GALATƏ 1:7 - Bibəl ta Sar̄

⁷ Kə́ rɔ̄kum tə́ tā anī Najə̄ kə́ Majə kə́ rang gətóo, ba m-ɔ̄r̄ najə̄ sesí tītə̄ ń noō i tām̄ yā de kə́ ngé tə́la najə̄ kemsí gə̄ tə́. Nin̄-gḛyn̄ i tūr̄ gidə Najə̄ kə́ Majə yā Kərist kɔ̄ɔ́.

Bible sar

⁷ Kə́ rɔ̄kum tə́ tā anī Najə̄ kə́ Majə kə́ rang gətóo, ba m-ɔ̄r̄ najə̄ sesí tītə̄ ń noō i tām̄ yā de kə́ ngé tə́la najə̄ kemsí gə̄ tə́. Nin̄-gḛyn̄ i tūr̄ gidə Najə̄ kə́ Majə yā *Kərist kɔ̄ɔ́.

GALATƏ 1:7 Referans Kwoze

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

GALATƏ 5:10

Mā m̄-taā kemsí mámák sɔɔ̄ń Kɔ́ɔ̄ɓē, kadə̄ gír̄ yāsí a to tayā alé, ba i tītə̄ yāḿ mā. Ba nge ń tə́la najə̄ kemsí tə́ ní, ká i náā gə̄gē anī, a ənge yá̰á̰ kə́ tōr̄ tām̄ yā yá̰á̰ kə́ gō tə́ aĺ ń ni-rāā tə́ ní.

2 KORḚNTƏ 11:13

De gə̄ ń noō i ngámbang kəla kə́ rɔ̄kum aĺ gə̄. Najə̄ kə́ dɔ kəla yādə́ gə̄ ń a rāān̄ tə́ ní, nin̄ a gólə̄n̄ i loo, ba tūrə̄n̄ rɔ̄də́ adə̄ de gə̄ a̰a̰n̄də́ i ngámbang kəla yā Kərist gə̄ tə́.

GALATƏ 5:12

Ādə̄ ngé tə́la najə̄ kemsí tə́ gə̄ ɔrə̄n̄ gum̄də́ nin̄ kɔ́ gə̄ kɔ̄ɔ́ ɗer.

2 KORḚNTƏ 2:17

De gə̄ ngá̰ý a rāān̄ najə̄ yā Nə́ɓā i yá̰a̰ gātə̄ tə́, banī jḭḭ jə-to i tītə̄də́ aĺ ō, jḭḭ jə-rāā beé aĺ ō. Tām̄ i Nə́ɓā n əlají ní, j-ɔr̄ najə̄ kanjə̄ gír̄ kə́ rang kemjí tə́ ta kum Nə́ɓā tə́, kə gō ɓoo naā yājí kə Kərist.

JEJU TEĒ KUM JA̰A̰ 20:3

Ni-ənīn bəlo kə́ bo kə́ ngɔ́nən gətóó tə́ ba utə̄ tan ō, rákə̄ yá̰a̰ tan tə́ adə̄ ngan̄g ō, yā kadə̄ dā̰ ní rāā nápar de gə̄ adə̄ ndúmə̄n̄ to̰ alé, bátə́ kadə̄ gír ɓāl̄ kə́ dūbú gə̄ gāngəń. Gō tə́ anī, a tútənən̄ yā kəya̰n dɔɔ́ sḛ́ý.

2 JA̰A̰ 1:10

Ré de kə́rēý reē rɔ̄sí tə́ ba i kə yá̰á̰ ndóō ń toō aĺ anī, ə́hɔniī kə̄ rɔ̄sí tə́ kem kújə yāsí tə́ aĺ ō, ī-rāāniī lápə́ya aĺ ō.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

JEJU TEĒ KUM JA̰A̰ 2:20

Banī yá̰á̰ ń m̄-mbātə́ gōí tə́ ní, i kəya̰ ń ə́ya̰ Jesabel ní. Ni i dəyá̰ ń əda na ni na i nge koō ta banī ni i nge rāā kadə̄ ngé kəla yāḿ gə̄ ndúmə̄n̄ ní, tɔdɔ̄ ni-ndóōdə́ rāā ájə́ba kə́ yā ndɔ̄yń ɓesə̄ ō, kəsa dā̰ kə́ tɔ̄l̄ ba tun̄ kadə̄ ɓesə̄ gə̄ ō.

JEJU TEĒ KUM JA̰A̰ 2:6

Ba yá̰a̰ yāí kə́ só tə́ n toó, nelī kə kəla rāā Nikolaitə gēé aĺ bátə́ tītə̄ ń nel̄məń mā aĺ ngá̰ý ní ō.

JEJU TEĒ KUM JA̰A̰ 2:2

m̄-ger̄ yá̰a̰ rāāí gə̄ ō, kəla kə́ ngan̄g gə̄ ń ī-rāā ní ō, kəhɔ rɔ̄ tɔgə yāí ō, m̄-ger̄ kadə̄ ásə́ tə́gā taí dɔ ngé kem ndul gə̄ tə́ aĺ ō, ngé gə̄ ń ədan̄ na nin̄ na i ngámbang kəla gə̄ ba nin̄ i ngámbang kəla gə̄ aĺ ní, ḭ̄ ī-nāādə́ ba á̰a̰ā̰ kadə̄ nin̄ i ngé sor̄ gə̄ ō.

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

2 JA̰A̰ 1:7

Tɔdɔ̄ de gə̄ ngá̰ý kə́ ngé gól̄ de gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang tə́ laā. Nin̄-ədan̄ najə̄ yā Jeju Kərist ń reē i kə́ deē tə́ ní alé. De kə́ nge gól̄ loo ń i nge rɔ̄ɔ̄ Kərist ní, a ɔjə rɔ̄n kə̄ ndágá i tītə̄ ń noō.

1 JA̰A̰ 2:26

m̄-ndang makətūbə̄ m-ādə̄sí dɔ yá̰a̰ gə̄ ń noō tə́ i tām̄ yā ngé gə̄ ń a sāān̄ rāāsí kadə̄ ī-ndúmī tə́ ní.

2 TIMOTE 2:18

Nin̄-unən̄ gō najə̄ kə́ rɔ̄kum to̰ alé, ədan̄ na ndól̄ ń de kə́ koy gə̄ na a ndólə̄n̄ ní, na i yá̰á̰ kə́ na rāā yá̰a̰ kɔ̄ɔ́ ɓá. Adə̄ nin̄-tūrə̄n̄ gír taā kem yā de kə́rēý gə̄ kɔ̄ɔ́, adə̄ tél i taā kem kə́ kə gōó to̰ alé.

GALATƏ 6:17

Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.

GALATƏ 4:17

Ko̰o̰ ń o̰o̰ de kə́rēý gə̄ tɔdɔ̄sí ní, i ko̰o̰ tɔdɔ̄ kə́ gō tə́ alé. Nin̄-gḛyn̄ kɔr̄sí rɔ̄ḿ tə́ kɔ̄ɔ́ i yā kadə̄ o̰o̰sí tɔdɔ̄də́.

2 KORḚNTƏ 4:2

Jḭḭ jə-mbātə́ yá̰á̰ kə́ to rɔ̄sɔl̄ kə́ rāā loo mundə̄ tə́ gə̄ kɔ̄ɔ́ ō, jə-rāā yá̰a̰ kə ngamaá aĺ ō, jə-tūr̄ gidə najə̄ yā Nə́ɓā aĺ ō, banī i najə̄ kə́ rɔ̄kum n j-əda kə̄ ndágá adə̄ kumən unjə̄, jə-sāań kadə̄ de gə̄ malang ənīn̄ kemdə́ adə̄n̄jí kə̄ ta kum Nə́ɓā tə́ ní.

KƏLA RĀĀ 20:30

Tá dansí sḭḭ̄ kɔ́ gə̄ tə́ laā gə̄gē ní, de kə́rēý gə̄ a ndin̄ yā kɔr̄ najə̄ kə́ rɔ̄kum aĺ gə̄ yā kɔyń ngé taā kem gə̄ gōdə́ tə́.

KƏLA RĀĀ 13:10

ba ədan na: Ḭ̄ i de kə́ kum kedə̄ gól̄ loo rosə kemií ō, de kə́ ger̄ tūr̄ gíŕ yá̰á̰ ngá̰ý ō, ḭ̄ i ngōn̄ diabəl ō, ḭ̄ i madə̄ kɔ̄l̄ yá̰a̰ malang kə́ gōtə́ ō, a asiī rāā gō róbə yā Kɔ́ɔ̄ɓē kə́ ra súmūú kadə̄ rúgə̄ kə̄ loo gə̄ tə́ i rə́ngáý tə́?

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

JEREMI 23:26

Ngé koō ta gə̄ ń toō a sorə̄n̄ kə̄ nodə́ tə́ i bátə́ ta kə́ rá? A gólə̄n̄ loo kə̄ nodə́ tə́ i bátə́ ta kə́ rá?

JEREMI 23:36

Ba najə̄ ń na yá̰a̰ kətō kə́ kɔȳ ngá̰ý yā Kɔ́ɔ̄ɓē ní a teē tasí tə́ to̰ alé, i najə̄ kɔrsí gə̄ n a tél yá̰a̰ kətō kə́ kɔȳ ngá̰ý yāsí kógə̄ḿ kógə̄ḿ ní, tɔdɔ̄ sḭḭ̄ ī-nujiī najə̄ yā Nə́ɓā kə́ ndi kə kumneé. Ni ń i Kɔ́ɔ̄ɓē kə́ bo kə́ tɔ́gən i ngá̰ý á i Nə́ɓā yājí ní.

GALATƏ 1:6

Ɔr kumḿ sesí tɔdɔ̄ ī-téliī láẃ kɔ̄ɔ́ gō Nə́ɓā ń ɓāŕsí ba rajəsí kə ta kūl̄ Kərist ní, yā kunəń gō Najə̄ kə́ Majə kə́ rang.