GALATƏ 2:2 - Bibəl ta Sar̄

² Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.

Bible sar

² Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.

GALATƏ 2:2 Referans Kwoze

GALATƏ 2:6

Ba ngé gə̄ ń i ngé kɔr no de gə̄ ní, ɔjəmə̄n̄ yá̰a̰ kə́ kijə gə̄ kadə̄ m̄-rāādə́ dɔ gúú tə́ alé. Kə́ rɔ̄kum tə́, ká ré nin̄ i ngé kɔr no de gə̄ kété gə̄gē anī usəm̄ mā alé, tɔdɔ̄ Nə́ɓā a gān̄g sarya i tām̄ ta kum deē alé.

PILIPƏ 2:16

kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.

1 TESALONIK 3:5

I tām̄ ń toō tə́ n m-ásə́ tə́gā taḿ to̰ alé, adə̄ m-ə́la Timote kadə̄ oō najə̄ kə́ dɔ taā kem yāsí tə́ ní. m̄-ɓōĺ kadə̄ Nge Nāā de gə̄ nāāsí, yā kadə̄ j-ɔr sesí i ndāńg karī.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

1 KORḚNTƏ 9:26

Adə̄ mā m̄-ngɔ̄də̄ i beé: M-ā̰ȳ ngɔ̄də̄ i tītə̄ de kə́ ger̄ loo kə́ yā ka̰ȳ ngɔ̄də̄ kum kə̄ tū tə́ aĺ alé. Mā m̄-ɓir̄ jīḿ m-ə́ndań yá̰a̰ i beé: M-ə́nda i ɓōdə̄ loo karī alé.

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

1 KORḚNTƏ 9:24

Ngé nējə̄ naā ngɔ̄də̄ gə̄ a̰ȳn̄ ngɔ̄də̄ malangdə́ gə̄ ɓá tā, banī i de kə́ kal kógə̄ḿ beē ngóy n a ənge yá̰á̰ ń nējə̄n̄ naā ngɔ̄də̄ dɔ tə́ ní ī-gerī aĺ a? I beé ní ī-ngɔ̄dī kə gō róbəneé tá kadə̄ əngeīneé yá̰á̰ ní.

1 KORḚNTƏ 2:2

Tɔdɔ̄ m̄-sāā ger̄ yá̰á̰ kə́ rang dan ń m̄-ndiń sesí ní alé, ba i Jeju Kərist ngóy, nge ń əndanən̄ kə máyá̰ tū kāgə̄ kə́ dēsə́ tə́ ní.

KƏLA RĀĀ 15:12

Loo ń noō tə́ ngé kán̄ naā gə̄ malang tél ndin̄ kə tadə́ kə́ mbóó kóńg ō, de gə̄ oōn̄ najə̄ kə́ ta Barnabas tə́ ō, Pol tə́ ō. Nin̄-ənīn̄ gōtə́ yá̰á̰ kə́ to kɔr kum gə̄ malang ō, yá̰á̰ kə́ yáā gə̄ ō ń Nə́ɓā rāā kə ta kūl̄də́ dan de gə̄ ń i Jipə aĺ gə̄ tə́ ní.

KƏLA RĀĀ 15:4

Dan ń nin̄-ugə̄n̄ Jerusalem anī Egəlijə ō, ngámbang kəla gə̄ ō, kum kɔɔ̄ gə̄ ō, əhɔn̄də́ kə̄ rɔ̄də́ tə́, ba nin̄-ɔjən̄də́ gotə yá̰a̰ malang ń Nə́ɓā rāā kə ta kūl̄də́ ní.

PILIPƏ 2:29

I beé ní ə́hɔniī kə̄ rɔ̄sí tə́ kə rɔ̄nelēé tītə̄ ngōkó̰ó̰sí, kə́ nge taā kem Kɔ́ɔ̄ɓē. Ba ī-rɔyī de kə́ tītə̄ ń noō gə̄.

GALATƏ 1:16

Ba loo ń ni teē kumḿ dɔ Ngōnən tə́ kadə̄ m-ɔ́jə de gə̄ kə́ nin̄ i Jipə aĺ gə̄ Najə̄ kə́ Majə yān ní, m-āw̄ rɔ̄ deē kógə̄ḿ tə́ m̄-dəjen kɔjə̄ aĺ ō,

KƏLA RĀĀ 23:11

Teē ndɔ̄ kə́ noō tə́ ndɔ̄ɔ́ anī, Kɔ́ɔ̄ɓē ndɔ̄bə̄ Pol ba ədan na: Ə́hɔ rɔ̄í tɔgə, na tītə̄ ń ə́dań najə̄ kə́ kum tə́ dɔḿ tə́ kem ɓē kə́ Jerusalem tə́ ní, majə kadə̄ ī-rāā tītə̄ ń noō kem ɓē kə́ Rom tə́ ō.

KƏLA RĀĀ 18:9

Kɔ́ɔ̄ɓē ndɔ̄bə̄ Pol ndɔ̄ɔ́ ndɔ̄ kógə̄ḿ tə́ ba ədan na: Ī-lōō ɓōĺ, ɔ̄r̄ najə̄ ba ī-lōō ndi kə taí kə́ mbóó,

KƏLA RĀĀ 5:34

Banī deē kógə̄ḿ ḭḭ dɔɔ́ dan ngé sarya kə́ bo gə̄ tə́. Deē ní i Parijiyḛ, rīn na i Gamaliyel. Ni i nge ndóō de gə̄ ndū najə̄ gə̄ kə́ ngán Israel gə̄ malang ɓōlə́n̄ ndílən. Ni-ḭḭ dɔɔ́ ba dəje kadə̄ kə teēn̄ kə ngámbang kəla gēé ndágá sḛ́ý.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

KOHELET 10:1

Nīń kón̄g rāā adə̄ yibə̄ kə́ otə majə yā kɔdə̄ yibə̄ otə majaĺ ō, rāā adə̄ yibə̄ kə́ kem kūú nujə malang kɔ̄ɔ́ ō. Adə̄ mbóó kə́ sḛ́ý beē ɔr̄ tɔ́gə kum kedə̄ ō kɔsə gɔn ō kɔ̄ɔ́.

KƏLA RĀĀ 15:2

Gō najə̄ ngeé ń noō tə́ ní míndə kasə naā aĺ to ō, Pol nin̄ kə Barnabas nējə̄n̄ naā najə̄ kə de gə̄ ní ngá̰ý dɔ najə̄ ní tə́ ō. Anī de gə̄ gḛyn̄ kadə̄ Pol ō, Barnabas ō, de kə́rēý gə̄ kə́ A̰tiyos ō, aw̄n̄ Jerusalem kadə̄ aw̄ ɔrə̄n̄ najə̄ ní kə ngámbang kəla gēé ō, kə kum kɔɔ̄ gēé ō.

Makətūbə̄ ń Pol ndang adə̄ Rom gə̄ ní 9:16

Adə̄ gə̄rā ń Nə́ɓā gə̄rā de gə̄ ní, i tām̄ kem ndigə yā deē tə́ aĺ ō, i tām̄ kəhɔ rɔ̄ tɔgə yā deē tə́ aĺ ō, banī i kə gō ka̰a̰ ń Nə́ɓā nəkɔ́ a̰a̰ kum tō ndoō yā deē ní ngóy.

2 KORḚNTƏ 12:1

I beé ní, i gáŕ kadə̄ m-ɔ́r ta rɔ̄ḿ, ká nge ń noō i yá̰á̰ kə́ majaĺ gə̄gē ní. Ba ń toō ɓáa m-ā m-ɔ̄r̄ i najə̄ yā yá̰a̰ gə̄ ń Kɔ́ɔ̄ɓē ɔjəm̄ adə̄ m-á̰a̰ā̰ ō, yá̰a̰ gə̄ ń ni-tḛḛ̄ kumḿ dɔ tə́ ō ní.

GALATƏ 1:6

Ɔr kumḿ sesí tɔdɔ̄ ī-téliī láẃ kɔ̄ɔ́ gō Nə́ɓā ń ɓāŕsí ba rajəsí kə ta kūl̄ Kərist ní, yā kunəń gō Najə̄ kə́ Majə kə́ rang.

GALATƏ 1:12

Tá i deē n ɔjəm̄ aĺ ō, ndóōm̄ aĺ ō, ba i Jeju Kərist nəkɔ́ n teē kumḿ dɔ tə́ ní.

GALATƏ 5:7

Ī-ngɔ̄dī kété majə, ba i náā n tél ɔgə̄sí kun gō najə̄ kə́ rɔ̄kum ní?

2 TIMOTE 4:7

m̄-rɔ̄ɔ̄ rɔ̄ɔ̄ kə́ majə, m̄-tɔ̄l̄ ta ngɔ̄də̄ yāḿ, m̄-ngɔ̄m̄ taā kem yāḿ.

HEBƏRO 12:1

Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.