GALATƏ 4:11 - Bibəl ta Sar̄

¹¹ Kəla ń m̄-rāā tām̄ yāsí tə́ ní, m̄-ɓōĺ najə̄ kadə̄ i kəla kə́ ndāńg karī.

Bible sar

¹¹ Kəla ń m̄-rāā tām̄ yāsí tə́ ní, m̄-ɓōĺ najə̄ kadə̄ i kəla kə́ ndāńg karī.

GALATƏ 4:11 Referans Kwoze

1 TESALONIK 3:5

I tām̄ ń toō tə́ n m-ásə́ tə́gā taḿ to̰ alé, adə̄ m-ə́la Timote kadə̄ oō najə̄ kə́ dɔ taā kem yāsí tə́ ní. m̄-ɓōĺ kadə̄ Nge Nāā de gə̄ nāāsí, yā kadə̄ j-ɔr sesí i ndāńg karī.

GALATƏ 2:2

Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.

2 JA̰A̰ 1:8

Ə̄ndāī kum kedə̄ dɔ rɔ̄sí sḭḭ̄ kɔ́ gə̄ tə́, na sōgə́ ī-tḭ̄ḭ̄ ta yá̰á̰ ń jə-rāā á teē yá̰á̰ ní, yā kadə̄ ə́ngeīneé kəgā yāsí kə taá malang.

PILIPƏ 2:16

kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.

GALATƏ 4:20

Kum mbang ń toō tə́ ní, m̄-ndə̄ngā ngá̰ý kadə̄ mā i dansí tə́, kadə̄ m-ɔ̄r̄ najə̄ kə gōó kadə̄ udə dɔsí tə́, tɔdɔ̄ kemḿ rāām̄ najə̄ yāsí tə́.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

KƏLA RĀĀ 16:6

Pol nin̄ kə Silas əndan̄ nang kə́ Pəriji ō kə́ Galasi ō gāngə̄n̄, tɔdɔ̄ Ndíĺ kə́ Táĺ ɔgə̄də́ kɔjə najə̄ dɔ nang kə́ Aji tə́.

IJAI 49:4

Mā m̄-gír̄ m-ə́da na: M-á̰á̰ tápə̄ i ndāńg karī, m-ɔ́r i kanjə̄ kumən, teēm̄ yá̰á̰ tə́ alé. Ɓá tā ba Kɔ́ɔ̄ɓē a gān̄g sarya yāḿ kə gōó, ni ngɔ̄m̄ yá̰a̰ kəndā nja yāḿ.

GALATƏ 4:10

Sḭḭ̄ ə̄ndāī kumsí majə gír ndɔ̄ gə̄ tə́ ō, nāā gə̄ tə́ ō, ɓar gə̄ kə ɓāl̄ gə̄ tə́ ō, ī-rɔyīneédə́.

GALATƏ 4:12

Ngákó̰ó̰ḿ gə̄, m̄-rāāsí ɓɔ́ kadə̄ ī-tél ī-toī tītə̄ḿ mā, tɔdɔ̄ mā m̄-tél m̄-to tītə̄sí ō. Sḭḭ̄ ī-rāāī yá̰á̰ kógə̄ḿ kə́ gō tə́ aĺ seḿ alé.