GALATƏ 3:22 - Bibəl ta Sar̄

²² Ba i tītə̄ ń noō alé, tām̄ makətūbə̄ yā Nə́ɓā əla dɔ yá̰a̰ gə̄ malang kə́ dɔ nang tə́ gíŕ tɔ́gə yā majaĺ tə́, yā kadə̄ Nə́ɓā adə̄ń ngé taā kem gə̄ yá̰á̰ ń ni-ənī míndən yā kadə̄ ngé taā kem Jeju Kərist gə̄ ní.

Bible sar

²² Ba i tītə̄ ń noō alé, tām̄ makətūbə̄ yā Nə́ɓā əla dɔ yá̰a̰ gə̄ malang kə́ dɔ nang tə́ gíŕ tɔ́gə yā majaĺ tə́, yā kadə̄ Nə́ɓā adə̄ń ngé taā kem gə̄ yá̰á̰ ń ni-ənī míndən yā kadə̄ ngé taā kem Jeju *Kərist gə̄ ní.

GALATƏ 3:22 Referans Kwoze

Makətūbə̄ ń Pol ndang adə̄ Rom gə̄ ní 11:32

Tɔdɔ̄ Nə́ɓā utə̄ de gə̄ malang i kem mbātə́ koō tan tə́ tə́, yā kadə̄ kumən o̰o̰nəń sedə́ malang.

HEBƏRO 9:15

I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.

GALATƏ 3:23

Kété tá kadə̄ taā kem reē ní, ndū najə̄ əhɔjí dəngáý bátə́ kadə̄ teēn̄ kumjí dɔ taā kem tə́.

1 JA̰A̰ 2:25

Ba míndən ń ənī adə̄jí ní, i kadə̄jí ndi kə kumuú kə́ ngándáńg.

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

PĀ GƏ̄ 143:2

Mā i nge kəla yāí adə̄ ī-lōō rāā sarya seḿ, tɔdɔ̄ de kə́ súmūú ta kumií tə́ gətóo.

2 PIYER 3:13

Tá jə-ndi j-a jə-ngóōī i yá̰á̰ ń ni-ənī míndən najə̄n tə́ ní, adə̄ i dɔ rā̰ kə́ kijə ō, dɔ nang kə́ kijə ō ń yá̰á̰ kə́ gōtə́ a to tū tə́ ní.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.

2 TIMOTE 1:1

I mā Pol ń i ngōmbang kəla yā Kərist Jeju kə́ kə gō kem ndigə yā Nə́ɓāá ní. Əndān̄ kəla kɔjə najə̄ kə́ dɔ ndi kə kumuú ń Nə́ɓā ənī míndən yā kadə̄jí ní dɔḿ tə́. J-əngeī ndi kə kumuú ngeé ń toō i kə ta kūl̄ ɓoojí naā kə Kərist Jeju.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

Makətūbə̄ ń Pol ndang adə̄ Rom gə̄ ní 10:9

Ré ə́da taí tə́ na Jeju i Kɔ́ɔ̄ɓē ō, ré ī-taā kem mámák kadə̄ Nə́ɓā ndólə̄n̄ dan de kə́ koy gə̄ tə́ ō anī, ā ájə.

Makətūbə̄ ń Pol ndang adə̄ Rom gə̄ ní 5:12

I de kə́ kal kógə̄ḿ beē n rāā adə̄ majaĺ reē dɔ nang tə́ ní, ba majaĺ reē kə yoó, adə̄ de gə̄ malang oyn̄, tɔdɔ̄ nin̄ malang rāān̄ majaĺ.

Makətūbə̄ ń Pol ndang adə̄ Rom gə̄ ní 3:23

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní.

KƏLA RĀĀ 16:31

Anī nin̄-tél ədanən̄ na: Ī-taā kem Kɔ́ɔ̄ɓē Jeju, anī ā ájiī sḭḭ̄ kə ngééí gēé.

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

GALATƏ 3:17

Najə̄ ń m-ə́dá ní n toó: Kété ní Nə́ɓā ənī míndən ba ɔjə yá̰a̰ gə̄ kə́ dɔ tə́ kə́ yā rāā. Ɓāl̄ ɓú sɔ́ kə kutə mə́ta gō tə́ anī, ndū najə̄ reē yān. Ba ndū najə̄ ní asə nujə ndū Nə́ɓā ń ənī ní alé. Ré i beé aĺ anī ndū Nə́ɓā ń ənī ní i yá̰á̰ kə́ kanjə̄ kumən.

GALATƏ 3:14

Nge ń noō i yā kadə̄ tɔ́r̄ ta yā Abəraham reēń dɔ de gə̄ ń nin̄ i Jipə aĺ gə̄ ní tə́ kə ta kūl̄ Jeju Kərist ō, yā kadə̄ j-əngeīń Ndíĺ ń Nə́ɓā ənī míndən yā kadə̄ ní kə ta kūl̄ taā kem ō.

MARK 16:16

Deē ń a taā kem ō, a rāānən̄ batém ō ní, a ajə. Deē ń a taā kem aĺ ní, a gāngə̄n̄ sarya dɔn tə́.

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.