī yá̰á̰ ngá̰ý kɔ̄ɔ́ ō. Sḭḭ̄ i mban̄g gə̄, banī jḭḭ i mban̄g gə̄ alé. m̄-ndigə ngá̰ý kadə̄ sḭḭ̄ ó̰o̰ī ɓē kə́ rɔ̄kum tə́, yā kadə̄ jḭḭ j-o̰o̰ń ɓē sesí ō.

Makətūbə̄ ń Pol ndang adə̄ Rom gə̄ ní 10:2

O̰o̰də́ tɔdɔ̄ Nə́ɓā ngá̰ý adə̄ mā i de kə́ kum tə́ yādə́ najə̄n tə́. Banī ko̰o̰ ń o̰o̰də́ tɔdɔ̄ Nə́ɓā ní i kanjə̄ ger̄ yá̰a̰.

MATIYE 23:15

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-njə̄rāī mbā āwī kə̄ loo gə̄ tə́ malang dɔ nang tə́ ō, kə̄ loo gə̄ tə́ malang dɔ bā bo gə̄ tə́ ō, yā sāań de kə́ kal kógə̄ḿ beē kə́ yā kadə̄ tél Jipə. Ba loo ń deē ní tél Jipə ɓá ní a, ī-rāāniī ādə̄ tél nge kudə kum hor Gehen tə́ tɔȳ yāsí sḭḭ̄ kɔ́ gə̄ nja jōó.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

PILIPƏ 2:21

Gotə de gə̄ malang a sāān̄ i yá̰á̰ kə́ tām̄ yādə́ nin̄ kɔ́ gə̄ tə́, ba i yá̰á̰ kə́ tām̄ yā Jeju Kərist tə́ alé.

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

1 KORḚNTƏ 11:2

m̄-tɔ̄ȳsí, tɔdɔ̄ tū yá̰a̰ gə̄ tə́ malang ní əga kemsí dɔḿ tə́ ō, yá̰a̰ gə̄ ń m-ɔ́jə́sí kə̄ kété ní sḭḭ̄ úniī gō ō.

1 KORḚNTƏ 4:18

De kə́rēý gə̄ dansí tə́ gírə̄n̄ kadə̄ m-ā m̄-tél yā kaw̄ loosí to̰ alé, adə̄ nin̄-ɔjən̄ rɔ̄də́ ngá̰ý.

GALATƏ 4:16

Ba ngɔlaā m̄-tél madə̄ ba̰ā̰sí i tām̄ najə̄ kə́ rɔ̄kum ń m-ə́dásí tə́ ní a?

GALATƏ 4:18

Majə kadə̄ o̰o̰sí tɔdɔ̄ yá̰á̰ kə́ majə i kə dɔ ndɔ̄ gə̄, ba kadə̄ i dan ń mā i sesí ní tá ngóy alé.