GALATƏ 4:16 - Bibəl ta Sar̄

¹⁶ Ba ngɔlaā m̄-tél madə̄ ba̰ā̰sí i tām̄ najə̄ kə́ rɔ̄kum ń m-ə́dásí tə́ ní a?

Bible sar

¹⁶ Ba ngɔlaā m̄-tél madə̄ ba̰ā̰sí i tām̄ najə̄ kə́ rɔ̄kum ń m-ə́dásí tə́ ní a?

GALATƏ 4:16 Referans Kwoze

AMOS 5:10

Nge gɔŕyɔ̄ ngé rāā sarya gə̄ ní, nel̄sí sḭḭ̄ seneé aĺ ngá̰ý ō, nge kəda najə̄ kə́ rɔ̄kum ní, nel̄sí seneé aĺ ō.

Gōsə̄ najə̄ gə̄ 9:8

Ī-lōō ndán̄g de kə́ nge kɔjə rɔ̄n na a imī. Banī ré ī-ndán̄g de kə́ nge kum kedə̄ anī ni a táriī najə̄n tə́.

GALATƏ 5:7

Ī-ngɔ̄dī kété majə, ba i náā n tél ɔgə̄sí kun gō najə̄ kə́ rɔ̄kum ní?

JA̰A̰ 8:45

Banī i tām̄ kəda ń m-ə́da najə̄ kə́ rɔ̄kum ní n sḭḭ̄ ī-taāiń kemḿ aĺ ní.

PĀ GƏ̄ 141:5

Ādə̄ de kə́ súmūú əndam̄ ō, kɔ̄l̄ seḿ ō, najə̄ yā kem majə yāí tə́! Ādə̄ yibə̄ kə́ kotə majə yā ngé kem ndul gə̄ ɔdə dɔḿ alé, ba ādə̄ m̄-ndɔ̄ȳ ngá̰ý m̄-dumə̄ń ta yá̰a̰ gə̄ ń ngé kem ndul gə̄ a rāān̄ ní.

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

GALATƏ 2:5

Ba jḭḭ j-adə̄də́ kum mbang kógə̄ḿ gə̄gē aĺ bátə́, yā kadə̄ rɔ̄kum yā Najə̄ kə́ Majə toń gotoó beē tām̄ yāsí tə́.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

GALATƏ 2:14

Ba dan ń m-á̰a̰ kadə̄ háĺdə́ i súmūú aĺ ō, ndetə yá̰á̰ kə́ rɔ̄kum yā Najə̄ kə́ Majə aĺ ō anī, m-ə́da Piyer ta kum de gə̄ tə́ malang na: Ḭ̄ ń i Jipə ní, ī-rāā hál deē ń ni i Jipə aĺ ní anī, loo kadə̄ ɔ́sə kə de gə̄ ń nin̄ i Jipə aĺ gə̄ ní ta rāā háĺ yā Jipə gə̄ i ba̰ý?

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

1 MBAN̄G GƏ̄ 22:27

ba ə́dádə́ na: Mban̄g əda na kə ənīn̄ deē ń toō dəngáyá ba kə a̰a̰n̄ gōn kə mápá kə́ sḛ́ý beē ō, kə man̄ kə́ sḛ́ý beē ō, bátə́ kadə̄ n-téləń ta rɔ̄ɔ̄ tə́ kə lápə́ya.

GALATƏ 4:15

Dan ngeé ń noō tə́ ní, rɔ̄sí nel̄sí ngá̰ý. Ba ngɔlaā ní, ta rɔ̄nel̄ yāsí ní tḭ̄ḭ̄ i rá? M-ə́dásí najə̄ kə́ rɔ̄kum, dan ngeé ń noō tə́ ní, ré ásiī i kɔr̄ kumsí kadə̄m̄ anī, ā ɔ̄rī.

GALATƏ 4:17

Ko̰o̰ ń o̰o̰ de kə́rēý gə̄ tɔdɔ̄sí ní, i ko̰o̰ tɔdɔ̄ kə́ gō tə́ alé. Nin̄-gḛyn̄ kɔr̄sí rɔ̄ḿ tə́ kɔ̄ɔ́ i yā kadə̄ o̰o̰sí tɔdɔ̄də́.