GALATƏ 4:14 - Bibəl ta Sar̄

¹⁴ Mo̰y ń rāām̄ ní nə́ngētə́ gēé, sḭḭ̄ ā ī-kídə̄mī ō, ā ī-mbātə́mī ō, najə̄n tə́. Ba sḭḭ̄ ī-rāāī nge ń noō alé, ba ə́hɔmī kə̄ rɔ̄sí tə́ tītə̄ de kə́ dɔ rā̰ tə́ yā Nə́ɓā ō, tītə̄ Kərist Jeju ō.

Bible sar

¹⁴ Mo̰y ń rāām̄ ní nə́ngētə́ gēé, sḭḭ̄ ā ī-kídə̄mī ō, ā ī-mbātə́mī ō, najə̄n tə́. Ba sḭḭ̄ ī-rāāī nge ń noō alé, ba ə́hɔmī kə̄ rɔ̄sí tə́ tītə̄ *de kə́ dɔ rā̰ tə́ yā Nə́ɓā ō, tītə̄ *Kərist Jeju ō.

GALATƏ 4:14 Referans Kwoze

MATIYE 10:40

Deē ń əhɔsí kə̄ rɔ̄n tə́ anī əhɔm̄ i mā kə̄ rɔ̄n tə́. Ba deē ń əhɔm̄ kə̄ rɔ̄n tə́ ní əhɔ i nge ń əlam̄ ní kə̄ rɔ̄n tə́.

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.

HEBƏRO 13:2

Ādī dɔsí ndígə̄nal dɔ rāā mbā tə́ alé. Tɔdɔ̄ loo rāā mbā tə́ ní, de kə́rēý gə̄ rāān̄ de kə́ dɔ rā̰ tə́ gə̄ mbā kanjə̄ kadə̄ ger̄ gō.

2 KORḚNTƏ 5:20

I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.

MALASI 2:7

A̰á̰ā̰, kəla yā nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

2 SAMUEL 19:27

Anī ni-tél əda mban̄g na: Kɔ́ɔ̄ ɓē gə̄, i nge kəla yāḿ n gólə̄m̄ ní. Tɔdɔ̄ m̄-gír̄ kənī yá̰a̰ gidə kó̰o̰ kərō yāḿ tə́ ba kal̄ ndi dɔ tə́ tá dānəń mban̄g tām̄ mā i de kə́ nge nja lígə̄rī.

2 SAMUEL 14:17

Mā nge kəla yāí kə́ dəyá̰ m̄-gír̄ kemḿ tə́ m-ə́da na yá̰á̰ ń ā ə́dá ní a rāā kadə̄ ndíl de gə̄ a tél yā reē rɔ̄də́ tə́ gogə́. Tɔdɔ̄ mban̄g i tītə̄ de kə́ dɔ rā̰ tə́ yā Nə́ɓā beé. Yá̰á̰ kə́ majanī a̰a̰ ger̄ ō, yá̰á̰ kə́ majanī a̰a̰ ger̄ ō. Beé ní ādə̄ Kɔ́ɔ̄ɓē yāí i seí naā té.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

GALATƏ 4:13

Sḭḭ̄ ī-gerī majə kadə̄ i tām̄ yā mo̰y kə́ rāām̄ tə́ n m-ɔ́jəńsí Najə̄ kə́ Majə kété ní.

1 KORḚNTƏ 4:10

Jḭḭ i mbóo de gə̄ tām̄ yā Kərist tə́, ba sḭḭ̄ i ngé kum kedə̄ gə̄ kə gō ɓoo naā yāsí kə Kərist tə́. Jḭḭ i de kə́ ngan̄g aĺ gə̄, ba sḭḭ̄ i de kə́ ngan̄g gə̄. De gə̄ rɔȳn̄sí sḭḭ̄, ba kídə̄n̄jí jḭḭ!

1 KORḚNTƏ 1:28

gə̄rā i yá̰á̰ kə́ ngár̄ aĺ bátə́ ta kum de gə̄ tə́ ō, yá̰á̰ kə́ de gə̄ kídə̄n̄ kɔ̄ɔ́ ō, kə́ de gə̄ rāān̄ i yá̰á̰ aĺ bátə́ tə́ ō n i yā nujəń yá̰á̰ kə́ to yá̰a̰ ta kum de gə̄ tə́ ní.

JA̰A̰ 13:20

Ādə̄ m-ə́dásí najə̄ kə́ bo ngá̰ý, deē ń əhɔ deē ń m-ə́lan ní kə̄ rɔ̄n tə́ ní, əhɔm̄ i mā nəkɔ́ kə̄ rɔ̄n anī. Ba deē ń əhɔm̄ kə̄ rɔ̄n tə́ ní, əhɔ i nge ń əlam̄ ní kə̄ rɔ̄n tə́.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

MATIYE 18:5

Ba deē ń əhɔ ngōn̄ kə́ tītə̄ nge ń toō kə̄ rɔ̄n tə́ najə̄ yāḿ tə́ ní, əhɔm̄ i mā nəkɔ́ kə̄ rɔ̄n tə́.

KOHELET 9:16

Tā anī mā m-ə́da na kum kedə̄ i só tə́ tɔȳ tɔ́gə deē. Banī de gə̄ kídə̄n̄ kum kedə̄ yā nge ndoō ō, deē oō yā n aĺ ō.

PĀ GƏ̄ 119:141

Mā i de kə́ m̄-dūú ō, kídə̄mə̄n̄ ō, banī dɔḿ ndígə̄nal yá̰a̰ gə̄ ń ī-ra kə de gēé ta rāā ní alé.

Makətūbə̄ yā Job 12:5

Najə̄ kɔr̄ ngé gə̄ ń yādə́ i só tə́ ní n toó: Yá̰á̰ kə́ yā rāā kə de kə́ nge rɔ̄ tō ndoō i kídə̄n! Najə̄ ń a ədan̄ ngé gə̄ ń njadə́ əhɔ nang to̰ aĺ ní n noó.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

GALATƏ 4:15

Dan ngeé ń noō tə́ ní, rɔ̄sí nel̄sí ngá̰ý. Ba ngɔlaā ní, ta rɔ̄nel̄ yāsí ní tḭ̄ḭ̄ i rá? M-ə́dásí najə̄ kə́ rɔ̄kum, dan ngeé ń noō tə́ ní, ré ásiī i kɔr̄ kumsí kadə̄m̄ anī, ā ɔ̄rī.