GALATƏ 2:14 - Bibəl ta Sar̄

¹⁴ Ba dan ń m-á̰a̰ kadə̄ háĺdə́ i súmūú aĺ ō, ndetə yá̰á̰ kə́ rɔ̄kum yā Najə̄ kə́ Majə aĺ ō anī, m-ə́da Piyer ta kum de gə̄ tə́ malang na: Ḭ̄ ń i Jipə ní, ī-rāā hál deē ń ni i Jipə aĺ ní anī, loo kadə̄ ɔ́sə kə de gə̄ ń nin̄ i Jipə aĺ gə̄ ní ta rāā háĺ yā Jipə gə̄ i ba̰ý?

Bible sar

¹⁴ Ba dan ń m-á̰a̰ kadə̄ háĺdə́ i súmūú aĺ ō, ndetə yá̰á̰ kə́ rɔ̄kum yā Najə̄ kə́ Majə aĺ ō anī, m-ə́da Piyer ta kum de gə̄ tə́ malang na: Ḭ̄ ń i *Jipə ní, ī-rāā hál deē ń ni i Jipə aĺ ní anī, loo kadə̄ ɔ́sə kə de gə̄ ń nin̄ i Jipə aĺ gə̄ ní ta rāā háĺ yā *Jipə gə̄ i ba̰ý?

GALATƏ 2:14 Referans Kwoze

GALATƏ 2:5

Ba jḭḭ j-adə̄də́ kum mbang kógə̄ḿ gə̄gē aĺ bátə́, yā kadə̄ rɔ̄kum yā Najə̄ kə́ Majə toń gotoó beē tām̄ yāsí tə́.

KƏLA RĀĀ 10:28

ədadə́ na: Ī-gerī majə kadə̄ kudə kújə yā tə̄rā tə́, aláa ɓoo naā kə tə̄rāá i yá̰á̰ kə́ majaĺ ngá̰ý tām̄ yā deē ń ni i Jipə ní tə́. Banī Nə́ɓā ɔjəm̄ kadə̄ m̄-rāā deē kógə̄ḿ de kə́ yḛr tə́ aĺ ō, de kə́ asə kadə̄ deē aw̄ looneé aĺ tə́ aĺ ō.

1 TIMOTE 5:20

Ngé gə̄ ń rāān̄ majaĺ ní, ī-gɔŕyɔ̄də́ ta kum madə̄də́ gə̄ tə́ malang ādə̄ gotə gə̄ ɓōlə́n̄.

GALATƏ 6:12

Ngé gə̄ ń ɔsən̄ sesí ta kəja mɔtəsí ní, i de gə̄ kə́ gḛyn̄ kadə̄ a̰a̰n̄də́ i de kə́ majə gə̄ tə́, kə gō yā deē ndul gēé. Nin̄-rāān̄ tītə̄ ń noō i yā kadə̄ rāān̄neédə́ ndoō tə́ najə̄ kāgə̄ kə́ dēsə́ yā Kərist tə́ aĺ ngóy.

Gōsə̄ najə̄ gə̄ 2:7

Ni i nge rāā kadə̄ kəla rāā de kə́ súmūú gə̄ teē majə. Ni to i tītə̄ der beé tām̄ yā nge rāā háĺ kə́ gōtə́ tə́.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

HEBƏRO 12:13

Ī-njə̄rāī dɔ róbə́ kə́ súmūú tə́, yā kadə̄ njasí kə́ motə ḭḭ ta naā alé, ba kadə̄ aw̄ ta naā tə́ majə.

HEBƏRO 9:10

Najə̄ kə́ tū tə́ i najə̄ kə́ dɔ yá̰a̰ kəsa gə̄ tə́ ō, yá̰a̰ ka̰ȳ tə́ ō, tə́go rɔ̄ kə́ tayā tayā gə̄ tə́ ō ngóy. Adə̄ i gō jī loo rāā yá̰a̰ de gə̄, kə́ rāān̄neé kəla bátə́ ugə̄ kum mbang ń Nə́ɓā tūrəń gír yá̰a̰ gə̄ tə́ ní.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

GALATƏ 2:7

Banī nin̄-a̰ā̰n̄ kadə̄ Nə́ɓā adə̄m̄ mā kəla kɔjə de gə̄ ń nin̄ i Jipə aĺ gə̄ ní Najə̄ kə́ Majə, tītə̄ ń adə̄ń Piyer kəla kɔjə Jipə gə̄ Najə̄ kə́ Majə ní.

Makətūbə̄ ń Pol ndang adə̄ Rom gə̄ ní 14:14

m̄-ger̄, a̰á̰ā̰ m̄-ger̄ majə ngá̰ý tɔdɔ̄ m̄-ndigə najə̄ gō Kɔ́ɔ̄ɓē Jeju tə́, kadə̄ yá̰á̰ kə́ i yá̰á̰ kə́ yḛr kə dɔ rɔ̄neé gətóo. Ba ré deē kógə̄ḿ gír̄ kadə̄ yá̰á̰ kógə̄ḿ i yá̰á̰ kə́ yḛr anī, yá̰á̰ ní a téĺ yá̰á̰ kə́ yḛr tām̄ yā deē ní tə́.

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

Gōsə̄ najə̄ gə̄ 10:9

De kə́ nge rāā yá̰á̰ kə gōó i de kə́ sōl̄ yá̰á̰ kógə̄ḿ alé, banī gír de kə́ nge rāā yá̰a̰ kə gōó alé a teē dɔɔ́.

PĀ GƏ̄ 141:5

Ādə̄ de kə́ súmūú əndam̄ ō, kɔ̄l̄ seḿ ō, najə̄ yā kem majə yāí tə́! Ādə̄ yibə̄ kə́ kotə majə yā ngé kem ndul gə̄ ɔdə dɔḿ alé, ba ādə̄ m̄-ndɔ̄ȳ ngá̰ý m̄-dumə̄ń ta yá̰a̰ gə̄ ń ngé kem ndul gə̄ a rāān̄ ní.

PĀ GƏ̄ 58:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō kadə̄ nujən̄neé. I pā yā Dabid kə́ yā ndóoń deē yá̰a̰.

PĀ GƏ̄ 15:2

I deē ń najə̄ gətóo dɔn tə́ ní, i nge ń rāā yá̰á̰ kə́ gōtə́ ní ō, najə̄ kə́ tan tə́ i najə̄ ń ni gír̄ kemən tə́ rɔ̄kum ō ní.

LEBI GƏ̄ 19:17

Ī-lōō gír̄ do kim̄ ngōkó̰ó̰í tə́. Ré ngōn̄ nge ɓē madí rāā yá̰á̰ kə́ gōtə́ aĺ anī, ī-gɔríyɔ̄n na sōgə́ najə̄ i dɔí tə́ tām̄ yān tə́.

GALATƏ 2:3

Ngákó̰ó̰jí kə́ rɔ̄kum aĺ gə̄ túdə̄n̄ danjí tə́ ɓá tā, ba Titə ń i seḿ á ni i Gərek ní, ɔsən̄ seneé ta kəja mɔtən alé. Ngákó̰ó̰jí kə́ rɔ̄kum aĺ gə̄ ngé ń toō a umə̄n̄ i háĺ rāājí yá̰á̰ kə́ loo kɔ́ɔ̄ rɔ̄jí ń Jeju Kərist adə̄jí ní, yā rāān̄jí ɓəlo tə́.

KƏLA RĀĀ 15:1

Anī de kə́rēý gə̄ ḭḭn̄ Jerusalem reē ɔjən̄ ngákó̰ó̰jí gə̄ najə̄ A̰tiyos, ədan̄də́ na: Ré ādī əjan̄ mɔtəsí tītə̄ ń najə̄ yā Moijə ədań ní aĺ anī, ā ásiī kadə̄ ajən̄sí alé.

KƏLA RĀĀ 15:5

Banī ngé taā kem kə́rēý gə̄ kə́ teēn̄ i dan ngé ndóō yá̰a̰ yā Parijiyḛ gə̄ tə́ ḭḭn̄ dɔɔ́ ba ədan̄ na, i gáŕ kadə̄ əjan̄ mɔtə de gə̄ ń i Jipə aĺ gə̄ ní ō, kadə̄ ədan̄də́ kadə̄ ngɔ̄mə̄n̄ ndū najə̄ yā Moijə ō.

GALATƏ 1:6

Ɔr kumḿ sesí tɔdɔ̄ ī-téliī láẃ kɔ̄ɔ́ gō Nə́ɓā ń ɓāŕsí ba rajəsí kə ta kūl̄ Kərist ní, yā kunəń gō Najə̄ kə́ Majə kə́ rang.

GALATƏ 1:18

Ɓāl̄ mətá gō tə́ anī m-āw̄ Jerusalem kadə̄ m̄-ger̄ Kepas, ba m̄-ndi seneé ndɔ̄ kutə gidə i mí.

KOLOSƏ 1:5

Dan ń najə̄ kə́ rɔ̄kum, adə̄ i Najə̄ kə́ Majə, ugə̄ loosí ta kəga dɔ ɓáý ní, ōōī najə̄ yā yá̰a̰ kəndā kem dɔ tə́ ń Nə́ɓā ngɔ̄m̄ dɔ rā̰ tə́ tām̄ yāsí tə́ ní: Yá̰á̰ ní i ndi kə kumuú. Adə̄ taā kem yāsí ō, tár yāsí ō ní, ngəran ra i dɔ tə́.