GALATƏ 3:24 - Bibəl ta Sar̄

²⁴ Adə̄ ndū najə̄ əndā kumən gíŕjí tə́ bátə́ kadə̄ dan ń Kərist reē ugə̄ anī, jə-taāī kemən yā téləń de kə́ súmūú gə̄.

Bible sar

²⁴ Adə̄ ndū najə̄ əndā kumən gíŕjí tə́ bátə́ kadə̄ dan ń Kərist reē ugə̄ anī, jə-taāī kemən yā téləń de kə́ súmūú gə̄.

GALATƏ 3:24 Referans Kwoze

Makətūbə̄ ń Pol ndang adə̄ Rom gə̄ ní 10:4

Tɔdɔ̄ loo ń ndū najə̄ a aw̄ kə de gēé kə̄ tū tə́ ní i Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.

GALATƏ 2:16

Ɓá tā ba jə-gerī kadə̄ yá̰á̰ ń rāā adə̄ deē tél de kə́ súmūú ta kum Nə́ɓā tə́ ní, i ngɔ̄m̄ ndū najə̄ gə̄ alé, ba i kadə̄ deē taā kem Jeju Kərist. Adə̄ jḭḭ̄, jə-taāī kem Kərist Jeju ō, yā kadə̄ gerə̄n̄neé kadə̄ jḭḭ̄ i de kə́ súmūú gə̄ sɔɔ̄ń taā kə́ jə-taāī kem Kərist, banī i sɔɔ̄ń ngɔ̄m̄ kə́ jə-ngɔ̄mī ndū najə̄ gə̄ alé. Tɔdɔ̄ de kə́ kadə̄ Nə́ɓā rāān de kə́ súmūú tə́, sɔɔ̄ń ngɔ̄m̄ kə́ kɔ́ɔ̄ ngɔ̄m̄ ndū najə̄ ní, gətóo.

KOLOSƏ 2:17

Yá̰a̰ gə̄ ń noō malang i ndíĺ yá̰á̰ ń kadə̄ a reē ɓáý ní, ba ngarān̄g kum yá̰á̰ i Kərist.

GALATƏ 2:19

Tɔdɔ̄ mā i de kə́ m-óy kɔ̄ɔ́ kə gō ndū najá. Ba koy ń m-óý ní, i ndū najə̄ nəkɔ́ n tɔ̄lə̄m̄ yā kadə̄ m̄-ndi kə kumḿ tām̄ yā Nə́ɓā tə́ ní. Mā i de kə́ əndamə̄n̄ kə máyá̰ tū kāgə̄ kə́ dēsə́ tə́ naā tə́ kə Kərist kɔ̄ɔ́.

GALATƏ 3:25

Ba dan ń taā kem reē ugə̄ anī, jḭḭ̄ i gír nge kəndā kumən gíŕjí tə́ to̰ alé.

1 KORḚNTƏ 4:15

Tɔdɔ̄ ká ré ngolsí gə̄ kə́ ngé ndóōsí loo njə̄rā kə Kərist gə̄ i dūbú kutə gə̄gē anī, bɔbə̄sí kə́ ta yā Kərist tə́ i kal kógə̄ḿ beē ngóy. Tām̄ najə̄ kə́ dɔ ndisí tə́ kə Jeju Kərist ní, i mā n i bɔbə̄sí loon tə́ kə ta kūl̄ kɔjəsí Najə̄ kə́ Majə ní.

Makətūbə̄ ń Pol ndang adə̄ Rom gə̄ ní 9:30

I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.