GALATƏ 2:21 - Bibəl ta Sar̄

²¹ Mā m̄-rāā rajə ń Nə́ɓā rajəm̄ ní i yá̰á̰ kə́ ndāńg karī tə́ alé. Tɔdɔ̄ ré deē a tél de kə́ gōtə́ i kə ta kūl̄ rāā yá̰á̰ ń ndū najə̄ əda ní anī, Kərist oy i yo kə́ ndāńg karī.

Bible sar

²¹ Mā m̄-rāā rajə ń Nə́ɓā rajəm̄ ní i yá̰á̰ kə́ ndāńg karī tə́ alé. Tɔdɔ̄ ré deē a tél de kə́ gōtə́ i kə ta kūl̄ rāā yá̰á̰ ń *ndū najə̄ əda ní anī, Kərist oy i yo kə́ ndāńg karī.

GALATƏ 2:21 Referans Kwoze

Makətūbə̄ ń Pol ndang adə̄ Rom gə̄ ní 11:6

Ba ré ɔjəń i dɔ rajə anī, i tām̄ yā kəla rāādə́ gə̄ tə́ to̰ alé. Tɔdɔ̄ ré i tām̄ yā kəla rāādə́ gə̄ tə́ anī, rajə ní i rajə to̰ alé.

GALATƏ 3:21

I beé tā ní, ndū najə̄ a ɔgə̄ kənge yá̰á̰ ń Nə́ɓā ənī míndən najə̄n tə́ ní a? Sḛ́ý aĺ bátə́. Tɔdɔ̄ nə́ngētə́ adə̄n̄jí ndū najə̄ kə́ asə kadə̄ de gə̄ əngen̄ kajə tū tə́ anī, ndū najə̄ a rāā kadə̄ de gə̄ télən̄ de kə́ gōtə́ gə̄ rɔ̄kum.

HEBƏRO 7:11

Kəla tun̄ yá̰a̰ yā gír kaa Lebi gə̄ kə gō ndū najə̄ ń adə̄n̄ ngán Israel gə̄ ní. Ba ré kəla ń toō a teē yá̰á̰ kə́ majə ɔtə̄ kə taá ta kum Nə́ɓā tə́ anī, i tām̄ rí tə́ á Nə́ɓā rāā kadə̄ nge tun̄ yá̰á̰ kə́ rang i kə gō jī loo rāā kəla yā Melkisedek tə́ reē? Nge tun̄ yá̰á̰ kə́ rang reē i gō kəla tun̄ yá̰a̰ yā Aaro̰ tə́ alé ba i kə́ gō kəla tun̄ yá̰a̰ yā Melkisedek tə́ ní?

1 KORḚNTƏ 15:14

Ba ré Kərist ndól̄ aĺ anī, najə̄ ń j-ɔjə ní i najə̄ kə́ kanjə̄ kumən ō, taā kem yāsí i taā kem kə́ kanjə̄ kumən ō.

GALATƏ 2:16

Ɓá tā ba jə-gerī kadə̄ yá̰á̰ ń rāā adə̄ deē tél de kə́ súmūú ta kum Nə́ɓā tə́ ní, i ngɔ̄m̄ ndū najə̄ gə̄ alé, ba i kadə̄ deē taā kem Jeju Kərist. Adə̄ jḭḭ̄, jə-taāī kem Kərist Jeju ō, yā kadə̄ gerə̄n̄neé kadə̄ jḭḭ̄ i de kə́ súmūú gə̄ sɔɔ̄ń taā kə́ jə-taāī kem Kərist, banī i sɔɔ̄ń ngɔ̄m̄ kə́ jə-ngɔ̄mī ndū najə̄ gə̄ alé. Tɔdɔ̄ de kə́ kadə̄ Nə́ɓā rāān de kə́ súmūú tə́, sɔɔ̄ń ngɔ̄m̄ kə́ kɔ́ɔ̄ ngɔ̄m̄ ndū najə̄ ní, gətóo.

Makətūbə̄ ń Pol ndang adə̄ Rom gə̄ ní 10:3

Tɔdɔ̄ nin̄-gerə̄n̄ loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé, adə̄ ḭḭ sāān̄ i loon yādə́ nin̄ kɔ́ gə̄ kə́ sɔɔ̄ dɔdə́. A loo ń noō tə́ ní nin̄-aw̄n̄ gír loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé.

IJAI 49:4

Mā m̄-gír̄ m-ə́da na: M-á̰á̰ tápə̄ i ndāńg karī, m-ɔ́r i kanjə̄ kumən, teēm̄ yá̰á̰ tə́ alé. Ɓá tā ba Kɔ́ɔ̄ɓē a gān̄g sarya yāḿ kə gōó, ni ngɔ̄m̄ yá̰a̰ kəndā nja yāḿ.

1 KORḚNTƏ 15:2

Sḭḭ̄ ájiī i kə ta kūl̄neé, loo ń ə́hɔniī sásáp adə̄ ni-to i kə gō jī loo kɔjə ń m-ɔ́jəńsí ní. Ré i beé aĺ anī, sḭḭ̄ ī-taāī kem i ndāńg.

GALATƏ 2:18

Tɔdɔ̄ yá̰á̰ ń m̄-nujəń sák sák kɔ̄ɔ́ ní, ré m̄-tél m̄-rāā gogə́ anī, m̄-rāā rɔ̄ḿ i nge mān̄ dɔ ndū najə̄ tə́.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

MARK 7:9

Jeju ədadə́ ɓáý to̰ na: Ī-gírī kadə̄ ī-rāāī majə ngá̰ý loo ń ī-mbātíī gō míndə́ Nə́ɓā ba úniī gō yá̰a̰ kāgə̄ ɓē yāsí ní.

PĀ GƏ̄ 33:10

Kɔ́ɔ̄ɓē bā ta róbə yá̰á̰ ń nápar de gə̄ sāān̄ rāā ní. Ni nujə yá̰á̰ ń gír de gə̄ nómə̄n̄ rāā ní.

1 KORḚNTƏ 15:17

Tá ré Kərist ń oy ní ndól̄ aĺ anī, taā kem yāsí i taā kem kə́ kanjə̄ kumən ō, sḭḭ̄ i kum majaĺ yāsí gə̄ tə́ ɓáý ō.

JEREMI 8:8

I ba̰ý á sḭḭ̄ ə́daī na: Sḭḭ̄ na i ngé kum kedə̄ gə̄, tɔdɔ̄ ndū najə̄ yā Kɔ́ɔ̄ɓē na to na i tām̄ yāsí tə́ ní? Majə tā ba yá̰a̰ ndang makətūbə̄ yā ngé sór̄ gə̄ rāā adə̄ tél i ndū najə̄ kə́ rɔ̄kum aĺ kɔ̄ɔ́

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.