GALATƏ 3:14 - Bibəl ta Sar̄

¹⁴ Nge ń noō i yā kadə̄ tɔ́r̄ ta yā Abəraham reēń dɔ de gə̄ ń nin̄ i Jipə aĺ gə̄ ní tə́ kə ta kūl̄ Jeju Kərist ō, yā kadə̄ j-əngeīń Ndíĺ ń Nə́ɓā ənī míndən yā kadə̄ ní kə ta kūl̄ taā kem ō.

Bible sar

¹⁴ Nge ń noō i yā kadə̄ tɔ́r̄ ta yā Abəraham reēń dɔ de gə̄ ń nin̄ i Jipə aĺ gə̄ ní tə́ kə ta kūl̄ Jeju Kərist ō, yā kadə̄ j-əngeīń Ndíĺ ń Nə́ɓā ənī míndən yā kadə̄ ní kə ta kūl̄ taā kem ō.

GALATƏ 3:14 Referans Kwoze

1 KORḚNTƏ 12:13

Tām̄ jḭḭ̄ malang ní, Jipə gə̄ gə̄gē, de gə̄ kə́ nin̄ i Jipə aĺ gə̄ gə̄gē, ɓəlo gə̄ gə̄gē, de kə́ kɔ́ɔ̄ rɔ̄də́ gə̄ gə̄gē ní, rāān̄jí i batém Ndíĺ kə́ Táĺ kə́ kógə̄ḿ beé, i kadə̄ jə-téliī rɔ̄ de kə́ kal kógə̄ḿ beē. Tá jḭḭ̄ malang ní j-a̰yī i Ndíĺ kə́ kógə̄ḿ beē ō.

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

GALATƏ 3:2

I najə̄ kə́ kal kógə̄ḿ beē ń toō n m̄-gḛy kadə̄ ī-tūr̄mī tə́ ní. Najə̄ ní n toō: Əngeī Ndíĺ Nə́ɓā i tām̄ rāā kə́ ī-rāāī yá̰á̰ kə́ ndū najə̄ əda kadə̄ yā rāā tə́, aké i tām̄ koō kə́ ōōī Najə̄ kə́ Majə ba ī-taāī kem tə́ ḿ?

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

EJEKIEL 11:19

M-ādə̄sí dan wur kə́ kijə, m-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

JA̰A̰ 7:39

Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

IJAI 32:15

Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

EPEJƏ 3:16

Ādə̄ ni ń kɔsə gɔn yān al̄ naā páráńg ní, adə̄sí tɔ́gə kə ta kūl̄ Ndílneé.

EPEJƏ 2:22

Dan ń sḭḭ̄ ī-ɓooī naā seneé ní, sḭḭ̄ i mbal̄ gə̄ kə́ tū kújə́ ní tə́ ō, ba Nə́ɓā ndi kem kújə́ ní tə́ i kə ta kūl̄ Ndílneé.

GALATƏ 4:6

Sḭḭ̄ i ngáń Nə́ɓā gə̄ rɔ̄kum i karī alé, tɔdɔ̄ Nə́ɓā əla Ndíl Ngōnən kemjí tə́, tá Ndíĺ ní əda kə ndū boó na Aba, Bɔbə̄jí!

GALATƏ 3:16

Banī i Abəraham ō, ngōn̄ kaan ō n Nə́ɓā ənī míndən adə̄də́ ní. I kə́ kəda na i ngán kaan gə̄ tītə̄ kə́ nin̄ i ngá̰ý beē alé, ba na i ngōn̄ kaaí, adə̄ i de kə́ kal kógə̄ḿ beē, deē ní i Kərist.

2 KORḚNTƏ 1:22

Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

KƏLA RĀĀ 5:32

Yá̰á̰ gə̄ ń noō ń rāān̄ yá̰á̰ ní jḭḭ i de kə́ kum tə́ gə̄ ō, i jḭḭ ō Ndíĺ kə́ Táĺ ń Nə́ɓā adə̄ ngé koō tan gə̄ ní ō.

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

Najə̄ kə́ Majə yā Jeju ń Luk ndang ní 24:49

Ba mā tā a, m-ā m-ə́la kə nge ń Bɔbə́ḿ ənī míndən dɔ tə́ yā kadə̄sí ní, adə̄ a reē dɔsí tə́. Ní, sḭḭ̄ ī-ndiī kem ɓēé laā bátə́ kadə̄ Nə́ɓā əlań tɔ́gə́ kə́ dɔɔ́ kūbə̄ tə́ rɔ̄sí tə́.

Najə̄ kə́ Majə yā Jeju ń Luk ndang ní 11:13

Sḭḭ̄ ń i de kə́ majaĺ gə̄ ní ba ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí ń ndi dɔ rā̰ tə́ ní tá ger̄ kadə̄ Ndíĺ kə́ Táĺ ngé gə̄ ń dəjenən̄ ní majə tɔȳ aĺ a?

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.