GALATƏ 2:12 - Bibəl ta Sar̄

¹² Tām̄ kété tá kadə̄ deē yā Jakə kə́rēý gə̄ ugə̄n̄ ní, ni-əsa yá̰a̰ kə de gə̄ ń nin̄ i Jipə aĺ gə̄ ní. Ba ré nin̄-reē ugə̄n̄ anī ni-ɔr̄ rɔ̄n kɔ̄ɔ́ rɔ̄də́ tə́, tɔdɔ̄ ni ɓōĺ i Jipə gə̄.

Bible sar

¹² Tām̄ kété tá kadə̄ deē yā Jakə kə́rēý gə̄ ugə̄n̄ ní, ni-əsa yá̰a̰ kə de gə̄ ń nin̄ i Jipə aĺ gə̄ ní. Ba ré nin̄-reē ugə̄n̄ anī ni-ɔr̄ rɔ̄n kɔ̄ɔ́ rɔ̄də́ tə́, tɔdɔ̄ ni ɓōĺ i *Jipə gə̄.

GALATƏ 2:12 Referans Kwoze

KƏLA RĀĀ 10:28

ədadə́ na: Ī-gerī majə kadə̄ kudə kújə yā tə̄rā tə́, aláa ɓoo naā kə tə̄rāá i yá̰á̰ kə́ majaĺ ngá̰ý tām̄ yā deē ń ni i Jipə ní tə́. Banī Nə́ɓā ɔjəm̄ kadə̄ m̄-rāā deē kógə̄ḿ de kə́ yḛr tə́ aĺ ō, de kə́ asə kadə̄ deē aw̄ looneé aĺ tə́ aĺ ō.

Najə̄ kə́ Majə yā Jeju ń Luk ndang ní 15:2

Anī Parijiyḛ gə̄, kə ngé ndóō de gə̄ ndū najə̄ gə̄ a yṵ́rə̄n̄ najə̄ dɔ Jeju tə́ ədan̄ na: Deē ngeé ń toō ní a əhɔ ngé rāā majaĺ gə̄ kə̄ rɔ̄n tə́ ō, a əsa yá̰a̰ sedə́ ō wa!

EPEJƏ 3:6

Yá̰á̰ kə́ to loo mundə̄ tə́ ni n toō: De gə̄ ń nin̄ i Jipə aĺ gə̄ ní, a əngen̄ yá̰á̰ ń Nə́ɓā ngɔ̄m̄ tām̄ yā deē yān gə̄ tə́ ní, naā tə́ kə Jipə gēé, i kə ta kūl̄ Najə̄ kə́ Majaá. Nin̄-rāān̄ rɔ̄də́ i rɔ̄ Kərist tə́ ō, míndə́ Nə́ɓā ń ənī najə̄ yā Kərist Jeju tə́ ní, i tām̄ yādə́ nin̄ tə́ ō.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

1 TESALONIK 5:22

Ɔ̄rī rɔ̄sí kɔ̄ɔ́ tū yá̰á̰ kə́ majaĺ gə̄ tə́ malang.

EPEJƏ 2:15

Ni-ɔr̄ ndū najə̄ yā Moijə kɔ̄ɔ́ naā tə́ kə gō míndə kə́ tū tə́ gə̄ ō, jī bēl̄ loo rāā yá̰á̰ kə́ tū tə́ gə̄ ō. I tītə̄ ń noō n ni ɓooń de gə̄ naā tə́, kadə̄ télən̄ gír de kə́ kógə̄ḿ beé kə́ kijə gə̄ ō, rāań adə̄ lápə́ya toń dɔ dáńdə́ tə́ ō ní.

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

IJAI 57:11

I náā n ī-ɓōlə́n ngá̰ý á ī-sorə̄ń ní? á dɔí ndígə̄naləḿ ní? m̄-ndi taḿ mbóo dan i jóó ngá̰ý. I tām̄ najə̄ ń toō tə́ n ī-ɓōĺ ndílə́ḿ to̰ aĺ ní.

Gōsə̄ najə̄ gə̄ 29:25

Ɓōĺ deē i yá̰á̰ kə́ a əyā gūmbə̄ no deē tə́, ba deē ń ənī kemən mámák adə̄ Kɔ́ɔ̄ɓē ní yá̰a̰ a rāān alé.

KƏLA RĀĀ 12:17

Ni wél̄ jīn ɔgə̄ńdə́ kɔr̄ najə̄, ba ɔjədə́ loo kɔr̄ ń Kɔ́ɔ̄ɓē ɔrə̄n dəngáyá ní. Ni ədadə́ ɓáý to̰ na kə aw̄ kə ədan̄ Jakə gotə ō, ngákó̰ó̰də́ kə́ rang gə̄ ō. Gō tə́ anī ni-teē aw̄ loo kə́ rang tə́.

GALATƏ 2:14

Ba dan ń m-á̰a̰ kadə̄ háĺdə́ i súmūú aĺ ō, ndetə yá̰á̰ kə́ rɔ̄kum yā Najə̄ kə́ Majə aĺ ō anī, m-ə́da Piyer ta kum de gə̄ tə́ malang na: Ḭ̄ ń i Jipə ní, ī-rāā hál deē ń ni i Jipə aĺ ní anī, loo kadə̄ ɔ́sə kə de gə̄ ń nin̄ i Jipə aĺ gə̄ ní ta rāā háĺ yā Jipə gə̄ i ba̰ý?

Najə̄ kə́ Majə yā Jeju ń Luk ndang ní 5:38

Banī a tūrə̄n̄ kasə kə́ tām̄ ngōn̄ i kem sɔl kə́ kijə gə̄ tə́.