GALATƏ 4:12 - Bibəl ta Sar̄

¹² Ngákó̰ó̰ḿ gə̄, m̄-rāāsí ɓɔ́ kadə̄ ī-tél ī-toī tītə̄ḿ mā, tɔdɔ̄ mā m̄-tél m̄-to tītə̄sí ō. Sḭḭ̄ ī-rāāī yá̰á̰ kógə̄ḿ kə́ gō tə́ aĺ seḿ alé.

Bible sar

¹² Ngákó̰ó̰ḿ gə̄, m̄-rāāsí ɓɔ́ kadə̄ ī-tél ī-toī tītə̄ḿ mā, tɔdɔ̄ mā m̄-tél m̄-to tītə̄sí ō. Sḭḭ̄ ī-rāāī yá̰á̰ kógə̄ḿ kə́ gō tə́ aĺ seḿ alé.

GALATƏ 4:12 Referans Kwoze

2 KORḚNTƏ 2:5

Ré deē kógə̄ḿ rāā yá̰á̰ kə́ to rɔ̄nel̄ aĺ anī, i mā n ni-rāām̄ adə̄ rɔ̄ḿ nelə̄m̄ aĺ ní alé, banī i sḭḭ̄ malang. Ré i yā kəda kə́ rɔ̄kum tə́ anī i sḭḭ̄ malang alé, ba i ngé kə́rēý gə̄ dɔ dáńsí tə́.

1 MBAN̄G GƏ̄ 22:4

Mban̄g kə́ Israel dəje Josapat na ké a aw̄ yā rɔ̄ɔ̄ Aram gə̄ dɔ ɓē kə́ Ramot kə́ Galaad tə́ seneé wa. Anī Josapat tél ədan na n-a n-aw̄ seneé, ré yá̰a̰ rāān a, na rāān na i ni ō, ré yá̰a̰ rāā deē yān gə̄ a, na rāā na i deē yān ni gə̄ ō, ré yá̰a̰ rāā sə́nda yān gə̄ a, na rāā na i sə́nda yān ni gə̄ ō.

TA KƏLA 34:15

J-a jə-ndigə gōsí tə́ i loo ń dəngam yāsí gə̄ a əjan̄ mɔtədə́ malang tītə̄ yājí ní.

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.

GALATƏ 2:14

Ba dan ń m-á̰a̰ kadə̄ háĺdə́ i súmūú aĺ ō, ndetə yá̰á̰ kə́ rɔ̄kum yā Najə̄ kə́ Majə aĺ ō anī, m-ə́da Piyer ta kum de gə̄ tə́ malang na: Ḭ̄ ń i Jipə ní, ī-rāā hál deē ń ni i Jipə aĺ ní anī, loo kadə̄ ɔ́sə kə de gə̄ ń nin̄ i Jipə aĺ gə̄ ní ta rāā háĺ yā Jipə gə̄ i ba̰ý?

2 KORḚNTƏ 6:13

Adə̄ m-ɔ̄r̄ najə̄ sesí i kə́ ngánə́ḿ gə̄ tə́: Yá̰á̰ ń jə-rāā sesí ní ī-tél ī-rāāī sejí kum gotə, ī-teēī kemsí ngá̰ý ādījí!

KƏLA RĀĀ 21:21

Ədan̄də́ na yá̰á̰ ń ḭ̄ ī-ndóō de gə̄ ní, na a rāā kadə̄ Jipə gə̄ malang ń ndin̄ dan nápar de kə́ rang gə̄ tə́ ní tūrə̄n̄ gidədə́ kɔ̄ɔ́ ta ndū najə̄ yā Moijə tə́ ō, lōōn̄ gír kəja mɔtə ngáńdə́ gə̄ tə́ ō, lōōn̄ gír kun gō yá̰a̰ kāgə̄ ɓē yā Jipə gə̄ tə́ ō.

GALATƏ 6:18

Ngákó̰ó̰ḿ gə̄, ādə̄ Kɔ́ɔ̄ɓē yājí Jeju Kərist rāā kem majə sesí. Adə̄ i tītə̄ ń noō.

2 KORḚNTƏ 6:11

Sḭḭ̄ Korḛntə gə̄, jə-mundə̄sí yá̰á̰ kógə̄ḿ alé, j-ɔr̄ najə̄ sesí i wáńg. Jə-tḛḛ̄ kemjí ngá̰ý j-adə̄sí.

GALATƏ 4:11

Kəla ń m̄-rāā tām̄ yāsí tə́ ní, m̄-ɓōĺ najə̄ kadə̄ i kəla kə́ ndāńg karī.

GALATƏ 4:13

Sḭḭ̄ ī-gerī majə kadə̄ i tām̄ yā mo̰y kə́ rāām̄ tə́ n m-ɔ́jəńsí Najə̄ kə́ Majə kété ní.