GALATƏ 3:15 - Bibəl ta Sar̄

¹⁵ Ngákó̰ó̰ḿ gə̄, m-ā m-ún yá̰a̰ rāā deē ndul gə̄ yā kɔjəńsí yá̰á̰ kógə̄ḿ. Ré najə̄ gə̄ kə́ dɔ kənge yá̰á̰ kə́ gotə deē tə́ i kə́ ndang kə gōó anī, de kə́ yā kɔr̄ kum najə̄ kógə̄ḿ tū tə́ kɔ̄kə́, aké kə́ yā kənī yān dɔ tə́, gətóo.

Bible sar

¹⁵ Ngákó̰ó̰ḿ gə̄, m-ā m-ún yá̰a̰ rāā deē ndul gə̄ yā kɔjəńsí yá̰á̰ kógə̄ḿ. Ré najə̄ gə̄ kə́ dɔ kənge yá̰á̰ kə́ gotə deē tə́ i kə́ ndang kə gōó anī, de kə́ yā kɔr̄ kum najə̄ kógə̄ḿ tū tə́ kɔ̄kə́, aké kə́ yā kənī yān dɔ tə́, gətóo.

GALATƏ 3:15 Referans Kwoze

HEBƏRO 9:17

Tɔdɔ̄ ndū kə́ kənī tām̄ yā yá̰a̰ gotə yo tə́ ní, tɔ́gən a to i dan ń deē oy kɔ̄ɔ́ ní. Ba ré deē ń ənī ndūn ní ndi kə kumneé ɓáý anī, ndūn ń ənī ní a rāā kəla alé.

Makətūbə̄ ń Pol ndang adə̄ Rom gə̄ ní 6:19

M-ɔ̄r̄ najə̄ sesí i tītə̄ deē ndul gə̄, tɔdɔ̄ ré i beé aĺ anī, sḭḭ̄ ā ásiī ger̄ kum alé. Tītə̄ ń kété sḭḭ̄ ī-rāāī rɔ̄sí i ɓəlo gə̄ tə́ adə̄ ī-ndiī i kə rī rāā yá̰á̰ kə́ yḛr to kum gə̄ ō, kə rī rāā yá̰á̰ kə́ gōtə́ aĺ gə̄ ń a rāān̄sí kadə̄ ī-téliī de kə́ gōtə́ aĺ gə̄ ō ní, ngɔlaā majə kadə̄ ī-rāāī rɔ̄sí ɓəlo gə̄ tə́, ba i kadə̄ ī-ndiīń kə rī rāā yá̰á̰ kə́ gōtə́ gə̄ ń a rāān̄sí kadə̄ ī-téliī de kə́ táĺ gə̄ ní ō.

Makətūbə̄ ń Pol ndang adə̄ Rom gə̄ ní 3:5

Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé.

1 KORḚNTƏ 15:32

Rɔ̄ɔ̄ ń m̄-rɔ̄ɔ̄ kə dā̰ gēé kem ɓē kə́ Epejə tə́ ní, ré m̄-ra i dɔ gír̄ yā deē ndul gə̄ tə́ anī a teēm̄ i rí? Ré de gə̄ ń oyn̄ ní a ndólə̄n̄ aĺ anī, ādə̄ j-əsaī ō, j-a̰yī ō, tɔdɔ̄ bírí anī j-a j-ɔyiī.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

Makətūbə̄ ń Pol ndang adə̄ Rom gə̄ ní 1:13

Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.

GALATƏ 6:18

Ngákó̰ó̰ḿ gə̄, ādə̄ Kɔ́ɔ̄ɓē yājí Jeju Kərist rāā kem majə sesí. Adə̄ i tītə̄ ń noō.

HEBƏRO 6:13

Dan ń Nə́ɓā ənī míndən adə̄ Abəraham ní, ni-ənge de kə́ rang kə́ bo tɔȳn yā túbə̄ kə rī kɔ́ɔ̄ alé. Adə̄ ni túbə̄ kə rɔ̄n nəkɔ́

HEBƏRO 6:16

Loo ń ré de gə̄ a túbə̄n̄ anī, túbə̄n̄ i kə rī de kə́ bo tɔȳdə́ gēé ō, túbə̄ i yá̰á̰ kə́ a rāā adə̄ deē taā kem najə̄ kɔr̄ deē ō, a rāā adə̄ gír nējə̄ naā najə̄ dɔ yá̰á̰ tə́ a gān̄g ō.

1 YÁ̰A̰ GƏ̄ 16:16

Madə̄ naā ní i madə̄ naā ń ni-əhɔ kə Abəraham ō, túbə adə̄ Isaak najə̄n tə́ ɔjəń kə̄ ndágá kadə̄ i rɔ̄kum ō,