GALATƏ 2:9 - Bibəl ta Sar̄

⁹ Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

Bible sar

⁹ Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan *Jipə gə̄ tə́ ní.

GALATƏ 2:9 Referans Kwoze

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

JEJU TEĒ KUM JA̰A̰ 3:12

Deē ń a tetə rɔ̄ɔ̄ ní, m-ā m̄-rāā kadə̄ ni a tél kāgə̄ nga dan kújə yā Nə́ɓā yāḿ. Ni a teē kɔ̄ɔ́ kemeé aĺ i kə́ bátə́ gə̄ tə́. M-ā m̄-ndang rī Nə́ɓā yāḿ dɔn tə́ ō, rī ɓē yā Nə́ɓā yāḿ ń i Jerusalem kə́ kijə kə́ ḭḭ dɔ rā̰ tə́ rɔ̄ Nə́ɓā yāḿ tə́ a risə kə̄ nang tə́ ní, m-ā m̄-ndang dɔn tə́ ō, m-ā m̄-ndang rīḿ kə́ kijə dɔn tə́ ō.

GALATƏ 2:2

Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

1 TIMOTE 3:15

Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

KOLOSƏ 1:29

I tām̄ ń toō tə́ n m̄-rāā kəla ō, m̄-rɔ̄ɔ̄ ō kə ta kūl̄ tɔ́gə yā Kərist ní. Tɔ́gə́ ní rāā kəla kə ngangāá kemḿ tə́.

EPEJƏ 2:20

Ngəra kújə́ ní i ngámbang kəla gə̄ ō, ngé koō ta gə̄ ō, ba Kərist nəkɔ́ i mbal̄ kə́ nge kəhɔ kújə́ ní dɔɔ́.

2 KORḚNTƏ 8:4

Yá̰a̰ gə̄ ń de gə̄ ɔsən̄ dɔ naā tə́ yā rāań kə ngé taā kem gə̄ kə́ dɔ nang kə́ Jude tə́ ní, nin̄-rāān̄jí ɓɔ́ ngá̰ý kadə̄ n-adə̄n̄ yādə́ tū tə́ ō.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

Makətūbə̄ ń Pol ndang adə̄ Rom gə̄ ní 15:15

Banī kem makətūbə̄ yāḿ ń m̄-ndang ń m̄-ə́lań m-ādə̄sí tə́ ní, m-ə́dásí yá̰á̰ kə́rēý gə̄ kanjə̄ ɓōĺ, ba i yā kadə̄ m̄-terə̄ń kemsí dɔ yá̰a̰ gə̄ ń ī-gerī kɔ̄ɔ́ ɓá tə́ ní. M-ə́dá yá̰a̰ gə̄ ń noō tītə̄ ń noō i kə tɔ́gə yā kadə̄ karī ń Nə́ɓā adə̄ rāań seḿ,

KƏLA RĀĀ 15:13

Dan ń nin̄-ɔrə̄n̄ najə̄ oy anī Jakə əda na: Ngákó̰ó̰ḿ gə̄, ōōī najə̄ yāḿ!

KƏLA RĀĀ 15:7

Dan ń nin̄-nējə̄n̄ naā najə̄ ngá̰ý anī, Piyer ḭḭ dɔɔ́ ba ədadə́ na: Ngákó̰ó̰ḿ gə̄, ī-gerī majə kadə̄ ta kəla gíŕ tə́ ní Nə́ɓā gə̄rām̄ adə̄ m-ɔ́jə de gə̄ ń i Jipə aĺ gə̄ ní Najə̄ kə́ Majə ɓēé loosí laā adə̄ oōn̄ ō, taān̄ kem ō.

KƏLA RĀĀ 4:36

Jəjep ń ngámbang kəla gə̄ əndān̄ rī tɔ̄yn na i Barnabas ń, kumən na i nge sɔl̄ kem deē ní, i de kə́ gír kaa yā Lebi tə́. Ojənən̄ i dor̄ kə́ Sipər tə́. Ni-aw̄ kə loo ndɔr̄ kógə̄ḿ.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

2 MBAN̄G 10:15

Ni ɔtə loo ń noō tə́ anī a̰a̰ Yonadab kə́ ngōn̄ Rekab a reē kə̄ rɔ̄n tə́. Yehu rāān lápə́ya ba ədan na: Kemií i gō yāḿ tə́ tītə̄ ń kemḿ mā i gō yāí tə́ rɔ̄kum ní a? Yonadab tél ədan na: A̰á̰ā̰! Anī Yehu əda na: Ré kemií i gō yāḿ tə́ anī ə́hɔ jīḿ! Yonadab əhɔ jīn. Loo ń noō tə́ Yehu adə̄ Yonadab aĺ ndi dɔɔ́ rɔ̄n tə́ kem púsə yān tə́.

Najə̄ kə́ Majə yā Jeju ń Luk ndang ní 22:8

Jeju ɔr̄ Piyer nin̄ kə Ja̰a̰ əladə́ ba ədadə́ na: Āw̄ ī-rāāī loo yá̰a̰ gə̄ yā nāā Pákə kadə̄ j-əsaī.

JA̰A̰ 1:42

Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.

KƏLA RĀĀ 12:17

Ni wél̄ jīn ɔgə̄ńdə́ kɔr̄ najə̄, ba ɔjədə́ loo kɔr̄ ń Kɔ́ɔ̄ɓē ɔrə̄n dəngáyá ní. Ni ədadə́ ɓáý to̰ na kə aw̄ kə ədan̄ Jakə gotə ō, ngákó̰ó̰də́ kə́ rang gə̄ ō. Gō tə́ anī ni-teē aw̄ loo kə́ rang tə́.

2 KORḚNTƏ 11:5

Ɓá tā banī m-á̰a̰ kadə̄ ngámbang kəla yāsí kə́ bo ngá̰ý gə̄ ń noō, tɔȳmə̄n̄ kə yá̰á̰ kógə̄ḿ alé!

2 KORḚNTƏ 12:11

M-ɔ̄r̄ najə̄ tītə̄ kə́ kɔ̄r̄ rāām̄ beé, ba i sḭḭ̄ n ī-raī seḿ ta rāā kɔ̄r̄ ní. Majə kadə̄ i sḭḭ̄ n ə́daī najə̄ kə́ majə yāḿ mā ní. Mā i yá̰á̰ kógə̄ḿ alé.

GALATƏ 1:16

Ba loo ń ni teē kumḿ dɔ Ngōnən tə́ kadə̄ m-ɔ́jə de gə̄ kə́ nin̄ i Jipə aĺ gə̄ Najə̄ kə́ Majə yān ní, m-āw̄ rɔ̄ deē kógə̄ḿ tə́ m̄-dəjen kɔjə̄ aĺ ō,

GALATƏ 1:18

Ɓāl̄ mətá gō tə́ anī m-āw̄ Jerusalem kadə̄ m̄-ger̄ Kepas, ba m̄-ndi seneé ndɔ̄ kutə gidə i mí.

GALATƏ 2:1

Ɓāl̄ kutə gidə i sɔ́ gō tə́ anī, m̄-tél m-āw̄ Jerusalem gogə́ ɓáý to̰ jḭḭ kə Barnabasaá ō, m-ún Titə m-ādə̄ aw̄ seḿ ō.

GALATƏ 6:3

Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́.