GALATƏ 3:17 - Bibəl ta Sar̄

¹⁷ Najə̄ ń m-ə́dá ní n toó: Kété ní Nə́ɓā ənī míndən ba ɔjə yá̰a̰ gə̄ kə́ dɔ tə́ kə́ yā rāā. Ɓāl̄ ɓú sɔ́ kə kutə mə́ta gō tə́ anī, ndū najə̄ reē yān. Ba ndū najə̄ ní asə nujə ndū Nə́ɓā ń ənī ní alé. Ré i beé aĺ anī ndū Nə́ɓā ń ənī ní i yá̰á̰ kə́ kanjə̄ kumən.

Bible sar

¹⁷ Najə̄ ń m-ə́dá ní n toó: Kété ní Nə́ɓā ənī míndən ba ɔjə yá̰a̰ gə̄ kə́ dɔ tə́ kə́ yā rāā. Ɓāl̄ ɓú sɔ́ kə kutə mə́ta gō tə́ anī, *ndū najə̄ reē yān. Ba ndū najə̄ ní asə nujə ndū Nə́ɓā ń ənī ní alé. Ré i beé aĺ anī ndū Nə́ɓā ń ənī ní i yá̰á̰ kə́ kanjə̄ kumən.

GALATƏ 3:17 Referans Kwoze

TA KƏLA 15:13

Kɔ́ɔ̄ɓē ədan na: Majə kadə̄ ī-ger̄ yá̰á̰ ń toō kə gōó: Ngán kaaí gə̄ a ndin̄ dɔ nang kə́ i dɔ nang yādə́ aĺ tə́. A rāān̄də́ ɓəlo tə́ ō, a rāān̄ kumdə́ ndoō tə́ ō, ɓāl̄ ɓú sɔ́.

2 KORḚNTƏ 1:20

tɔdɔ̄ ni i a̰á̰ā̰ ń ɔjə kadə̄ kənī míndə gə̄ malang yā Nə́ɓā ton̄ rɔ̄kum ní. Adə̄ i kə ta kūl̄ Jeju Kərist n jḭḭ̄ jə-ndigiīń najə̄ j-ədaī na i rɔ̄kum yā kɔsəń gɔn Nə́ɓā ní.

Makətūbə̄ ń Pol ndang adə̄ Rom gə̄ ní 3:3

Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a?

KOLOSƏ 2:4

M-ə́dásí najə̄ ń toō i yā kadə̄ deē kógə̄ḿ gól̄sí kə najə̄ kə́ nel̄ gēé alé.

GALATƏ 5:4

Sḭḭ̄ ń ī-sāāī tél de kə́ gōtə́ gə̄ kə ta kūl̄ ndū najá ní, majə kadə̄ ī-gerī na sḭḭ̄ ī-gāngī naā kə Kərist kɔ̄ɔ́ ō, rajə ń Nə́ɓā rajəsí ní ī-teēī kɔ̄ɔ́ tū tə́ ō.

GALATƏ 3:15

Ngákó̰ó̰ḿ gə̄, m-ā m-ún yá̰a̰ rāā deē ndul gə̄ yā kɔjəńsí yá̰á̰ kógə̄ḿ. Ré najə̄ gə̄ kə́ dɔ kənge yá̰á̰ kə́ gotə deē tə́ i kə́ ndang kə gōó anī, de kə́ yā kɔr̄ kum najə̄ kógə̄ḿ tū tə́ kɔ̄kə́, aké kə́ yā kənī yān dɔ tə́, gətóo.

1 KORḚNTƏ 1:17

Tɔdɔ̄ Kərist əlam̄ i rāā de gə̄ batém tə́ alé, ba i kɔjə de gə̄ Najə̄ kə́ Majə tə́, kanjə̄ kɔjədə́ kə kum kedə̄ najə̄ yā deé. Tɔdɔ̄ ré i beé anī, koy ń Kərist oy tū kāgə̄ kə́ dēsə́ tə́ ní, a tél i yá̰á̰ kə́ karī.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

IJAI 14:27

Dan ń Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ ní, i náā n asə kəhɔn dɔ tə́ ní? Dan ń ni un jīn kə́ ɓir̄ əla kə̄ dɔɔ́ ní, i náā n asə tūr̄ jīn ní kum kə̄ loo kə́ rang tə́ ní?

1 PIYER 1:20

Nə́ɓā gə̄rā Kərist i kété ta kəla gír kəndā dɔ rā̰ ō, dɔ nang ō tə́. Ba ɔjən̄ Kərist kə̄ ndágá ta ngóy ndɔ̄ gə̄ tə́ i tām̄ yāsí tə́.

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

HEBƏRO 7:18

Nujən̄ loo rāā yá̰á̰ kə́ jóó kɔ̄ɔ́ i tītə̄ ń noō, tɔdɔ̄ tɔ́gən gətóo ō, to rāań kəla aĺ ō.

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

GALATƏ 3:21

I beé tā ní, ndū najə̄ a ɔgə̄ kənge yá̰á̰ ń Nə́ɓā ənī míndən najə̄n tə́ ní a? Sḛ́ý aĺ bátə́. Tɔdɔ̄ nə́ngētə́ adə̄n̄jí ndū najə̄ kə́ asə kadə̄ de gə̄ əngen̄ kajə tū tə́ anī, ndū najə̄ a rāā kadə̄ de gə̄ télən̄ de kə́ gōtə́ gə̄ rɔ̄kum.

2 KORḚNTƏ 9:6

Ādə̄ əga kemsí dɔ najə̄ ń toō tə́: Nge ń ənda i sḛ́ý beē anī a əja i sḛ́ý beē ō, nge ń ənda i ngá̰ý anī a əja i ngá̰ý ō!

1 KORḚNTƏ 10:19

Kum yá̰á̰ ń m̄-sāā kəda ní na i rí? m̄-sāā i kəda na dā̰ ń tɔ̄l̄ adə̄n̄ ɓesə̄ ní i yá̰á̰ kə́rēý a? Aké m̄-sāā i kəda na ɓesə̄ i yá̰á̰ kə́rēý a?

1 KORḚNTƏ 7:29

Ngákó̰ó̰ḿ gə̄, najə̄ ń m̄-sāā kədasí ní n toó: Na̰y ndɔ̄ i ngá̰ý alé. Adə̄ majə kadə̄ ngɔlaā ní ngé dəyá̰ gə̄ ndin̄ tītə̄ kə́ taān̄ dəyá̰ aĺ beé ō,

1 KORḚNTƏ 1:12

Yá̰á̰ ń m̄-gḛy kədasí ní n toó: Sḭḭ̄ kógə̄ḿ kógə̄ḿ ní, najə̄ kɔr̄sí gə̄ i tayā tayā. Ngé kə́rēý gə̄ ədan̄ na: Mā i yā Pol. Kə́ madə̄ gə̄ ədan̄ na: Mā i yā Apolos. Kə́ rang gə̄ ədan̄ na: Mā i yā Kepas. Tá ngé kə́rēý gə̄ ədan̄ na: Mā i yā Kərist.

Makətūbə̄ ń Pol ndang adə̄ Rom gə̄ ní 3:25

I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́.

KƏLA RĀĀ 7:6

Najə̄ ń Nə́ɓā ədan ní n toó: Ngán kaaí gə̄ a ndin̄ dɔ nang yā tə̄rā gə̄ tə́ kadə̄ a rāān̄də́ ɓəlo tə́ ō, kadə̄ a rāān̄də́ yá̰á̰ kə́ majaĺ gə̄ ɓāl̄ ɓú sɔ́ ō.

IJAI 28:18

A gāngə̄n̄ madə̄ naā yāsí ń ə́hɔī kə yoó ní kɔ̄ɔ́, ndūsí ń ə̄nī ādī naā kə de kə́ ɓádá gēé ní a to gotoó alé. Dan ń yá̰á̰ kə́ tɔ̄r̄ a rāā yā rāā yá̰a̰ anī, a rējə̄n̄sí kɔ̄ɔ́.

PĀ GƏ̄ 33:10

Kɔ́ɔ̄ɓē bā ta róbə yá̰á̰ ń nápar de gə̄ sāān̄ rāā ní. Ni nujə yá̰á̰ ń gír de gə̄ nómə̄n̄ rāā ní.

Makətūbə̄ yā Job 40:8

Kə́ rɔ̄kum tə́ ní ī-ndigə tútə sarya yāḿ kɔ̄ɔ́ a? Ī-ndigə kəndā najə̄ dɔḿ tə́ yā kɔjəń na yá̰a̰ rāāí na i gōtə́ a?

TƏ́DA 30:8

ba ngaan oō ō mbātə́ gōn tə́ aĺ ō anī, dəyá̰ ní a rāā yá̰á̰ ní.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

TA KƏLA 17:19

Nə́ɓā tél ədan na: Rɔ̄kum, nə̄yá̰í Sara a ojə ngōn̄ kə́ dəngam seí kadə̄ ā ə̄ndā rīn na i Isaak. M-ā m-ə́hɔ madə̄ naā seneé ō, kə ngán kaan gēé gotən tə́ ō. I madə̄ naā kə́ a to ngándáńg.

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

GALATƏ 5:16

M-ə́dásí ɓáý to̰, ə́ya̰ī ādī i Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní.

PĀ GƏ̄ 105:9

Əga kemən dɔ madə̄ naā ń ni-əhɔ kə Abəraham, á ni túbə̄ njan adə̄ Isaak ɔjənneé kadə̄ i madə̄ naā kə́ rɔ̄kum ní.

EPEJƏ 2:12

Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō.