GALATƏ 3:21 - Bibəl ta Sar̄

²¹ I beé tā ní, ndū najə̄ a ɔgə̄ kənge yá̰á̰ ń Nə́ɓā ənī míndən najə̄n tə́ ní a? Sḛ́ý aĺ bátə́. Tɔdɔ̄ nə́ngētə́ adə̄n̄jí ndū najə̄ kə́ asə kadə̄ de gə̄ əngen̄ kajə tū tə́ anī, ndū najə̄ a rāā kadə̄ de gə̄ télən̄ de kə́ gōtə́ gə̄ rɔ̄kum.

Bible sar

²¹ I beé tā ní, *ndū najə̄ a ɔgə̄ kənge yá̰á̰ ń Nə́ɓā ənī míndən najə̄n tə́ ní a? Sḛ́ý aĺ bátə́. Tɔdɔ̄ nə́ngētə́ adə̄n̄jí ndū najə̄ kə́ asə kadə̄ de gə̄ əngen̄ kajə tū tə́ anī, ndū najə̄ a rāā kadə̄ de gə̄ télən̄ de kə́ gōtə́ gə̄ rɔ̄kum.

GALATƏ 3:21 Referans Kwoze

GALATƏ 2:21

Mā m̄-rāā rajə ń Nə́ɓā rajəm̄ ní i yá̰á̰ kə́ ndāńg karī tə́ alé. Tɔdɔ̄ ré deē a tél de kə́ gōtə́ i kə ta kūl̄ rāā yá̰á̰ ń ndū najə̄ əda ní anī, Kərist oy i yo kə́ ndāńg karī.

Makətūbə̄ ń Pol ndang adə̄ Rom gə̄ ní 9:31

Banī ngán Israel gə̄ ń a sāān̄ ndū najə̄ kə́ yā rāā sedə́ kadə̄ kə n-télən̄ de kə́ gōtə́ gə̄ ta kum Nə́ɓā tə́ ní, mānə̄n̄ dɔ ndū najə̄ ní kɔ̄ɔ́.

GALATƏ 2:19

Tɔdɔ̄ mā i de kə́ m-óy kɔ̄ɔ́ kə gō ndū najá. Ba koy ń m-óý ní, i ndū najə̄ nəkɔ́ n tɔ̄lə̄m̄ yā kadə̄ m̄-ndi kə kumḿ tām̄ yā Nə́ɓā tə́ ní. Mā i de kə́ əndamə̄n̄ kə máyá̰ tū kāgə̄ kə́ dēsə́ tə́ naā tə́ kə Kərist kɔ̄ɔ́.

GALATƏ 2:17

Ba ré dan ń jə-sāāī kadə̄ rāān̄jí de kə́ súmūú gə̄ tə́ kə ta kūl̄ Kərist ní, reē teēn̄ dɔ tə́ kadə̄ jḭḭ̄ i ngé rāā majaĺ gə̄ ō anī, kumən na Kərist i nge rāā majaĺ ō a? I beé alé!

Makətūbə̄ ń Pol ndang adə̄ Rom gə̄ ní 3:31

A ń noō ní, kadə̄ taā ń taān̄ kem ní rāā kadə̄ ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

Makətūbə̄ ń Pol ndang adə̄ Rom gə̄ ní 3:4

I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na: Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́, adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́.

Makətūbə̄ ń Pol ndang adə̄ Rom gə̄ ní 3:6

Ba i tītə̄ ń noō alé, tɔdɔ̄ ré i tītə̄ ń noō anī, loo kadə̄ Nə́ɓā a gān̄g sarya dɔ de kə́ dɔ nang tə́ gə̄ tə́ i ba̰ý?

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

Najə̄ kə́ Majə yā Jeju ń Luk ndang ní 20:16

Ni a reē yā tɔ̄l̄ ngé ndɔr̄ gə̄ ní, ba a əndā de kə́ rang gə̄ ta kāgə̄ nduú yān tə́. Dan ń nin̄-oōn̄ tītə̄ ń noō anī, ədan̄ na: Ādə̄ yá̰á̰ kə́ tītə̄ ń noō rāā yá̰a̰ aĺ ɓɔ́ nəkɔ́ tá.

2 KORḚNTƏ 3:7

Kété ní ndangən̄ ndū najə̄ i dɔ bar mbal̄ gə̄ tə́ ō, kɔsə gɔn yā Nə́ɓā ndə́lē ngá̰ý dan ngeé ń noō tə́ ō. Ta kum Moijə ndə́lē ngá̰ý ō, adə̄ ngán Israel gə̄ asən̄ kəndā kumdə́ ta yān tə́ alé. Tá kɔsə gɔn ní, i kɔsə gɔn kə́ a to ta kum Moijə tə́ i ngándáńg alé. Ré ndū najə̄ ń kəla rāān i kaw̄ kə deé kəlan ta yo tə́ ní, reē i kə kɔsə gɔn kə́ asə naā beé anī,

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.

HEBƏRO 7:18

Nujən̄ loo rāā yá̰á̰ kə́ jóó kɔ̄ɔ́ i tītə̄ ń noō, tɔdɔ̄ tɔ́gən gətóo ō, to rāań kəla aĺ ō.

HEBƏRO 7:19

Tɔdɔ̄ yá̰á̰ kə́ ndū najə̄ yā Moijə rāā adə̄ reē majə ɔtə̄ kə́ taá beé gətóo. Banī adə̄n̄jí kəndā kem dɔ tə́ kə́ majə tɔȳ kə́ kété. Adə̄ jə-ndɔ́tī ngɔr kə̄ rɔ̄ Nə́ɓā tə́, i kə ta kūl̄ kəndā kem dɔ tə́ ngeé ń toō.