Biblia Todo Logo
Bib sou entènèt

- Piblisite -




GALATƏ 2:11 - Bibəl ta Sar̄

11 Ba dan ń Piyer reē kem ɓē kə́ A̰tiyos tə́ anī, m̄-mbātə́ najə̄ gōn tə́ ta kumən tə́, tɔdɔ̄ yá̰a̰ rāān i gō tə́ alé.

Gade chapit la Kopi

Bible sar

11 Ba dan ń Piyer reē kem ɓē kə́ A̰tiyos tə́ anī, m̄-mbātə́ najə̄ gōn tə́ ta kumən tə́, tɔdɔ̄ yá̰a̰ rāān i gō tə́ alé.

Gade chapit la Kopi




GALATƏ 2:11
31 Referans Kwoze  

Ngé gə̄ ń rāān̄ majaĺ ní, ī-gɔŕyɔ̄də́ ta kum madə̄də́ gə̄ tə́ malang ādə̄ gotə gə̄ ɓōlə́n̄.


Ba dan ń m-á̰a̰ kadə̄ háĺdə́ i súmūú aĺ ō, ndetə yá̰á̰ kə́ rɔ̄kum yā Najə̄ kə́ Majə aĺ ō anī, m-ə́da Piyer ta kum de gə̄ tə́ malang na: Ḭ̄ ń i Jipə ní, ī-rāā hál deē ń ni i Jipə aĺ ní anī, loo kadə̄ ɔ́sə kə de gə̄ ń nin̄ i Jipə aĺ gə̄ ní ta rāā háĺ yā Jipə gə̄ i ba̰ý?


Adə̄ jḭḭ jə-ger̄ deē i kə gō yā dā̰ rɔ̄ɔ́ to̰ alé. Ká ré kété jóo jə-ger̄ Kərist i kə gō yā dā̰ rɔ̄ɔ́ gə̄gē anī, ngɔlaā jə-gerə̄n tītə̄ ń noō to̰ alé.


Anī de kə́rēý gə̄ ḭḭn̄ Jerusalem reē ɔjən̄ ngákó̰ó̰jí gə̄ najə̄ A̰tiyos, ədan̄də́ na: Ré ādī əjan̄ mɔtəsí tītə̄ ń najə̄ yā Moijə ədań ní aĺ anī, ā ásiī kadə̄ ajən̄sí alé.


Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.


Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.


Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.


Banī nin̄-a̰ā̰n̄ kadə̄ Nə́ɓā adə̄m̄ mā kəla kɔjə de gə̄ ń nin̄ i Jipə aĺ gə̄ ní Najə̄ kə́ Majə, tītə̄ ń adə̄ń Piyer kəla kɔjə Jipə gə̄ Najə̄ kə́ Majə ní.


Ba jḭḭ j-adə̄də́ kum mbang kógə̄ḿ gə̄gē aĺ bátə́, yā kadə̄ rɔ̄kum yā Najə̄ kə́ Majə toń gotoó beē tām̄ yāsí tə́.


M-ɔ̄r̄ najə̄ tītə̄ kə́ kɔ̄r̄ rāām̄ beé, ba i sḭḭ̄ n ī-raī seḿ ta rāā kɔ̄r̄ ní. Majə kadə̄ i sḭḭ̄ n ə́daī najə̄ kə́ majə yāḿ mā ní. Mā i yá̰á̰ kógə̄ḿ alé.


Anī Jeju tūr̄ rɔ̄n ba əda Piyer na: Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.


Ɓá tā banī m-á̰a̰ kadə̄ ngámbang kəla yāsí kə́ bo ngá̰ý gə̄ ń noō, tɔȳmə̄n̄ kə yá̰á̰ kógə̄ḿ alé!


De gə̄ ń rāān̄ kumdə́ ndoō tə́ dan ń tɔ̄lə̄n̄neé Etiyen tə́ ní, tə̄ndān̄ naā tḭ̄ḭ̄n̄ kə̄ loo gə̄ tə́. Ngé kə́rēý gə̄ dandə́ tə́ aw̄n̄ bátə́ ugə̄n̄ dɔ nang kə́ Penisi tə́ ō, kə́ Sipər tə́ ō, kə́ A̰tiyos tə́ ō. Nin̄-ɔjən̄ de gə̄ najə̄ yā Nə́ɓā, banī ɔjən̄ i Jipə gə̄ ngóy.


Nə́ɓā dəje Jonas na ké wōn̄g ń ni-rāā tām̄ yā kāgə̄ tə́ ní ké i gōtə́ wa. Anī Jonas tél ədan na: A̰á̰ā̰, m̄-rāā wōn̄g i gōtə́ ō, m̄-ndə̄ngā yo i gōtə́ ō!


Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.


Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.


Banī Kɔ́ɔ̄ɓē əda Moijə nin̄ kə Aaro̰ na: Sḭḭ̄ ī-taāī kemḿ ɔ́jiīń kə̄ ndágá ta kum ngán Israel gə̄ tə́ kadə̄ mā i de kə́ táĺ aĺ ɓá ní, i sḭḭ̄ n ā āwī kə ngé kán̄ naā gə̄ ń toō yā kugə̄ sedə́ dɔ nang ń m-ādə̄də́ tə́ ní alé.


Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.


Banī ngé kə́rēý gə̄ kə́ dandə́ tə́ ń nin̄ i de kə́ Sipər tə́ gə̄ ō, kə́ Siren tə́ gə̄ ō ní, dan ń nin̄-ugə̄n̄ A̰tiyos anī, ɔjən̄ Gərek gə̄ Najə̄ kə́ Majə yā Kɔ́ɔ̄ɓē Jeju.


Najə̄ ní əsō mbī ngé kán̄ naā gə̄ kə́ Jerusalem tə́, adə̄ əlan̄ Barnabas A̰tiyos.


Kem ndɔ̄ gə̄ ngeé ń noō tə́ ní ngé koō ta gə̄ ḭḭn̄ Jerusalem aw̄n̄ A̰tiyos.


Banī ngé taā kem kə́rēý gə̄ kə́ teēn̄ i dan ngé ndóō yá̰a̰ yā Parijiyḛ gə̄ tə́ ḭḭn̄ dɔɔ́ ba ədan̄ na, i gáŕ kadə̄ əjan̄ mɔtə de gə̄ ń i Jipə aĺ gə̄ ní ō, kadə̄ ədan̄də́ kadə̄ ngɔ̄mə̄n̄ ndū najə̄ yā Moijə ō.


Ɓāl̄ mətá gō tə́ anī m-āw̄ Jerusalem kadə̄ m̄-ger̄ Kepas, ba m̄-ndi seneé ndɔ̄ kutə gidə i mí.


Swiv nou:

Piblisite


Piblisite