GALATƏ 3:16 - Bibəl ta Sar̄

¹⁶ Banī i Abəraham ō, ngōn̄ kaan ō n Nə́ɓā ənī míndən adə̄də́ ní. I kə́ kəda na i ngán kaan gə̄ tītə̄ kə́ nin̄ i ngá̰ý beē alé, ba na i ngōn̄ kaaí, adə̄ i de kə́ kal kógə̄ḿ beē, deē ní i Kərist.

Bible sar

¹⁶ Banī i Abəraham ō, ngōn̄ kaan ō n Nə́ɓā ənī míndən adə̄də́ ní. I kə́ kəda na i ngán kaan gə̄ tītə̄ kə́ nin̄ i ngá̰ý beē alé, ba na i ngōn̄ kaaí, adə̄ i de kə́ kal kógə̄ḿ beē, deē ní i *Kərist.

GALATƏ 3:16 Referans Kwoze

Makətūbə̄ ń Pol ndang adə̄ Rom gə̄ ní 4:13

Tɔdɔ̄ Nə́ɓā ənī míndən adə̄ Abəraham ō, ngán kaan gə̄ ō na a əngen̄ dɔ nang malang yá̰a̰ haladə́ tə́. Kənī ń Nə́ɓā ənī míndən toó i tām̄ rāā kə́ Abəraham rāā yá̰á̰ kə́ ndū najə̄ ɔjə tə́ alé, banī i tām̄ ni ń i de kə́ gōtə́ ta kum Nə́ɓā tə́ najə̄ taā kem yān tə́ ní.

Makətūbə̄ ń Pol ndang adə̄ Rom gə̄ ní 4:16

Adə̄ j-a j-əngeī yá̰á̰ ń Nə́ɓā ənī míndən yā kadə̄jí ní sɔɔ̄ń i taā kem yājí, yā kadə̄ jə-gerīiń na i Nə́ɓā n adə̄ yá̰á̰ ń toō tām̄ rajə yān tə́ ō, kadə̄ kənī míndə yā Nə́ɓā kə́ tām̄ yā Abəraham tə́ ní to noó ɓáý tām̄ yā ngán kaan gə̄ tə́ malang ō. I ngán kaan gə̄ ń rāān̄ yá̰á̰ kə́ ndū najə̄ ɔjə ní ngóy alé, ba i ngé gə̄ ń taān̄ kem tītə̄ yān ní ō. Abəraham i kaají malang,

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

GALATƏ 3:8

Tá ndangən̄ kem makətūbə̄ yā Nə́ɓā tə́ kété na, Nə́ɓā a rāā kadə̄ de gə̄ ń i Jipə aĺ gə̄ ní, a télən̄ de kə́ súmūú gə̄ loo ń a taān̄ kem ní. I tām̄ najə̄ ń toō tə́ n ədan̄ Abəraham Najə̄ kə́ Majə ń toō kemeé na: Nápar de gə̄ malang a əngen̄ tɔ́r̄ ta i kə ta kūlīí ní.

TA KƏLA 12:3

M-ā m̄-rāā majə kə de gə̄ ń a tɔ́rə̄n̄ tadə́ dɔí tə́ ní ō, m-ā m̄-ndɔ̄ĺ deē ń a tájī ní ō. M-ā m̄-rāā majə kə gír kojə yā de gə̄ malang kə́ dɔ nang tə́ sɔɔ̄iń ḭ̄.

KƏLA RĀĀ 3:25

Míndə́ Nə́ɓā ń ənī kə ta kūl̄ ngé koō ta gə̄ ní, i tām̄ yāsí sḭḭ̄ tə́ ō, madə̄ naā ń ni-əhɔ kə kaasí gēé ní, i tām̄ yāsí sḭḭ̄ tə́ ō. Tɔdɔ̄ dan ń əhɔ madə̄ naā kə Abəraham ní ədan na: M-ā m̄-tɔ́r̄ taḿ dɔ kojə gə̄ malang kə́ dɔ nang tə́ tə́ i kə ta kūl̄ ngán kaaí gēé.

TA KƏLA 21:12

Banī Nə́ɓā ədan na: Ī-lōō kadə̄ wōn̄g rāāī najə̄ yā ngōn̄ tə́ ō, najə̄ yā ɓəlo yāí kə́ dəyá̰ tə́ ō. Ī-ndigə najə̄ ń Sara ədaī ní malang, tām̄ ngán gə̄ ń m-ə̄nī míndə́ḿ yā kadī ní, i Isaak n a ojədə́ ní.

KOLOSƏ 3:11

Loo ń noō tə́ ní, loo kəda na: Nge ń toō na i Gərek aláa na i Jipə, nge ń toō na i de kə́ əja mɔtən aláa na i de kə́ əja mɔtən alé, nge ń toō na i tə̄rā, aláa na i tə̄rā kɔ̄r̄, nge ń toō na i ɓəlo, aláa na i kɔ́ɔ̄ rɔ̄n ní, gətóo. Ba yá̰á̰ ń i yá̰á̰ kə́ ngá̰ý ní i Kərist ń ndi kem de gə̄ tə́ malang ō, i nge rāā yá̰a̰ malang ō ní.

TA KƏLA 15:5

Kɔ́ɔ̄ɓē teē kə Abəram ndágá ba ədan na: Á̰a̰ loo kə̄ dɔɔ́. Ré ásə́ tə́da tə́yō̰ gə̄ ń noō anī, ī-tə́dádə́. Kɔ́ɔ̄ɓē əda Abəram ɓáý to̰ na: Deē a asə tə́dá ngán kaaí gə̄ alé, tītə̄ ń deē asəń tə́da tə́yō̰ gə̄ alé ní ō.

1 KORḚNTƏ 12:27

Sḭḭ̄ malang i rɔ̄ Kərist kə taá ō, sḭḭ̄ kógə̄ḿ kógə̄ḿ i ngán rɔ̄n gə̄ ō.

1 KORḚNTƏ 12:12

Tɔdɔ̄ rɔ̄ deē i kógə̄ḿ beē, banī ngán rɔ̄n gə̄ i ngá̰ý. Ba ngán rɔ̄n gə̄ ń gíŕdə́ i ngá̰ý noō ɓoon̄ naā anī, télən̄ i rɔ̄ de kə́ kal kógə̄ḿ beē. Ba Kərist i tītə̄ ń noō ō.

Makətūbə̄ ń Pol ndang adə̄ Rom gə̄ ní 12:5

Jḭḭ̄ ń i ngá̰ý ní, jə-toī i tītə̄ ń noō kə Kərist. Jḭḭ̄ i rɔ̄ kə́ kógə̄ḿ beē, ba jḭḭ̄ kógə̄ḿ kógə̄ḿ malang ní, jḭḭ̄ i ngán rɔ̄ de kə́ kógə̄ḿ beē.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

KOLOSƏ 2:19

Nin̄-əhɔn̄ gō Kərist ń i dɔm dɔ ní adə̄ ngan̄g alé. Tá rɔ̄ malang ń əhɔ naā majə kə ta kūl̄ ta rɔtən gə̄ ní, i Kərist n i nge kəhɔ dɔɔ́ ō, nge rāā kadə̄ rɔ̄ ní tɔgə kə gō ń Nə́ɓā ndigə ō ní.

EPEJƏ 5:32

Nge ń noō i yá̰á̰ kə́ bo kə́ to loo mundə̄ tə́ kə́ j-asiī ger̄ kum kə deē dɔjí alé. M-ə́dásí na yá̰á̰ ń toō i yá̰á̰ kə́ sɔɔ̄ dɔ Kərist kə ngé kán̄ naā gēé.

MATIYE 1:1

Makətūbə̄ gír kaa Jeju Kərist n toó: Ni i ngōn̄ kaa Dabid kə́ ngōn̄ kaa Abəraham.

Makətūbə̄ ń Pol ndang adə̄ Rom gə̄ ní 9:4

Tām̄ nin̄ i ngán Israel gə̄: Nə́ɓā rāādə́ i ngánən gə̄ tə́ ō, adə̄də́ kɔsə gɔn yān ō, rāā madə̄ naā sedə́ ō, adə̄də́ ndū najə̄ yān gə̄ ō, ɔjədə́ loo rāā kəla kadə̄n ō, ənī míndən yā kadə̄də́ yá̰a̰ gə̄ ō.

2 KORḚNTƏ 11:22

Nin̄ i Hebəro gə̄ a? Mā i Hebəro ō. Nin̄ i ngán Israel gə̄ a? Mā i ngōn̄ Israel ō. Nin̄ i ngán kaa Abəraham gə̄ a? Mā i ngōn̄ kaa Abəraham ō.

GALATƏ 3:19

Ré i beé anī, əndān̄ ndū najə̄ i tām̄ rí tə́? Əndān̄ ndū najə̄ dɔ kənī míndə́ tə́ i yā kadə̄ mān̄ dɔ ndū najə̄ ɔjəń rɔ̄n kə̄ ndágá, yā ngóōń ta reē ngōn̄ kaa ń kənī míndə i tām̄ yān tə́ ní. I de kə́ dɔ rā̰ tə́ gə̄ n teēn̄ kə ndū najə̄ ní, kə ta kūl̄ jī nge ra mbənā tə́ kógə̄ḿ.